1 KORONIKA 25

₁Dafida le balaodi ba madira ba hlaola barwa ba bangwe ba Asafa, le ba Hemane, le ba Jeduthune, gore e be ba go ruta tša Modimo ka dikopelo, le ka diletšo, le ka makope, le ka meropa. Ba ba badilwego ba bona e be e le banna ba modiro woo.

₂Go barwa ba Asafa gwa hlaolwa Sakuri, le Josefa, le Nethanya, le Asarele; ke bona barwa ba Asafa ba ba bego ba ruta dikopelo ba laolwa ke Asafa ka taelo ya kgoši.

₃Go ba ga Jeduthune gwa hlaolwa barwa ba Jeduthune boGedalia le Tseri le Jesaya le Hasabya le Mathitya le Simei, ba ba selelago ba; ba be ba laolwa ke Jeduthune tatabo ge ba ruta go leboga Morena le go mo reta ka diletšo.

₄Bahemane e be e le barwa ba Hemane boBukia le Mathanya le Usiele le Sebuele le Jerimothe le Hananya le Nanani le Eliatha le Gidilathi le Romanthi-Esere le Jobekasa le Malothi le Hothiri le Mahasiothe. ₅Bona ka moka e be e le barwa ba Hemane mmoni wa kgoši mantšung a Modimo wa go phagamiša lenaka; gobane Hemane Modimo o be a mo neile barwa ba lesome le metšo e mene le barwedi ba bararo. ₆Ka moka ba be ba laolwa ke tatabo dikopelong tša Mgwakong wa Modimo ka meropa le ka makope le ka diletšo tša go dira Ngwakong wa Modimo, ka mo kgoši e bego e laya Asafa le Jeduthune le Hemane.

₇Palo ya bona gotee le bana babo bona ba ba rutilwego dikoša tša Morena, le ka moka ba e bego e le direti, e be e le makgolo a mabedi le masome a seswai.

₈Go ba hlatlamanya modirong wa bona ba dirile ka matengwa ge ba hlaola ba banyane le ba bagolo, bomaitse le baithuti.

₉Tengwa la pele la wela Josefa wa ga Asafa; la bobedi la wela Gedalia; yena le bana babo le barwa ba gagwe e be e le ba lesome la metšo e mebedi; ₁₀la boraro la wela Sakuri; yena le barwa ba gagwe le bana babo e be e le ba lesome la metšo e mebedi; ₁₁la bone la wela Jithiri; yena le barwa ba gagwe le bana babo e be e le ba lesome la metšo e mebedi; ₁₂la bohlano la wela Nethanya; yena le barwa ba gagwe le bana babo e be le ba lesome la metšo e mebedi; ₁₃la go selela la wela Buki; yena le barwa ba gagwe le bana babo e be e le ba lesome la metšo e mebedi; ₁₄la go šupa la wela Jesarele; yena le barwa ba gagwe le bana babo e be e le ba lesome la metšo e mebedi; ₁₅la seswai la wela Jesaya; yena le barwa ba gagwe le bana babo e be e le ba lesome la metšo e mebedi; ₁₆la senyane la wela Mathanya; yena le barwa ba gagwe le bana babo e be e le ba lesome le metšo e mebedi; ₁₇la lesome le wela Simei; yena le barwa ba gagwe le bana babo e be e le ba lesome la metšo e mebedi; ₁₈la lesome la motšo o tee la wela Asariele; yena le barwa ba gagwe le bana babo e be e le ba lesome la metšo e mebedi; ₁₉la lesome la metšo e mebedi la wela Hasabya; yena le barwa ba gagwe le bana babo e be le ba lesome la metšo e mebedi; ₂₀la lesome la metšo e meraro la wela Subaele; yena le barwa ba gagwe le bana babo e be e le ba lesome la metšo e mebedi; ₂₁la lesome la metšo e mene la wela Mathitya; yena le barwa ba gagwe le bana babo e be e le ba lesome la metšo mebedi; ₂₂la lesome la metšo e mehlano la wela Jeremothe; yena le barwa ba gagwe le bana babo e be e le ba lesome la metšo e mebedi; ₂₃la lesome la metšo e selelago la wela Hananya; yena le barwa ba gagwe le bana babo e be e le ba lesome la metšo e mebedi; ₂₄la lesome la metšo e šupago la wela Josebekasa; yena le barwa ba gagwe le bana babo e be e le ba lesome la metšo e mebedi; ₂₅la lesome la metšo e seswai la wela Nanani; yena le barwa ba gagwe le bana babo e be e le ba lesome la metšo e mebedi; ₂₆la lesome la metšo e senyane la wela Malothi; yena le barwa ba gagwe le bana babo e be e le ba lesome la metšo e mebedi; ₂₇la masome a mabedi la wela Eliatha; yena le barwa ba gagwe le bana babo e be e le ba lesome la metšo e mebedi; ₂₈la masome a mabedi a motšo o tee la wela Hotiri; yena le barwa ba gagwe le bana babo e be e le ba lesome la metšo e mebedi; ₂₉la masome a mebedi a metšo e mebedi la wela Gidaliti; yena le barwa ba gagwe le bana babo e be e le ba lesome la metšo e mebedi; ₃₀la masome a mabedi a metšo e meraro la wela Mahasiothe; yena le barwa ba gagwe le bana babo e be e le ba lesome la metšo e mebedi; ₃₁la masome a mabedi a metšo e mene la wela Romanthi-Esere; yena le barwa ba gagwe le bana babo e be e le ba lesome la metšo e mebedi.