PSALME ya 29

₁Hee lena Bana ba Modimo! Tlišetšang Morena kgodišo, le rete maatla a gagwe.

₂Tlišetšang Morena ditheto tša leina la gagwe; khunamelang Morena le tšhepile ka tše kgethwa.

₃Modumo wa Morena o godimo ga mawatle; Modimo wa borena o dumiša maru, Morena kokamamadiba.

₄Modumo wa Morena o gala ka maatla; modumo wa Morena ke wa letago.

₅Modumo wa Morena o roba merokwana; Morena o roba merokwana Libanoni.

₆O e kgaramiša bjalo ka mamane; Libanoni le Sirione di etša mamane a nare.

₇Modumo wa Morena o thuntšha dikgabo tša mollo.

₈Modumo wa Morena o šišinya maganata; Morena o šišinya maganata a Kadese.

₉Modumo wa Morena o tšhoša ditholo, o ratha dithokgwa. Gomme mo Ngwakong wa gagwe bohle ba re: Ke bjona borena.

₁₀Morena ke yena a bego a dutše a buša meetsefula. O tlo dula e le yena Kgoši neng le neng.

₁₁Morena o tlo fa setšhaba sagwe maatla. Morena o tlo atla setšhaba sagwe ka molao.