To The Word – Day 138

₁Lefi o be a na le barwa ba: Gershone, Kehate le Merari.

₂Kehate o be a na le barwa ba: Amramo, Jitsara, Hebrone le Usiele.

₃Amramo o bile le barwa ba: Arone le Moshe, le morwedi o tee, Miriamo.

Arone o bile le barwa ba: Nadaba, Abihu, Eleasara le Ithamara.

₄Ditlogolo tša Eleasara go tloga molokong wo mongwe go iša go ye mengwe ye e o latelago šedi: Finease, Abishua, ₅Buki, Usi, ₆Seragia, Merayote, ₇Amaria, Ahitube, ₈Tsadoko, Ahimaatse, ₉Asaria, Johanane, ₁₀Asaria, yo a bego a šoma ka Tempeleng ye Kgoši Solomone a bego a e agile Jerusalema, ₁₁Amaria, Ahitube, ₁₂Tsadoko, Shalume, ₁₃Hilkia, Asaria, ₁₄Seraya, Jotsadaka. ₁₅Kgoši Nebukadnesare o ile a thopa Jotsadaka gotee le batho ba bangwe ba Juda le ba Jerusalema bao Morena a ilego a ba romela bothopša.

₁₆Lefi o be a na le barwa ba: Gershone, Kehate le Merari. ₁₇Gershone e bile tatagoLibni le Shimi; ₁₈Kehate ya ba tatagoAmramo, Jitsara, Hebrone le Usiele, ₁₉gomme Merari ya ba tatagoMagli le Mushi.

₂₀Ditlogolo tša Gershone go tloga molokong wo mongwe go iša go ye mengwe ye e o latelago šedi: Libni, Jahate, Sima, ₂₁Joage, Ido, Serage, Jeatrai.

₂₂Tše ke ditlogolo tša Kehate go tloga molokong wo mongwe go iša go ye mengwe ye e o latelago: Aminadaba, Korage, Asire, ₂₃Elkana, Abiasafo, Asire, ₂₄Tahate, Uriele, Usia, Shaulo.

₂₅Elkana o bile le barwa ba: Amasai le Ahimote. ₂₆Ditlogolo tša Ahimote go tloga molokong wo mongwe go iša go ye mengwe ye e o latelago šedi: Elkana, Tsufe, Nahate, ₂₇Eliaba, Jerohamo, Elkana.

₂₈Samuele o be a na le barwa ba babedi: Joele, leitšibolo, le Abia, monnagwe.

₂₉Tše ke ditlogolo tša Merari go tloga molokong wo mongwe go iša go ye e o latelago: Magli, Libni, Shimi, Usa, ₃₀Shima, Hagia, Asaya.

₃₁Ba ke banna ba Kgoši Dafida a ilego a ba bea bahlokomedi ba moopelo lefelong la tirelo kua Jerusalema ka morago ga ge Polokelo ya Kgwerano e seno išwa gona. ₃₂Ba be ba šielana ka go tla mošomong Tenteng ya bodulo bja Morena pele ga ge Kgoši Solomone a aga Tempele. ₃₃Ba malapa a bao ba bego ba swere mošomo wo ba be ba latelana ka mokgwa wo:

Kgorwana ya Kehate: Hemane, moetapele wa sehlopha sa baopedi sa mathomo, e be e le morwa wa Joele. Lešika la gagwe le be le swaragane go fihlela go Jakobo ka tsela ye: Hemane, Joele, Samuele, ₃₄Elkana, Jerohamo, Eliele, Toage, ₃₅Tsufe, Elkana, Mahate, Amasai, ₃₆Elkana, Joele, Asaria, Sofonia, ₃₇Tahate, Asire, Abiasafo, Korage, ₃₈Jitsara, Kehate, Lefi, Jakobo.

₃₉Asafo e be e le moetapele wa sehlopha sa bobedi sa baopedi. Lešika la gagwe le be le swaragane go fihlela go Lefi ka mokgwa wo: Asafo, Berekia, Shima, ₄₀Mikaele, Maasea, Malkia, ₄₁Etni, Serage, Adaya, ₄₂Ethane, Sima, Shimi, ₄₃Jahate, Gershone, Lefi.

₄₄Ethane wa kgorwana ya Merari e be e le moetapele wa sehlopha sa boraro sa baopedi. Lešika la gagwe le be le swaragane go fihlela go Lefi ka mo go latelago: Ethane, Kishi, Abdi, Maluke, ₄₅Hashabia, Amatsia, Hilkia, ₄₆Amtsi, Bani, Shemere, ₄₇Magli, Mushi, Merari, Lefi.

₄₈Balefi ba gabobona ba ile ba fiwa mediro ye mengwe lefelong la tirelo.

₄₉Arone le ditlogolo tša gagwe ba be ba tšhuma diorelo, le gona ba tšhuma dihlabelo aletareng. Ba be ba hlokometše tirelo ka moka ka Felong mo Gokgethwakgethwa, ba bile ba hlokometše go boelanya setšhaba sa Israele le Modimo. Ba be ba dira tšeo ka moka go ya ka moo Moshe, mohlanka wa Modimo, a bego a ba laetše ka gona. ₅₀Lešika la ditlogolo tša Arone šele: Eleasara, Finease, Abishua, ₅₁Buki, Usi, Seragia, ₅₂Merayote, Amaria, Ahitube, ₅₃Tsadoko, Ahimaatse.

₅₄Naga ye e aroletšwego ditlogolo tša Arone tša kgorwana ya Kehate e bile karolo ya mathomo ya naga ye e abetšwego Balefi ka matengwa. ₅₅Karolo yeo e be e akaretša Hebrone nageng ya Juda, le phulo go e dikologa. ₅₆Eupša mašemo le metse ye e bego e le ya Hebrone di ile tša fiwa Kalebe, morwa wa Jefune. _57-59Metse ye e ilego ya fiwa ditlogolo tša Arone še: wa Hebrone, motse wa botšhabelo, wa Jatire, wa Libna, wa Eshtemoa, wa Holone, wa Debire, wa Ashane, le wa Bethe-Shemeshe, le phulo ya yona. ₆₀Nageng ya Benjamene ba ile ba fiwa metse ye e latelago le phulo ya yona: Geba, Alemete le Anathote. Metse yeo ya bona yohle e be e le ye lesome le metšo ye meraro yeo ba malapa a bona ba bego ba ka dula go yona. ₆₁Metse ye lesome nageng ya seripakgoro sa Manase sa ka bodikela e ile ya abelwa ba bangwe ba kgorwana ya Kehate ka matengwa, lapa ka lapa.

₆₂Ba ile ba abela kgorwana ya Gershone, lapa ka lapa, metse ye lesome le metšo ye meraro nageng ya Isakara, le ya Asere, le ya Naftali, le ya seripakgoro sa Manase sa kua Bashane. ₆₃Ka yona tsela yeo, metse ye lesome le metšo ye mebedi nageng ya Rubene, le ya Gade, le ya Sebulone ya abelwa kgorwana ya Merari, lapa ka lapa. ₆₄Ka mokgwa woo setšhaba sa Israele sa abela Balefi metse, gammogo le phulo go dikologa metse yeo. ₆₅Metse ya nageng ya Juda, le ya Simeone, le ya Benjamene ye e sa tšwago go balwa ka maina le yona e ile ya abja ka matengwa.

₆₆Malapa a mangwe a kgorwana ya Kehate a ile a fiwa metse le phulo nageng ya Efraime, ₆₇e lego motse wa Shekeme wa botšhabelo nageng ya dithaba ya Efraime, wa Gesere, ₆₈wa Jokmeamo, wa Bethe-Horone, ₆₉wa Ayalone, le wa Gate-Rimone. ₇₀Nageng ya seripakgoro sa Manase sa ka bodikela ba fiwa motse wa Anere le wa Bileamo le phulo go dikologa metse yeo.

₇₁Malapa a kgorwana ya Gershone a ile a abelwa metse ye le phulo ya yona go e dikologa:

Nageng ya seripakgoro sa Manase sa ka bohlabela ba fiwa wa Golane kua Bashane, le wa Ashtarote.

₇₂Nageng ya Isakara ba abelwa wa Kedeshe, wa Daberate, ₇₃wa Ramote, le wa Ene-Ganime.

₇₄Nageng ya Asere ba newa wa Mishale, wa Abdone, ₇₅wa Hukoko, le wa Rehobo.

₇₆Nageng ya Naftali ba fiwa wa Kedeshe kua Galilea, wa Hamone, le wa Kiriathaime.

₇₇Malapa a mangwe a kgorwana ya Merari a ile a abelwa metse ye le phulo go e dikologa:

Nageng ya Sebulone ba fiwa wa Rimone le wa Taboro.

₇₈Nageng ya Rubene, ka bohlabela bja noka ya Jordane go lebana le Jeriko, ba abelwa wa Betsere molaleng, wa Jahatse, ₇₉wa Kedemote, le wa Mefaate.

₈₀Nageng ya Gade ba newa wa Ramote kua Gileade, wa Mahanaime, ₈₁wa Heshbone, le wa Jasere.

₁Isakara o be a na le barwa ba bane, e lego Tola, Pua, Jashube le Shimrone.

₂Tola o bile le barwa ba: Usi, Refaya, Jeriele, Jagmai, Jibsamo le Shemuele. E be e le dihlogo tša malapa a kgorwana ya Tola, mme e le bahlabani ba bogale. Mehleng ya Kgoši Dafida ditlogolo tša bona e be e le tše 22 600.

₃Morwa wa Usi e be e le Jisragia. Jisragia le barwa ba gagwe ba bane, Mikaele, Obadia, Joele le Jishia, ka moka e be e le dihlogo tša malapa. ₄Ba ile ba ba le basadi ba bantši le bana mo e lego gore ditlogolo tša bona di ile tša ba le bahlabani ba 36 000.

₅Mananeo a malapa ka moka a kgoro ya Isakara a be a na le bahlabani ba 87 000 ba bogale.

₆Benjamene o be a na le barwa ba bararo, e lego Bela, Bekere le Jediaele.

₇Bela o bile le barwa ba bahlano, e lego Etsebone, Usi, Usiele, Jerimote le Iri. Bona e bile dihlogo tša malapa kgorwaneng yeo, mme ka moka ga bona e be e le bahlabani ba bogale. Ditlogolo tša bona e be e le tše 22 034 mananeong a bona a a ngwadilwego.

₈Bekere o be a na le barwa ba: Semira, Joase, Eliesere, Elioenai, Omri, Jeremote, Abia, Anathote le Alemete. ₉Mananeo a a ngwadilwego a ditlogolo tša bona ka malapa a be a na le bahlabani ba bogale ba 20 200.

₁₀Morwa wa Jediaele e be e le Bilhane, gomme Bilhane a ba le barwa ba: Jeushe, Benjamene, Ehude, Kenaana, Setane, Tarshishe le Ahishahara. ₁₁Bona e be e le dihlogo tša malapa kgorwaneng yeo, gomme ka moka ga bona e le bahlabani ba bogale. Gare ga ditlogolo tša bona go be go na le banna ba 17 200 ba ba ka yago ntweng. ₁₂Shupime le Hupime, barwa ba Iri, le bona e be e le ba kgorwana ye.

Hushime e be e le morwa wa Dane.

₁₃Naftali o be a na le barwa ba: Jagtsiele, Guni, Jetsere le Shalume. E be e le ditlogolo tša Bilha.

₁₄Mosadi wa Manase o ile a mmelegela Asriele, gomme motlabo wa gagwe wa Moaramo yena a belega Makire. Makire e bile tatagoGileade. ₁₅O ile a nyakela Hupime mosadi, a ba a nyakela le Shupime. Leina la kgaetšedi ya gagwe e be e le Maaka. Morwa wa bobedi wa Makire e bile Tselofohade, mme yena a ba le barwedi fela.

₁₆Maaka, mosadi wa Makire, o ile a belega barwa ba maina a bona e bego e le Perese le Serese. Serese a ba le barwa ba: Ulamo le Rekeme. ₁₇Ulamo a ba le morwa yo leina la gagwe e bego e le Bedane. Tšeo ka moka ke ditlogolo tša Gileade, morwa wa Makire, setlogolo sa Manase.

₁₈Kgaetšedi ya Gileade, Molekete, o ile a ba le barwa ba: Ishehode, Abiesere le Magla. ₁₉Shemida o bile le barwa ba: Agiane, Shekeme, Likhi le Aniamo.

₂₀Šedi ditlogolo tša Efraime go tloga molokong wo mongwe go iša go ye mengwe ye e o latelago: Shutelage, Berede, Tahate, ₂₁Sabade le Shutelage. Efraime o bile le barwa ba bangwe ka ntle le Shutelage. Bona e be e le Esere le Elade bale ba go bolawa ge ba tlile go utswa dikgomo tša badudi ba mathomo ba Gathe. ₂₂Tatagobona Efraime a ba ilela matšatši a mantši, gomme bomorwarragwe ba tla go mo homotša. ₂₃A robala le mosadi wa gagwe gape, mme mosadi a ima, a ba le morwa. Ba mo rea leina la Beria ka lebaka la madimabe ao a ilego a wela lapa la bona.

₂₄Efraime o be a na le morwedi yo leina la gagwe e bego e le Sheera. Yena o ile a aga motse wa Bethe-Horone ya ka Tletlolo le wa Bethe-Horone ya ka Tlase, le wa Usene-Sheera.

₂₅Efraime a ba le morwa yo mongwe gape yo leina la gagwe e bego e le Refage, yo ditlogolo tša gagwe e bilego Reshefo, Telage, Tahane, ₂₆Ladane, Amihude, Elishama, ₂₇Nunu le Joshua.

₂₈Naga ya bona ye ba bego ba dula go yona e be e akaretša Bethele le metse ya gona, go ya bohlabela go ba go yo fihla Naara, le bodikela go ba go yo fihla Gesere le metse ya gona. Le gona e be e akaretša motse wa Shekeme le wa Aya, le metse ye e bapilego le yona.

₂₉Ditlogolo tša Manase di be di laola motse wa Bethe-Sheane, wa Taanake, wa Megido, le wa Doro, le metse ye e bapilego nayo.

Yeo ke metse yeo ditlogolo tša Josefa, morwa wa Jakobo, di bego di dutše go yona.

₃₀Asere o bile le barwa ba: Jimna, Jishba, Jishbi le Beria, le kgaetšedi ya bona, Serage.

₃₁Barwa ba Beria e be e le Hebere le Malkiele. Malkiele o ile a hloma motse wa Birsaite.

₃₂Hebere e bile tatagoJaflete le Shomere le Hotamo le Shuage, kgaetšedi ya bona.

₃₃Jaflete o bile le barwa ba: Pasake, Bimhale le Ashbate.

₃₄Shomere o ile a ba le barwa ba: Roga, Jehuba le Aramo.

₃₅Hotamo, morwarragwe, o bile le barwa ba: Tsofage, Jimna, Sheleshe le Amale.

₃₆Ditlogolo tša Tsofage e bile Suage, Harnefere, Shuale, Beri, Jimra, ₃₇Betsere, Hode, Shama, Shilsha, Jitrane le Beera.

₃₈Ditlogolo tša Jetere e bile Jefune, Pispa le Ara, ₃₉mme tša Ula ya ba Arage, Haniele le Ritsia.

₄₀Bao ka moka e bile ditlogolo tša Asere. E be e le dihlogo tša malapa, bagale ba ba hlaotšwego, le gona e le mantona a go tuma. Gare ga ditlogolo tša Asere tše di bego di ngwadišitšwe mananeong ao go be go na le banna ba dikete tše masome a mabedi le tše di selelago ba ba ka yago ntweng.

₁Benjamene o be a na le barwa ba ba fetšago seatla. Bona šeba ka go hlatlamana ga bona: Bela, Ashbele, Agrage, ₂Noha le Rafa.

₃Barwa ba Bela e be e le Adara, Gera, Abihude, ₄Abishua, Naamane, Ahoage, ₅Gera, Shefufane le Huramo.

_6-7Barwa ba Ehude e be e le Naamane, Ahiya le Gera. E be e le dihlogo tša malapa ao a bego a dula Geba, fela a hudušetšwa Manahate. Gera, tatagoUsa le Ahihude, e bile yena yo a ba hudušitšego.

_8-9Shaharaime o ile a hlala basadi ba gagwe, Hushime le Baara. Ka morago, ge a dula nageng ya Moaba, Hodeshe, mosadi wa gagwe yo mongwe, a mmelegela barwa ba: Jobabe, Tsibia, Mesha, Malkamo, ₁₀Jeutse, Sakea le Mirma. Barwa ba gagwe ka moka e ile ya ba dihlogo tša malapa.

₁₁Le Hushime, mosadi wa gagwe yo mongwe, a mmelegela barwa, e lego Abitube le Elpaale.

₁₂Elpaale o bile le barwa ba: Ebere, Mishamo le Shemede. E bile Shemede yo a ilego a aga motse wa Ono le wa Lodo le metsana ya yona.

₁₃Beria le Shema, dihlogo tša malapa a bao ba bego ba dula motseng wa Ayalone, ba ile ba raka batho ba ba bego ba agile motseng wa Gathe. ₁₄Barwa ba Beria e be e le Agio, Shashake, Jeremote, ₁₅Sebadia, Arade, Edere, ₁₆Mikaele, Jishpa le Joha.

₁₇Tše dingwe ditlogolo tša Elpaale e be e le Sebadia, Meshulamo, Hiski, Hebere, ₁₈Jishmerai, Jislia le Jobabe.

₁₉Tše dingwe ditlogolo tša Shimi e be e le Jakime, Sikri, Sabdi, ₂₀Elienai, Tsiletai, Eliele, ₂₁Adaya, Beraya le Shimrate.

₂₂Tše dingwe ditlogolo tša Shashake e be e le Jishpane, Ebere, Eliele, ₂₃Abdone, Sikri, Hanane, ₂₄Hanania, Elamo, Antotia, ₂₅Jifdea le Penuele.

₂₆Tše dingwe ditlogolo tša Jerohamo e be e le Shamsherai, Sheharia, Athalia, ₂₇Jaareshia, Eliya le Sikri.

₂₈Bao e be e le dihlogo tša malapa go ya ka go latelana ga borakgolokhukhu ba bona, e le baetapele ba go dula Jerusalema.

₂₉Jeiele o ile a hloma motse wa Gibeone gomme a dula moo. Mosadi wa gagwe e be e le Maaka, ₃₀gomme morwa wa gagwe wa mathomo e le Abdone. Barwa ba gagwe ba bangwe e be e le Tsure, Kishe, Baale, Nere, Nadaba, ₃₁Gedoro, Agio, Sekere ₃₂le Miklote, tatagoShima. Le bona ba be ba dula Jerusalema, kgauswi le malapa a mangwe a kgorwana ya gabobona.

₃₃Nere e be e le tatagoKishe, gomme Kishe e le tatagoKgoši Saulo. Saulo o ile a ba le barwa ba: Jonathane, Malkishua, Abinadaba le Eshbaale. ₃₄Jonathane e bile tatagoMeribe-Baale, yo e ilego ya ba tatagoMika.

₃₅Mika o be a na le barwa ba: Pitone, Meleke, Tagrea le Ahase. ₃₆Ahase e be e le tatagoJoada, yo e bego e le tatagoAlemete, Asmabethe le Simri. Simri e be e le tatagoMotsa, ₃₇Motsa e le tatagoBina, Bina e le tatagoRafa, Rafa a tswetše Elasa, mme Elasa a tswetše Atsele.

₃₈Atsele o be a na le barwa ba ba selelago, e lego Asrikamo, Bokru, Ishmaele, Shearia, Obadia le Hanane. ₃₉Esheke, morwarragoAtsele, o be a na le barwa ba bararo, e lego Ulamo, Jeushe le Elpelete.

₄₀Barwa ba Ulamo e be e le bahlabani ba bogale le boramesebe ba go phala ba bangwe. O be a na le barwa le ditlogolo tše ntši – e le ba lekgolo le masome a a fetšago seatla.

Bao ka moka e be e le ba kgoro ya Benjamene.

₁Setšhaba ka moka sa Israele se be se ngwadišitšwe ka malapa a sona, se ngwadilwe ka Pukung ya magoši a Israele.

Batho ba Juda ba be ba thopetšwe Babilonia ka lebaka la go se botegele Modimo. ₂Ba mathomo ba go boela malapeng a bona metseng ya gabobona e be e le bathofela le baprista le Balefi le bašomi ba ka Tempeleng. ₃Batho ba kgoro ya Juda le ya Benjamene le ya Efraime le ya Manase ba ile ba ya ba dula Jerusalema.

_4-6E ile ya ba batho ba makgolo a a selelago a masome a senyane ba kgoro ya Juda ba ba ilego ba dula Jerusalema.

_7-8Batho ba ba latelago ba kgoro ya Benjamene ba be ba dula Jerusalema:

₉E be e le batho ba makgolo a senyane le masome a a fetšago seatla le metšo ye e selelago ba kgoro yeo ba ba bego ba dula moo. Banna bao ka moka e be e le dihlogo tša malapa.

_10-12Baprista ba ba latelago ba be ba dula Jerusalema:

_14-16Balefi ba ba latelago ba be ba dula Jerusalema:

₁₇Baleti ba masoro a Tempele ba ba latelago ba be ba dula Jerusalema:

₂₂Go ile gwa kgethwa banna ba makgolo a mabedi le lesome le metšo ye mebedi gore ba lete matseno le masoro. Ba be ba ngwadišitšwe go ya ka metse ye ba bego ba dula go yona. E bile Kgoši Dafida le Samuele, mmoni, bao ba ilego ba bea borakgolokhukhu ba bona maemong ao a bona. ₂₃Bona le ditlogolo tša bona ba ile ba tšwela pele le go leta masoro a Tempele ye e bego e bitšwa Tente. ₂₄Go be go na le lesoro ka mathokong ka mane: ka leboa, le ka borwa, le ka bohlabela, le ka bodikela, gomme lesoro le lengwe le le lengwe le na le moleti yo mogolo. ₂₅Baleti bao ba be ba thušwa ke meloko ya bobona ye e bego e dula metsaneng ya bona. Bona ba be ba swanetše go šielana ka go tla modirong wa bona wa go leta – yo mongwe le yo mongwe a swanetše go ba modirong matšatši a a šupago. ₂₆Baleti bao ba bagolo ba bane e be e le Balefi mme e le bona ba hlokometšego tšohle. Le gona ba be ba hlokometše diphapoši tša Tempele, le thoto yeo e bego e beilwe ka go tšona. ₂₇Ba be ba dula kgauswi le Tempele, ka gobane e be e le modiro wa bona go e leta le go bula masoro mosong wo mongwe le wo mongwe.

₂₈Balefi ba bangwe ba be ba hlokometše dibjana tše di bego di šomišwa dihlabelong. Ba be ba di bala ge ba di ntšha le ge ba di tsenya nako ye nngwe le ye nngwe ge di šomišitšwe. ₂₉Ba bangwe ba be ba hlokometše ditlabakelo tše dingwe le dilo tše kgethwa, le bupi le beine le makhura a mohlware le seorelo le dinoko. ₃₀Eupša go hlakahlakantšha dinoko e be e le mošomo wa baprista.

₃₁Molefi yo leina la gagwe e bego e le Matitia, morwa wa mathomo wa Shalume, wa kgorwana ya Korage, o be a hlokometše go apea dinkgwa tše di neelwago Morena. ₃₂Ba kgorwana ya Kehate ba be ba hlokometše go apea dinkgwa tše kgethwa tša Tempele tšatši le lengwe le le lengwe la Sabatha.

₃₃Dihlogo tše dingwe tša malapa a Balefi di be di hlokometše go opela ka Tempeleng. Ba be ba dula ka diphapošing tše dingwe tša Tempele, gomme ba sa dire mediro ye mengwe ka gobane ba be ba hlokomela moopelo bošego le mosegare.

₃₄Banna ba e be e le dihlogo tša malapa a Balefi go ya ka go latelana ga borakgolokhukhu ba bona. E be e le baetapele ba ba bego ba dula Jerusalema.

₃₅Jeiele o ile a hloma motse wa Gibeone gomme a dula gona. Mosadi wa gagwe e be e le Maaka. ₃₆Morwa wa gagwe wa leitšibolo e be e le Abdone, mme barwa ba gagwe ba bangwe e le Tsure, Kishe, Baale, Nere, Nadaba, ₃₇Gedoro, Agio, Sakaria le Miklote, ₃₈tatagoShima. Bona ba be ba dula Jerusalema, kgauswi le malapa a mangwe a kgorwana ya gabobona.

₃₉Nere e bile tatagoKishe, mme Kishe ya ba tatagoSaulo. Saulo o ile a ba le barwa ba: Jonathane, Malkishua, Abinadaba le Eshbaale. ₄₀Jonathane e bile tatagoMeribe-Baale, yo e ilego ya ba tatagoMika. ₄₁Mika o be a na le barwa ba: Pitone, Meleke, Tagrea le Ahase. ₄₂Ahase e bile tatagoJoada yo e ilego ya ba tatagobarwa ba: Alemete, Asmabethe le Simri. Simri e bile tatagoMotsa, ₄₃Motsa ya ba tatagoBina, Bina ya ba tatagoRefaya, Refaya ya ba tatagoElasa, mme Elasa ya ba tatagoAtsele.

₄₄Atsele o be a na le barwa ba ba selelago, e lego Asrikamo, Bokru, Ishmaele, Shearia, Obadia le Hanane.

₁Bafilista ba ile ba lwa le Baisraele thabeng ya Gilboa. Baisraele ba bantši ba bolawa moo, gomme ba ba šetšego ba tšhaba. ₂Eupša Bafilista ba rakediša Saulo le barwa ba gagwe, Jonathane, Abinadaba le Malkishua. ₃Moo go bego go le Saulo ntwa e be e le ye šoro, gomme ge boramesebe ba mmatamela mo ba kago mo thunya ka mesebe, a thothomela kudu. ₄A re go morwaladibetša wa gagwe: “Hwanyolla tšhoša ya gago o mphuleletše ka yona, gore Bafilista ba ba go se bolle ba se ke ba tla ba bapala ka nna.” Eupša morwaladibetša yoo a boifa kudu go ka dira taba yeo. Ka gona Saulo a tšea tšhoša ya gagwe ka boyena a itahlela godimo ga yona. ₅Ge morwaladibetša yoo a bona gore Saulo o hwile, le yena a itahlela godimo ga ya gagwe tšhoša mme a hwa. ₆Ka gona Saulo le barwa ba gagwe ka bararo ba hwa mmogo gomme ya ba mafelelofelelo a mmušo wa gagwe. ₇Ge Baisraele ba ba bego ba dula ka moeding wa Jesriele ba ekwa gore madira a tšhabile, le gore Saulo le barwa ba gagwe ba hwile, ba tlogela metse ya bona ba tšhaba. Bafilista ba tla ba dula go yona.

₈Ka letšatši le le latelago la ntwa Bafilista ba yo hula ditopo, gomme ba hwetša setopo sa Saulo le tša barwa ba gagwe di rapaletše thabeng ya Gilboa. ₉Ba mo apola diaparo tša gagwe tša ntwa, ba tšea hlogo ya gagwe le dibetša ba di romela ka batseta nageng ya Filistia ba di šikiša le naga, ba botša medimo ya bona ya diswantšho le batho ba gabobona gore Baisraele ba fentšwe. ₁₀Ba bea dibetša tša gagwe ka tempeleng ye nngwe ya bona, gomme ba kokotela hlogo ya gagwe ka tempeleng ya Dagone, modimo wa bona. ₁₁Ge batho ka moka ba Jabeshe kua Gileade ba ekwa se Bafilista ba se dirilego Saulo, ₁₂banna bohle ba bagale ba ya ba tšea setopo sa Saulo le tša barwa ba gagwe ba di tliša Jabeshe. Ba di boloka fao ka fase ga mohlare wa moeike, gomme ba ikona dijo matšatši a a šupago.

₁₃Lehu la Saulo le hlotšwe ke go se botegele Morena ga gagwe, a nyatša ditaelo tša gagwe, le gona a kile a nyaka keletšo go meoya ya bahu ₁₄bakeng sa gore a botšiše Morena. Ka gona Morena a mmolaya gomme mmušo a o fa Dafida, morwa wa Isai.