PSALME ya 30

₁Morena, ke a go godiša; o mphološitše wa se dumelele manaba go nkwera.

₂Morena Modimo wa ka! Ke go biditše, mme wa mphodiša.

₃Morena, o gomišitše moya wa ka kua bodulabahu, wa mphediša, ka se fologele moleteng.

₄Hlabang sefela sa Morena, lena barapedi bagwe, le leboge leina lekgethwa la gagwe.

₅Gobane bogale bja gagwe ke bja lebakanyana fela; mme botho bja gagwe ke bja bophelo bjohle. Sello se tsena bošego, ya ba tlhalalo ge go esa.

₆Mola ke sa iketlile ka na ka re: Nka se ke ka šutha neng le neng.

₇Morena, ka botho bja gago o be o thekgile thaba ya ka ya ba sebo; ya re ge o uta sefahlego, ka napa ka tšhoga.

₈Ka na ka bitša wene Morena, ka llela wene Mong wa a ka.

₉Ka re madi a ka a ka go holang ge ke fologela moleteng? A lerole le sa tlo go reta, la kwatša therešo ya gago?

₁₀Morena, nkutlwele ruri mme o nkgaugele, o be Mophološi wa ka.

₁₁Gomme wa phekgola, sello sa ka ya ba pina; wa nkapola boso bja ka wa ntlhama ka lethabo.

₁₂A ke go binele koša ya sereto, ke lese go homola. Morena Modimo wa ka, ke go leboga neng le neng.