To The Word – Day 187

₁Mabapi le Baamone Morena o re:

₁₂“Ge ešita le bale ba bego ba se ba swanela go otlwa ba ile ba otlwa, na wena o gopola gore o tla phonyokga kotlo? Le gatee; o swanetše go otlwa! ₁₃Nna, Morena, ke re ke ikanne gore motse wa Botsra o tla fetoga setšhoša, batho ba tla o kwera, e tla ba mašope, ba le kgatlela motswiri. Metse yohle ya kgauswi e tla fetoga matoko go ya go ile.”

₁₄Ke ile ka re:

₁₇Morena o re: “Edomo e tla fetoga setšhoša. Mofeti wa tsela o tla gakgamala, a kgotsa masetlapelo ohle a yona. ₁₈Se se ilego sa hlagela Sodoma le Gomora mola yona metse yeo gotee le ya kgauswi le yona e fedišwa, ke sona se se tlago hlagela Edomo mo e lego gore go ka se sa tsoga go phetše motho moo, go ka se sa tsoga go dutše motho. Ke realo, nna, Morena. ₁₉Ke tla ragoga bjalo ka tau ye e tšwago ka sethokgweng sa Jordane e hlasela dihuswane mafulong a kgauswi le moela. Ke tla tla ka leleka Baedomo nageng ya bona. Ke gona moetapele yo ke mo kgethago a tlago buša setšhaba. Ke mang yo a swanago le nna? Ke mang yo a ka ntshekišago? Ke moetapele mang yo a ka lwago le nna? ₂₀Ka gona, theeletšang maano ao ke a logetšego Baedomo le se ke ikemišeditšego go se dira badudi ba motse wa Temane: Le bana ba bona ba tla gogoišwa, gomme setšhaba sohle se tla tšhoga. ₂₁Mohla Edomo e ewa, go tla kwagala modumo wa go rekemiša lefase, gomme mokgoši o tla kwagala le go fihla Lewatleng la Mahlaka. ₂₂Setšhabatsoko se tla tla sa phuthuma Botsra bjalo ka ntšhu ye e phurulotšego diphego. Mohlang woo dioka tša Edomo di tla boifa bjalo ka mosadi ge a belega.”

₂₃Mabapi le Damaskose Morena o re:

₂₈Mabapi le kgoro ya Kedara le mebušo ya ba Hatsore ye e bego e fentšwe ke Nebukadnesare, kgoši ya Babilonia, Morena o re:

₃₄Ge Tsedekia a seno bewa kgoši ya Juda, Morena a bolela le Jeremia ka naga ya Elamo. ₃₅Yena Morena Ramaatlaohle a re:

₁Mabapi le motse wa Babilone le naga ya Babilonia Morena o boletše ka molomo wa moprofeta Jeremia a re:

₃“Setšhaba sa go tšwa ka leboa se tletše go tlo hlasela naga ya Babilonia, gomme se tlo e fetoša lešoka. Batho ba tla tšhaba gotee le diphoofolo, gomme ga go yo a tlago dula moo.”

₄Morena o re: “Mohla nako yeo e fihla batho ba Israele le ba Juda ba tla tla ba lla, ba nnyaka, nna, Morena Modimo wa bona. ₅Ba tla botšiša tsela ya go ya Sione, ba napa ba leba gona. Ba tla itlemaganya le nna go ya go ile ka setlemo se se ka se kego sa kgaoga.

₆“Setšhaba sa ka se be se le bjalo ka dinku tše badiša ba tšona ba di timeditšego kua dithabeng. Ba gerema le dithaba le meboto bjalo ka dinku tše di gakilwego ke lešaka. ₇Ba be ba hlaselwa ke bohle ba ba ba hwetšago. Manaba a bona a re: ‘Se re se dirilego ga se phošo, ka gobane bona ba fošeditše Morena, yena toka ya ka mehla, yo borakgolokhukhu ba bona ba bego ba mmotile.’

₈“Tšhabang le tloge Babilonia! Etšwang ka nageng ya Bababilonia, le be bjalo ka diphooko tše di etilego mohlape pele! ₉Ke ya go hlohleletša ditšhaba tše maatla tše di itirilego seboka tša hlasela Babilonia di etšwa nageng ya ka leboa. Di tla ema ka lethete go hlasela naga yeo mme tša e fenya. Ke bagale ba bokgoni, ba go thunya mesebe ka go nepa. ₁₀Babilonia e tla thopelwa, gomme bohle ba ba e thopelago ba tla tšea tšohle tše ba di nyakago. Ke realo, nna, Morena.”

₁₇“Setšhaba sa Israele se bjalo ka dinku tše di lelekišitšwego mme tša šwalalanywa ke ditau. Pele ba ile ba hlaselwa ke kgoši ya Asiria, ba tla ba hlaselwa ke Nebukadnesare, kgoši ya Babilonia. ₁₈Ka lebaka la taba yeo nna, Morena Ramaatlaohle, Modimo wa Israele, ke tla otla kgoši ya Babilonia le naga ya gagwe ka mokgwa wo ke otlilego kgoši ya Asiria ka wona. ₁₉Ke tla bušetša setšhaba sa Israele nageng ya sona bjalo ka dinku ge di bušetšwa mafulong a tšona. Ba tla ja tše di bjalwago thabeng ya Karmele le seleteng sa Bashane, ba tla ja ba khora le tše di bjalwago nageng ya dithaba ya Efraime le ya Gileade. ₂₀Mohla nako yeo e fihla Baisraele ba ka se hwetšwe ba na le molato, le Bajuda ba ka se hwetšwe ba dirile sebe, ka gobane ke tla lebalela bao ke sego ka ba lesa ba bolawa. Ke realo, nna, Morena.”

₂₁Morena o re:

₂₈“Ekwang ka mo batšhabi le bafaladi ba go tšwa nageng ya Babilonia ba begago motseng wa Jerusalema gore Morena Modimo wa rena o lefeletša tše Bababilonia ba di dirilego Tempele ya gagwe.

₂₉“Rapang boramesebe, bohle ba ba kgonago go šomiša bora le mosebe, gore ba hlasele motse wa Babilone. Dikanetšang motse mme go se phonyokge motho. Le o lefeletše tše o di dirilego, gomme le o sware ka mo o ilego wa swara batho ka gona, ka gobane o be o nkganyetša, nna, Mokgethwa wa Israele. ₃₀Ka gona, mohlang woo masogana a wona a tla bolawa mabaleng a motse, le bahlabani bohle le bona ba tla fedišwa. Ke realo, nna, Morena.

₃₃Morena Ramaatlaohle o re: “Setšhaba sa Israele se gateletšwe, ešita le sona sa Juda. Bathopi ba bona ba ba dišitše kudu, gomme ba ba ganetša go tloga. ₃₄Eupša Mohlakodiši wa bona ke yo maatla, leina la gagwe ke Morena Ramaatlaohle. Yena ka boyena o tla ba lwela gore ba dule nageng ya bona ka khutšo, badudi ba Babilonia bona khutšo ba e hloke.”

₃₅Morena o re:

₃₉“Ke ka lebaka leo felo moo go tlago phela diphaga le diphukubje, le dimpšhe di tla dula gona. Batho ba ka se sa tsoga ba dutše gona, go tla dula go se na badudi go ya go ile. ₄₀Nna, Modimo, motse wa Babilone ke tla o fediša ka mokgwa wo nkilego ka fediša Sodoma le Gomora le metse ya kgauswi le yona, e lego gore go ka se sa tsoga go phetše motho moo. Go ka se sa tsoga go dutše motho. Ke realo, nna, Morena.

₄₄“Nna, Morena, ke tla ragoga bjalo ka tau ye e tšwago ka sethokgweng sa Jordane e hlasela dihuswane mafulong a kgauswi le moela, ka lelekiša Bababilonia nageng ya bona. Ke mo moetapele yo ke mo kgethago a tlago buša setšhaba. Ke mang yo a swanago le nna? Ke mang yo a ka ntshekišago? Ke moetapele mang yo a ka lwago le nna? ₄₅Ka gona, theeletšang maano ao ke a logetšego motse wa Babilone, le se ke ikemišeditšego go se dira naga ya Bababilonia: Le bana ba bona ba tla gogoišwa, gomme setšhaba sohle se tla tšhoga. ₄₆Mohla Babilonia e thopša go tla kwagala modumo wa rekemiša lefase, gomme mokgoši o tla kwewa ke ditšhaba.”

₁Morena o re: “Ke tla tsošetša naga ya Babilonia le badudi ba Lebe-Kamai ledimo le lešoro. ₂Ke tla roma bafeferi Babilonia ba yo e fefera. Mohla tšatši leo la masetlapelo le fihla ba tla e hlasela ba etšwa ka mathoko ohle, ba e tlogela e le fela. ₃Le se ke la fa boramesebe ba gona sebaka sa go thuntšha ka mesebe goba go apara tša ntwa. Masogana a gona le se ke la a šokela. Le fediše madira ohle! ₄Nageng ya Babilonia go tla rapalala ba ba bolawago le ba ba gobaditšwego mekgotheng ya gona. ₅Nna, Modimo wa bona, Morena Ramaatlaohle, ga se ka tlogela Baisraele le Bajuda, le ge bohle ba be ba na le molato pele ga ka, nna, Mokgethwa wa Israele. ₆Tšhabang le tloge Babilonia, le phološe hlogo tša lena! Le se bolaelwe dibe tša Bababilonia. Bjale ke nako ya gore ke itefeletše, ke e otle ka mo go e swanetšego. ₇Babilonia e be e swana le senwelo sa gauta se ke se swerego ka seatla, mme beine ya sona e taga lefase ka moka. Ditšhaba di nwele beine yeo mme tša gafa. ₈Babilonia e lobile ka bjako, e gobetše! E lleleng! E nyakeleng dihlare tša go e alafa dintho, mohlomongwe e ka fola. ₉Bafaladi ba ba dulago gona ba ile ba re: ‘Re lekile go alafa Babilonia, fela e be e sa alafege. A re e tlogeleng, mongwe le mongwe a ye ga gabo, gobane Modimo o otlile naga ya Babilonia kudu ka kotlo ye bohloko.’ ”

₁₀Morena o re Baisraele ba re: “Morena o bontšhitše gore ga re na molato. A re yeng go botša batho kua Jerusalema tše Morena a di dirilego.”

₁₁“Lootšang mesebe ya lena! E tlatšeng dikgotlopo tša lena!” Morena o hlohleleditše magoši a Media, ka gobane o ikemišeditše go fediša Babilonia. Ke ka mo a tlago lefeletša Tempele ya gagwe ka gona. ₁₂“Bontšhang sefoka sa ge le hlasela merako ya Babilone. Beang baleti! Oketšang bahlapetši! Beang banna ba go lalela!”

Morena o phethile tše a bego a rile o tla di dira badudi ba Babilonia. ₁₃Lena baagi ba meetseng a mantši, le humilego ka matlotlo, mafelelo a lena a fihlile, le kgauswi le go bolawa. ₁₄Morena Ramaatlaohle o ikanne gore o tla tliša banna ba bantši go tlo hlasela Babilone bjalo ka tšie, gomme ba tla tšhela legoa la phenyo.

₂₀Morena o re:

₂₄Morena o re: “Le tla bona ke itefeletša ka Babilonia le badudi ba gona ka lebaka la tšohle tše mpe tše ba di dirilego Jerusalema. ₂₅Babilonia, wena thaba, sepšhatlaganyafaselohle, ke lwa nago. Ke tla go swara, ka go kgokološa magageng, ka go fetoša thaba ye e swelego. ₂₆Go ka se tšewe leswika la sekhutlo goba la motheo mo go wena. O tla swana le lešoka go ya go ile. Ke realo, nna, Morena.

₂₇“Emišang sefoka nageng sa go hlasela! Galagatšang phalafala ditšhabeng! Beakanyetšang ditšhaba go yo lwa le Babilonia! Botšang mmušo wa Ararate le wa Mini le wa Ashkenase gore e hlasele. Tlišang dipere di etše tšie ka bontši. ₂₈Beakanyetšang ditšhaba go yo lwa le Babilonia, gotee le magoši a Media, le babuši le babušiši ba gona, le dinaga tšohle tše ba di laolago. ₂₉Lefase le a rekema ebile le a šikinyega, ka ge Morena a phetha leano la gagwe la go dira Babilonia lešoka, moo go sa dulego motho. ₃₀Bagale ba Babilonia ba lesitše go lwa mme ba dutše ka dibong tša bona. Ba nolegile moko, mme ba hloka maatla bjalo ka basadi. Dintlo di tšhumilwe, mapheko a dikgoro tša motse a kgakgamolotšwe. ₃₁Baromiwa ba rongwa ba sa tšo rongwa, le batseta ba kitima ba šalane morago, ba eya go begela kgoši ya Babilonia gore motse wa yona o šwahletšwe ka mathoko ohle, ₃₂le gore manaba a thibile matšibogo a noka, a bile a tšhuma dibo, le gore bahlabani ba Babilonia ba gakanegile. ₃₃Motse wa Babilone o tla katakelwa bjalo ka seboa pele go bunwa. Taba ye e tla direga kgauswinyana.

“Ke realo, nna, Morena Ramaatlaohle, Modimo wa Israele.”

₃₄Badudi ba Jerusalema ba re:

₃₆Ka gona Morena a re go batho ba Jerusalema: “Ke tla le rerelela, ka le lefeletša. Ke tla pšheša noka ya Babilonia, ka gopiša methopo ya gona. ₃₇Motse wa Babilone o tla fetoga mokgobo wa matoko le segola sa diphukubje. O tla fetoga setšhoša, wa gakgamatša batho; ga go motho yo a tlago dula gona. ₃₈Bababilonia ba rora bjalo ka ditau, ba bopa boka ditawana. ₃₉E tla re ba sa kukegile bjalo, ka ba direla monyanya, ba tagwa, ba potuma, ba robalela ruri, ba se sa tsoga. Ke realo, nna, Morena. ₄₀Ke tla ba iša go bolawa, ba etša dikwanyana le dikgapa le dipudi.”

₄₁Morena o re: “Joo, wa tla wa thubja motse wa Sheshake, moretwa wa lefase lohle! Ditšhaba di tšhošitšwe ke se se hlagetšego motse woo. ₄₂Babilone e phuthumilwe ke lewatle, la e khupetša ka maphoto a lona a a bopago. ₄₃Metse e fetogile setšhoša gomme e etša naga ya komelelo, ya leganata, moo go sa dulego gape go sa sepelego motho. ₄₄Ke tla otla Bele, modimo wa Babilonia, gomme ka o hlatšiša tše o di kwameditšego. Ditšhaba di ka se sa o loba.

“Morako wa Babilone o kgeregile. ₄₅Lena setšhaba sa ka, tšhabang le tloge mo, le phološe hlogo tša lena pefelong ya ka ye šoro! ₄₆Le se ke la nolega moko goba la boifišwa ke mabarebare ao le a kwago mo nageng. Ngwaga ka ngwaga go kwagala mabarebare a mohuta wo mongwe – mabarebare a dikgaruru mo nageng, kgoši e elwa le ye nngwe. ₄₇Ka gona go tla tla nako yeo ka yona ke tlago otla medimo ya Babilonia ya diswantšho. Naga yohle e tla gobošwa, gomme badudi ba yona ka moka ba tla bolawa. ₄₈Legodimo le lefase le tšohle tše di lego go ona di tla goa ka lethabo ge Babilonia e fenywa ke batho ba go tlo e fediša ba etšwa ka leboa. Ke realo, nna, Morena. ₄₉Babilonia ke yona e hloletšego batho lehu lefaseng ka moka, gomme bjale Babilonia e tla fenywa ka gobane e hloletše Baisraele ba bantši lehu.”

₅₀Morena o re: “Lena le phonyokgilego tšhoša, sepelang! Le se diege! Le ge le le nageng ya kgole bjalo, le nkgopole, nna, Morena, le gopole le Jerusalema.” ₅₁Batho ba re: “Re na le dihlong ka gobane re rogilwe; re gobošitšwe ka ge bafaladi ba tsene ka mafelong a makgethwa a ka Tempeleng.” ₅₂Morena o re: “Ka gona nna ke re go tla tla nako yeo ka yona ke tlago otla medimo ya Babilone ya diswantšho, gomme dikgobadi di tla tsetla mo gohle nageng. ₅₃Le ge Babilone e ka namelela godimo leratadimeng, ya ikagela sebo se se tiilego, ke tla no roma batho gore ba yo se senya. Ke realo, nna, Morena.”

₅₉Mookamedi wa tša mošate e be e le Seraya, morwa wa Neria, setlogolo sa Magasea. E rile ka ngwaga wa bone wa ge Tsedekia e le kgoši ya Juda, Seraya a ya Babilonia le yena, gomme Jeremia a mo laeletša. ₆₀A ngwala ka pukung e tee masetlapelo ohle a a bego a tlilo wela Babilonia, ke go re tšohle tše di ngwadilwego mabapi le Babilonia. ₆₁Ke moka Jeremia a re go Seraya: “Ge o fihla Babilone o hlokomele gore o balele setšhaba tšohle tše di ngwadilwego mo. ₆₂O rapele o re: ‘Morena, ke wena o rilego o tla fediša motse wo, gore go se sa ba le se se phelago mo, motho goba phoofolo, gomme go tla fetoga lešoka go ya go ile.’

₆₃“Seraya, ge o fetša go bala puku ye o e kgokaganye le leswika, o e fošetše ka nokeng ya Yufratese, ₆₄gomme o re: ‘Ke ka mokgwa wo motse wa Babilone o tlago sobelela ka gona, mme wa se sa tšwa ka lebaka la masetlapelo ao o tla bego o a tlišeditšwe ke Morena.’ ”

Tše di boletšwego ke Jeremia di felela mo.

₁Tsedekia o be a na le mengwaga ye masome a mabedi a motšo o tee ge e eba kgoši ya Juda, gomme a buša a le Jerusalema mengwaga ye lesome le motšo o tee. Mmagwe e be e le Hamutale, morwedi wa Jeremia yola wa motse wa Libna. ₂Kgoši Tsedekia o be a dira dibe pele ga Morena, go no swana le Kgoši Joyakime. ₃Morena a galefela batho ba Jerusalema le ba Juda moo e lego gore o ile a ba raka pele ga gagwe.

Tsedekia a tsogela Kgoši Nebukadnesare wa Babilonia maatla, ₄ka gona Nebukadnesare a tla ka madira a gagwe ka moka gomme a hlasela Jerusalema ka letšatši la lesome la kgwedi ya lesome la ngwaga wa senyane wa pušo ya Tsedekia. Ba hloma mešaša ka ntle ga motse, gomme ba kgobela ntotoma ya mobu go o dikologa, ₅mme ba o dikanetša go fihlela ka ngwaga wa lesome le motšo o tee wa pušo ya Tsedekia. ₆Ka letšatši la senyane la kgwedi ya bone ya wona ngwaga woo, ge tlala e befile moo e lego gore go be go se na sa go ja, ₇morako wa motse o ile wa kgerešwa. Le ge Bababilonia ba be ba dikaneditše motse, bahlabani ka moka ba ile ba tšhaba bošego. Ba tšea ka tsela ye e putlago serapa sa mošate, ba tšwa ka lesoro le le kgomaganyago maboto a mabedi a serapa seo, gomme ba tšhabela thoko ya moedi wa Jordane. ₈Eupša madira a Bababilonia a rakediša Kgoši Tsedekia, a mo swara melaleng ya kgauswi le Jeriko, gomme bahlabani ba gagwe ka moka ba šwalalana, ba mo tlogela. ₉Tsedekia a išwa go Kgoši Nebukadnesare yo a bego a le motseng wa Ribla, nageng ya Hamate, gomme Nebukadnesare a mo ahlola moo. ₁₀A bolaya barwa ba Tsedekia fao Ribla Tsedekia a lebeletše, gomme a laela gore le bakgomana ba Juda ba bolawe. ₁₁Ka morago ga moo a laela le gore Tsedekia a gonywe mahlo, a tlengwe ka diketane, mme a mo iša Babilone. A mo lahlela kgolegong, mme Tsedekia a dula fao go fihlela a ehwa.

₁₂Ka letšatši la lesome la kgwedi ya bohlano ya ngwaga wa lesome le metšo ye senyane wa pušo ya Kgoši Nebukadnesare wa Babilonia, Nebusaradane, mohlankedi wa gagwe yo e bego e le molaodi wa baleti ba kgoši, a tsena Jerusalema. ₁₃A tšhuma Tempele le mošate le nywako le meago ka moka ye megolo Jerusalema, ₁₄gomme bahlabani ba gagwe ba kgereša morako wa motse. ₁₅Ke moka Nebusaradane a thotha batho ba ba bego ba šetše motseng, a ba iša Babilonia, le banna ba go tseba mediro ba ba bego ba sa šetše, le ba ba bego ba šetše ba ineetše go Bababilonia. ₁₆Eupša a šadiša badiidi ba bangwenyana nageng ya Juda gore ba šome mašemong le ka dirapeng tša merara.

₁₇Bababilonia ba pšhatlaganya dikokwane tša mphiri le dikoloyana tša ka Tempeleng, gotee le legopo le legolo la mphiri, gomme ba iša mphiri wa gona ka moka Babilone. ₁₈Ba thotha le dibjana tša go olelela melora, digarafo, ditimamabone, meruswi le ditlabakelo ka moka tša mphiri tše di bego di šomišwa tirelong ya Tempeleng. ₁₉Ba thotha dilo ka moka tše di bego di dirilwe ka gauta le silibera: meruswana, dibjana tša magala, meruswi ya go foka madi, dibjana tša go olelela melora, dihlomamabone, dipane tša go tšhumela diorelo, le dibjana tša dihlabelo. ₂₀Mphiri wa dikokwane ka dipedi le wa dikoloyana le wa legopo le legolo, le wa dipoo tšela tše lesome le metšo ye mebedi tše di bego di le thekgile, e lego dilo tše Kgoši Solomone a bego a di diretše Tempele, e be e le wo boima kudu go ka o ela. ₂₁Dikokwane tšeo tše pedi di be di swana: ye nngwe le ye nngwe e le ya dimetara tše 8,3 go ya godimo le tše 5,5 bokoto. E be e le mahoa gomme bokoto bja mphiri wa tšona e le bja dimilimetara tše 75. ₂₂Godimo ga kokwane ye nngwe le ye nngwe go be go na le hlogwana ya mphiri ya bogodimo bja dimetara tše 2,3, gomme e kgabišitšwe ka diswantšho tša digarenate go e dikologa. Digarenate tšeo le tšona di be di bopilwe ka mphiri. ₂₃Hlogwana ye nngwe le ye nngwe e be e kgabišitšwe ka digarenate tše lekgolo, gomme tše masome a senyane le metšo ye e selelago di bonagala.

₂₄Nebusaradane, molaodi wa baleti ba kgoši, a thopa Seraya, Moprista yo Mogolo, Sofonia, moprista yo a mo latelago ka maemo, le baprista ba bararo ba ba bego ba leta mejako ya Tempele. ₂₅Motseng a tšea molaodi wa madira, le baeletši ba ba šupago ba kgoši bao ba bego ba sa le motseng, le mongwaledi wa molaodi yo mogolo yo a bego a hlokometše go rapa dira, le banna ba bangwe ba maemo ba masome a a selelago. ₂₆Nebusaradane a ba iša go kgoši ya Babilonia yo a bego a le motseng wa Ribla, ₂₇nageng ya Hamate. Moo kgoši a laela gore ba itiwe ba bolawe.

Ke ka moo batho ba Juda ba thothilwego nageng ya bona ba išwa bothopša. ₂₈Batho bao Nebukadnesare a ba išitšego bothopša šeba: Ka ngwaga wa bošupa wa pušo ya gagwe o ile a thopa batho ba 3 023; ₂₉ka ngwaga wa lesome le metšo ye seswai a thopa ba 832 Jerusalema, ₃₀gomme ka ngwaga wa masome a mabedi le metšo ye meraro a thopa ba 745 – a ba thopelwa ke Nebusaradane. Batho ka moka bao ba ilego ba thopša e bile 4 600.

₃₁Ka ngwaga wo Ebile-Merodaka e bilego kgoši ya Babilonia ka wona o ile a ntšha Kgoši Joyakine wa Juda kgolegong. Seo se diregile ka letšatši la masome a mabedi le metšo ye mehlano la kgwedi ya lesome le metšo e mebedi ya ngwaga wa masome a mararo a metšo ye e šupago ka morago ga ge Joyakine a thopilwe. ₃₂Ebile-Merodaka a mo swara gabotse, gomme a mmea maemong a a hlomphegago go feta a dikgoši tše dingwe tše e bego e le mathopša le yena Babilonia. ₃₃A ba a mo apola diaparo tša gagwe tša kgolego gomme a ja dijo le kgoši bophelo bja gagwe ka moka. ₃₄Ka mehla o be a fiwa tše di nyakegago tša letšatši ka letšatši.

₁Tše dingwe diema tša Solomone tše di ngwalolotšwego ke bahlankedi ba Hiskia, kgoši ya Juda, šedi: