1 KORONIKA 24

₁Ge e le barwa ba Arone dihlopha tša bona šedi: Barwa ba Arone e be e le Nadaba le Abihu, le Eleasara le Ithamara. ₂Nadaba le Abihu ba hwa pele ga tatabo; baperisita ya ba Eleasara le Ithamara. ₃Dafida a ba beakanya dihlopha a na le Tsadoko, a hlaola barwa ba Eleasara, le barwa ba Ahimeleke, le barwa ba Ithamara; ba abelwa modiro o ba lebanego. ₄Barwa ba Eleasara ba hwetšwa e le ba bantši, banna ba bagolo ba meloko, ba feta barwa ba Ithamara. A ba beakanya; mme bagolo mo lelokong la Eleasara ya ba ba lesome le metšo e selelago; go ba leloko la Ithamara bagolo ya ba ba seswai. ₅Ba ba kgethegantše ka go ba direla matengwa bohle, ka gobane bagolo ba sekgethwa le bagolo ba Modimo ba be ba le gona mo molokong wa Eleasara le mo molokong wa Ithamara. ₆Ba ngwadilwe ke Semaya morwa wa Nethaniele mongwadi wa Balefi; a ba ngwala pele ga kgoši, le pele ga bakgoma, le pele ga Tsadoko moperisita, le pele ga Ahimeleke morwa wa Abyathara, le pele ga bagolo ba meloko ya Balefi. Ge ba dira matengwa ba ntšha a mabedi a ba ga Eleasara, ba ntšha letee la ba ga Ithamara.

₇Tengwa la pele la wela Joyariba; la bobedi la wela Jedaya; ₈la boraro la wela Harima; la bone la wela Seorima; ₉la bohlano la wela Malakia; la go selela la wela Miyamini; ₁₀la go šupa la wela Hakotse; la seswai la wela Abia; ₁₁la senyane la wela Jeusi; la lesome la wela Sekanya; ₁₂la lesome la motšo o tee la wela Elyasiba; la lesome la metšo e mebedi la wela Jakima; ₁₃la lesome la metšo e meraro la wela Hupa; la lesome la metšo e mene la wela Jesebeaba; ₁₄la lesome la metšo e mehlano la wela Biliga; la lesome la metšo e selelago la wela Imere: ₁₅la lesome la metšo e šupago la wela Hesiri; la lesome la metšo e seswai la wela Hapisese; ₁₆la lesome la metšo e senyana le wela Phethaya; la masome a mabedi la wela Hesekiele; ₁₇la masome a mabedi a motšo o tee la wela Jakini; la masome a mabedi a metšo e mebedi la wela Gamulu; ₁₈la masome a mabedi a metšo e meraro la wela Delaya; la masome a mabedi a metšo e mene la wela Maasia.

₁₉Ba be ba hlatlamana ka mokgwa woo modirong wa bona ge ba tla Ngwakong wa Morena ka molao wo o beilwego ke Arone tatabo, ka mo Morena Modimo wa Isiraele a mo laetšego ka gona.

₂₀Barwa ba bangwe ba Lefi šeba: Ba ga Amorama ke Subaele; ba ga Subaele ke Jehedeya. ₂₁Ba ga Rehabya mogolo wa bona e be e le Jisia. ₂₂Ba ga Jitsehara mogolo wa bona e be e le Selomotho; wa ba ga Selomothe e be e le Jahathe. ₂₃Wa ba ga Heburone e be e le Jeria wa pele; wa bobedi e be e le Amaria; wa boraro e be e le Jahasiele; wa bone e be e le Jakaneama. ₂₄Ba ga Usiele mogolo wa bona e be e le Mika; wa ba ga Mika e be e le Samiri. ₂₅Ngwanabo Mika e be e le Jisia; ba ga Jisia mogolo wa bona e be e le Sekaria. ₂₆Barwa ba Merari e be e le Mahli le Musi, barwa ba Jaasia morwa wa gagwe. ₂₇Barwa ba Merari, ba Jaasia morwa wa gagwe e be e le Sohama, le Sakuri, le Iberi. ₂₈Wa Mahli e be e le Eleasara; gomme yena o be a se na barwa. ₂₉Ba Kisi e be e le ba ga Jeramiele barwa ba Kisi. ₃₀Barwa ba Musi e be e le Mahli, le Edere, le Jerimothe.

Ke bona barwa ba Lefi ka meloko ya bona.

₃₁Le bona ba diretšwe matengwa bjalo ka bana ba bobona barwa ba Arone pele ga kgoši Dafida le Tsadoko le Ahimeleke, le pele ga bagolo ba baperisita. Ba bagolo ba meloko ba badilwe bjalo ka bana ba bobona ba banyenyane.