To The Word – Day 137

₁Adamo e bile tatagoSete, Sete ya ba tatagoEnose, Enose ya ba tatagoKenane, ₂Kenane ya ba tatagoMahalalele, Mahalalele ya ba tatagoJerede. ₃Jerede e bile tatagoEnoko, yo e bilego tatagoMetushelage; Metushelage ya ba tatagoLamege, ₄yo e bilego tatagoNoa. Barwa ba Noa e bile Seme, Hamo le Jafeta.

₅Barwa ba Jafeta šeba: Gomere, Magogo, Madai, Jabane, Tubale, Mesheke le Tirase. ₆Ditlogolo tša Gomere e bile Ashkenase le Rifate le Togarma. ₇Ditlogolo tša Jabane e bile Elisha le Tarshishe le batho ba Saeprose le ba Rodose.

₈Barwa ba Hamo šeba: Kushe, Egepeta, Libia le Kanana. ₉Ditlogolo tša Kushe e bile Seba, Habila, Sabta, Rama le Sabteka. Ditlogolo tša Rama e bile Sheba le Dedane. ₁₀Kushe o ile a ba le morwa yo leina la gagwe e ilego ya ba Nimrode; yena ya ba mogale wa mathomo lefaseng. ₁₁Ditlogolo tša Egepeta e bile batho ba Lidia, ba Anamo, ba Lehaba, ba Naftuage, ₁₂ba Patruse, ba Kasluage, le ba Kreta bao go bona go tšwilego Bafilista. ₁₃Barwa ba Kanana šeba: Sidone, wa mathomo, le Hete; ₁₄ya ba ya ba rakgolokhukhu wa Bajebuse, Baamore, Bagirgashe, ₁₅Bahibe, Baaraki, Basine, ₁₆Baarbade, Batsemare le Bahamate.

₁₇Barwa ba Seme šeba: Elamo, Ashure, Arpakshade, Lude, Aramo, Utse, Hule, Getere le Mashe. ₁₈Arpakshade e bile tatagoShelage, yo e bilego tatagoEbere. ₁₉Ebere o bile le barwa ba babedi; yo mongwe o ile a bitšwa Pelege, ka gobane mehleng ya gagwe batho ba lefase ba be ba arogane, mme yo mongwe yena a bitšwa Jokotane. ₂₀Ditlogolo tša Jokotane e bile Almodade, Shelefo, Hatsarmabete, Jerage, ₂₁Hadoramo, Usale, Dikla, ₂₂Obale, Abimaele, Sheba, ₂₃Ofire, Habila le Jobabe.

₂₄Tatelano ya ba lešika go tloga ka Seme go fihla ka Abramo e ka tsela ye: Seme, Arpakshade, Shelage, ₂₅Ebere, Pelege, Regu, ₂₆Seruge, Nahoro, Terage ₂₇le Abramo, yo a tsebjago le ka la Abrahama.

₂₈Barwa ba Abrahama e be e le Isaka le Ishmaele. ₂₉Šea maina a barwa ba Ishmaele ka go latelana ga bona: Wa mathomo e be e le Nebayote, gwa latela Kedara, Adbeele, Mibisamo, ₃₀Mishma, Duma, Masa, Hadade, Tema, ₃₁Jeture, Nafishe le Kedema.

₃₂Abrahama o be a na le motlabo yo leina la gagwe e bego e le Ketura. Yena o ile a mmelegela barwa ba ba latelago: Simrane, Jokoshane, Medane, Midiane, Jishbake le Shuage. Barwa ba Jokoshane e be e le Sheba le Dedane, ₃₃gomme ba Midiane e le Efa, Efere, Enoko, Abida le Eldaa.

₃₄Abrahama e bile tatagoIsaka, gomme barwa ba Isaka ya ba Esau le Jakobo. ₃₅Barwa ba Esau e be e le Elifase, Reuele, Jeushe, Jalamo le Korage. ₃₆Barwa ba Elifase e be e le Temane, Omare, Tsefo, Gatamo, Kenase, Timna le Amaleke. ₃₇Gomme barwa ba Reuele ya ba Nahate, Serage, Shama le Misa.

₃₈Barwa ba Seire e be e le Lotane, Shobale, Tsibone, Ana, Dishone, Etsere le Dishane.

₃₉Barwa ba Lotane e be e le Hori le Hemamo. Lotane o be a na le kgaetšedi yo leina la gagwe e bego e le Timna.

₄₀Barwa ba Shobale e be e le Albane, Manahate, Ebale, Shefi le Onamo.

Barwa ba Tsibone e be e le Aya le Ana. ₄₁Morwa wa Ana ya ba Dishone, mme Dishone yena ya ba tatagoHemdane, Eshbane, Jitrane le Kerane.

₄₂Barwa ba Etsere e be e le Bilhane, Saabane le Jakane.

Barwa ba Dishane e be e le Utse le Arane.

_43-50Magoši a a latelago a bušitše naga ya Edomo ka go latelana mehleng yela go se gwa tšwa go eba le kgoši mo Israele:

₅₁Ge Hadade a hwile go ile gwa buša mantona a a latelago: Timna, Alba, Jetete, ₅₂Oholibama, Ela, Pinone, ₅₃Kenase, Temane, Mibitsare, ₅₄Magadiele le Iramo.

₁Jakobo o be a na le barwa ba ba latelago: Rubene, Simeone, Lefi, Juda, Isakara, Sebulone, ₂Dane, Josefa, Benjamene, Naftali, Gade le Asere.

_3-4Juda o be a na le barwa ba bahlano. Mosadi wa gagwe wa Mokanana, Bateshua, o ile a mmelegela barwa ba bararo, e lego Ere, Onane le Shela. Morwa wa gagwe wa leitšibolo, Ere, e be e le yo mobe moo Morena a ilego a ba a mmolaya. Ngwetši wa gagwe, Tamare, a mmelegela Peretse le Serage.

₅Barwa ba Peretse e bile Hetserone le Hamule. ₆Serage o be a na le barwa ba ba fetšago seatla, e lego Simri, Ethane, Hemane, Kalkolo le Darda. ₇Morwa wa Simri e be e le Karmi, mme Akane, morwa wa Karmi, o ile a hlolela setšhaba sa Israele mathata ka go ipha thoto ye e bego e gafetšwe go fedišwa.

₈Morwa wa Ethane e be e le Asaria.

₉Barwa ba Hetserone e be e le Jeragmeele, Ramo le Kalebe.

₁₀Ramo e ile ya ba tatagoAminadaba, Aminadaba a belega Nagshone, moetapele wa kgoro ya Juda, yena a tswala ₁₁Salmone, Salmone a belega Boase, ₁₂Boase ya ba tatagoObede, mme Obede a tswala Isai.

₁₃Isai o be a na le barwa ba ba šupago. Bona šeba ka go hlatlamana ga bona: Eliaba, Abinadaba, Shama, ₁₄Netanele, Radai, ₁₅Otseme le Dafida. ₁₆Dikgaetšedi tša bona e be e le Tseruya le Abigaile.

Barwa ba Tseruya e be e le Abishai, Joaba le Asahele. ₁₇Abigaile o ile a nyalwa ke Jetere, setlogolo sa Ishmaele, mme ba ba le morwa yo a ilego a rewa leina la Amasa.

₁₈Morwa wa Hetserone, Kalebe, o ile a nyala Asuba, gomme a ba le morwedi yo leina la gagwe e ilego ya ba Jeriote. Jeriote yena a ba le barwa ba bararo, e lego Jeshere, Shobabe le Ardone. ₁₉Asuba o ile a hwa, gomme Kalebe a nyala Efrata, mme ba ba le morwa yo leina la gagwe e ilego ya ba Hure. ₂₀Morwa wa Hure e bile Uri, gomme setlogolo sa gagwe ya ba Betsaliele.

₂₁Ge Hetserone a na le mengwaga ye masome a a selelago o ile a nyala morwedi wa Makire, tatagoGileade. Ba ba le morwa yo leina la gagwe e ilego ya ba Segube, ₂₂mme Segube a ba le morwa yo a ilego a bitšwa Jaire. Jaire o be a na le metse ye masome a mabedi a metšo ye meraro nageng ya Gileade. ₂₃Eupša mmušo wa Geshure le wa Aramo e ile ya thopa metse ye masome a a selelago moo, gotee le metse ya Jaire le ya Kenate, le metse ye e lego kgauswi. Batho ka moka ba ba bego ba dula moo e be e le ditlogolo tša Makire, tatagoGileade. ₂₄Ka morago ga lehu la Hetserone, Kalebe, morwa wa gagwe, a nyala Efrata, mosadi wa tatagwe. Ba ba le morwa yo leina la gagwe e bilego Ashure, yo a ilego a hloma motse wa Tekoa.

₂₅Barwa ba Jeragmeele, morwa wa pele wa Hetserone, le mosadi wa gagwe, Ahia, e be e le Ramo, wa leitšibolo, le Buna le Orene le Otseme. _26-27Barwa ba Ramo e be e le Maatse, Jamine le Ekere. Jeragmeele o be a na le mosadi yo mongwe yo a bitšwago Atara, gomme ba ba le morwa, Onamo. ₂₈Barwa ba Onamo e be e le Shamai le Jada, gomme ba Shamai ya ba Nadaba le Abishure.

₂₉Abishure o ile a nyala mosadi yo leina la gagwe e bego e le Abigaile, gomme yena a mmelegela Agbane le Molide. ₃₀Barwa ba Nadaba, morwarragoAbishure, e be e le Selede le Apaime, eupša Selede a hwa a se na bana. ₃₁Apaime e bile tatagoJishi, Jishi ya ba tatagoSheshane, mme Sheshane ya ba tatagoAglai.

₃₂Barwa ba Jada, morwarragoShamai, e be e le Jetere le Jonathane, eupša Jetere a hwa a se na le bana. ₃₃Barwa ba Jonathane e be e le Pelete le Sasa. Bao ka moka e be e le ditlogolo tša Jeragmeele.

₃₄Sheshane o be a se ne barwa, a na le barwedi fela. O be a na le mohlanka wa Moegepeta yo leina la gagwe e bego e le Jareha. ₃₅A mo nyadiša morwedi yo mongwe wa gagwe. Ba ba le morwa yo leina la gagwe e bilego Athai. ₃₆Go tloga go Athai go fihla go Elishama moloko o latelana ka mokgwa wo: Athai, Nathane, Sabade, ₃₇Eflale, Obede, ₃₈Jehu, Asaria, ₃₉Heletse, Elasa, ₄₀Sismai, Shalume, ₄₁Jekamia le Elishama.

₄₂Morwa wa leitšibolo wa Kalebe, morwarragoJeragmeele, o be a bitšwa Mesha. Mesha e bile tatagoSife, yo e ilego ya ba tatagoMaresha, yo e bilego tatagoHebrone. ₄₃Barwa ba Hebrone e be e le Korage, Tapuage, Rekeme le Shema. ₄₄Shema e bile tatagoRahamo le rakgolo wa Jorokoamo. Rekeme, morwarragoShema, e bile tatagoShamai, ₄₅yo e ilego ya ba tatagoMaone, yo e bilego tatagoBethe-Tsure.

₄₆Kalebe o be a na le motlabo yo leina la gagwe e bego e le Efa, gomme yena a mmelegela Harane, Motsa le Gasese. Harane le yena a ba le morwa yo a bitšwago Gasese.

₄₇Monna yo mongwe yo leina la gagwe e bego e le Jadai o be a na le barwa ba ba latelago: Regeme, Jotamo, Geshane, Pelete, Efa le Shaafo.

₄₈Kalebe o be a na le motlabo wo mongwe, Maaka, yo a ilego a belega Shebere le Tirihana. ₄₉Ka morago a ba le barwa ba bangwe, e lego Shaafo, yo a hlomilego motse wa Madimana, le Sheba, yo a hlomilego motse wa Makabena le wa Gibea.

Le gona Kalebe o ile a ba le morwedi yo a ilego a bitšwa Aksa.

₅₀Ba ba latelago le bona ke ditlogolo tša Kalebe:

Hure e be e le leitšibolo la Kalebe le mosadi wa gagwe, Efrata. Morwa wa Hure, Shobale, o ile a hloma Kiriate-Jearime, ₅₁morwa wa gagwe wa bobedi, Salmone, a hloma Betlelehema, gomme morwa wa gagwe wa boraro, Harefe, a hloma Bethe-Gadere.

₅₂Shobale, mohlomi wa Kiriate-Jearime, e bile rakgolokhukhu wa batho ba Reaya, le wa karolo ya badudi ba Manahate, ₅₃le wa dikgorwana tše di latelago tše di bego di dula Kiriate-Jearime: Bajetere, Bapute, Bashumate le Bamishra. Batho ba motse wa Tsora le wa Eshtaolo e be e le ba dikgorwana tše.

₅₄Salmone, mohlomi wa Betlelehema, e bile rakgolokhukhu wa batho ba Netofa, ba Atharote-Bethe-Joaba le ba Tsora, ba e bego e le karolo ya Bamanahate.

₅₅Ba dikgorwana tše di latelago tša bakgoni ba go ngwala le go ngwalolla ba be ba dula motseng wa Jabetse: Batirate, Bashimate le Basukate. E be e le Bakene ba ba hlomilego Bethe-Rekabe, ba etšwa Hamate.

_1-3Bana bao Dafida a ba belegetšwego ge a be a sa le Hebrone šeba ka go hlatlamana ga bona:

₄Ba ba selelago bao ba belegetšwe Hebrone nakong ya mengwaga ye e šupago le dikgwedi tše di selelago yeo ka yona Dafida a bušitšego a le fao.

Ge a le Jerusalema o bušitše mengwaga ye masome a mararo a metšo ye meraro, ₅gomme moo a belegelwa barwa ba bantši.

Mosadi wa gagwe, Batseba, morwedi wa Amiele, o ile a mmelegela barwa ba bane, e lego Shima, Shobabe, Nathane le Solomone.

₆Dafida o bile le barwa ba bangwe ba senyane, e lego Jibehara, Elishua, Elpelete, ₇Noga, Nefege, Jafia, ₈Elishama, Eliada le Elifelete. ₉Ntle le barwa bao ka moka, Dafida o be a na le barwa ba bangwe le metlabo ya gagwe. Le gona o be a na le morwedi yo leina la gagwe e bego e le Tamare.

₁₀Lešika la Kgoši Solomone le kgokagane ka mokgwa wo: Solomone, Rehabeamo, Abia, Asa, Joshafate, ₁₁Joramo, Ahasia, Joase, ₁₂Amatsia, Usia, Jotamo, ₁₃Ahase, Hiskia, Manase, ₁₄Amone le Josia. ₁₅Josia o be a na le barwa ba bane, e lego Johanane, Joyakime, Tsedekia le Joahase. ₁₆Joyakime o bile le barwa ba babedi, e lego Joyakine le Tsedekia.

₁₇Šedi ditlogolo tša Kgoši Joyakine yo a ilego a thopša ke Bababilonia. Barwa ba Joyakine e be e le Sealtiele, ₁₈Malkiramo, Pedaya, Shenatsare, Jekamia, Hoshama le Nedabia. ₁₉Barwa ba Pedaya e be e le Serubabele le Shimi. Barwa ba Serubabele e be e le Meshulamo le Hanania, Shelomite e le kgaetšedi ya bona. ₂₀O bile le barwa ba bangwe ba bahlano, e lego Hashuba, Ohele, Berekia, Hasadia le Jushabe-Hesede.

₂₁Barwa ba Hanania e be e le Pelatia le Jeshaya. Jeshaya e bile tatagoRefaya, yo e bilego tatagoArnane, Arnane tatagoObadia, Obadia tatagoShekania. ₂₂Shekania o bile le barwa ba ba selelago, e lego Shemaya, Hatushe, Jigale, Bariage, Nearia le Shafate. ₂₃Nearia o bile le barwa ba bararo, e lego Elioenai, Hiskia le Asrikamo. ₂₄Elioenai o bile le barwa ba ba šupago, e lego Hodabia, Eliashibe, Pelaya, Akube, Johanane, Delaya le Anani.

₁Ditlogolo tše dingwe tša Juda šedi: Peretse, Hetserone, Karmi, Hure le Shobale. ₂Shobale e bile tatagoReaya, yo e bilego tatagoJahate; Jahate ya ba tatagoAhumai le Lahade, borakgolokhukhu ba batho ba ba bego ba dula Tsora.

_3-4Hure e be e le morwa wa leitšibolo wa Efrata, gomme ditlogolo tša gagwe di hlomile motse wa Betlelehema. Hure o bile le barwa ba bararo, e lego Ethamo, Penuele le Esere. Barwa ba Ethamo e be e le Jesriele, Jishma le Jidbashe, Hatseleleponi e le kgaetšedi ya bona. Penuele o ile a hloma motse wa Gedoro, Etsere yena a hloma wa Husha.

₅Ashure, yo a hlomilego motse wa Tekoa, o be a na le basadi ba babedi, e lego Hela le Naara. ₆Naara a mmelegela barwa ba: Ahusamo, Hefere, Temni le Ahashtari. ₇Hela a belega barwa ba: Tserete, Jitsara le Etnane.

₈Kotse e be e le tatagoAnube le Tsobeba, e bile e le rakgolokhukhu wa dikgorwana tše di tšwilego go Aharehele, morwa wa Harumo.

₉Go be go na le monna yo a bitšwago Jabetse, yo a bego a hlomphega kudu lapeng labo. Mmagwe o be a mo reetše leina la Jabetse, ka gobane go belegwa ga gagwe go be go bile bohloko kudu. ₁₀Eupša Jabetse a rapela Modimo wa Israele a re: “Ntšhegofatše kudu, Modimo, gomme o nkokeletše naga. Baa le nna mme o ntšhireletše go tšohle tše mpe gore di se ke tša nkweša bohloko.” Gomme Modimo a mo fa se a se kgopetšego.

₁₁Kelube, morwarragoShuha, o be a na le morwa, Mehire. Mehire ya ba tatagoEshtone, ₁₂yo a ilego a ba le barwa ba: Bethe-Rafa, Paseage le Tehina. Tehina e bile mohlomi wa motse wa Nahashe. Ditlogolo tša batho ba di be di dula Reka.

₁₃Barwa ba Kenase e be e le Otniele le Seraya. Otniele ya ba tatagoHatate le Meonotai. ₁₄Meonotai e bile tatagoOfra.

Seraya a tswala Joaba, yo e bilego mohlodi wa mešomo ya Moeding wa Batsebamediro-ya-diatla, fao batho ba ntshe e bego e le bašomi ba bokgoni.

₁₅Kalebe, morwa wa Jefune, o be a na le barwa ba bararo, e lego Iru, Ela le Naama. Gomme Ela ya ba tatagoKenase.

₁₆Barwa ba Jehalelele e be e le Sife, Sifa, Tiria le Asariele.

_17-18Esra o be a na le barwa ba: Jetere, Merede, Efere le Jalone. Merede a nyala Bitia, morwedi wa kgoši ya Egepeta, gomme ba ba le morwedi, Miriamo, le barwa ba maina a bona e bego e le Shamai le Jishbage. Jishbage o ile a hloma motse wa Eshtemoa. Merede le yena a nyala mosadi wa kgoro ya Juda, gomme ba ba le barwa ba: Jerede, yo a hlomilego motse wa Gedoro, Hebere, mohlomi wa motse wa Soko, le Jekutiele, mohlomi wa motse wa Sanoage.

₁₉Hodia o ile a nyala kgaetšedi ya Nahamo. Ditlogolo tša bona tša tswala ba kgorwana ya Garme ba ba bego ba dula motseng wa Keila, le ba kgorwana ya Maaka ba ba bego ba dula motseng wa Eshtemoa.

₂₀Shimone o be a na le barwa ba: Amnone, Rina, Benhanane le Tilone.

Barwa ba Jishi e be e le Sohete le Bensohete.

₂₁Shela e be e le yo mongwe wa barwa ba Juda. Ditlogolo tša gagwe tše dingwe e be e le Ere, yo a hlomilego motse wa Leka, le Lada, mohlomi wa motse wa Maresha, le ba kgorwana ya balogi ba mašela, ba ba bego ba dula motseng wa Bethe-Ashbea, ₂₂le Jokime le batho ba ba bego ba dula motseng wa Koseba, le Joase le Sarafo, bao ba ilego ba nyala basadi ba Bamoaba mme ba boela Betlelehema. Ditaba tše di bolelwago mo ke tša kgale kudu. ₂₃E be e le babopi ba dipitša ba go šomela kgoši, mme ba dula motseng wa Netaime le wa Gedera.

₂₄Simeone o be a na le barwa ba: Nemuele, Jamine, Jaribe, Serage le Shaulo. ₂₅Morwa wa Shaulo e be e le Shalume, setlogolo sa gagwe e le Mibisamo, mme setlogolwana sa gagwe e le Mishma. ₂₆Go tloga go Mishma lešika le be le theogela go Hamuele, Sakure le Shimi. ₂₇Shimi o be a na le barwa ba lesome le ba ba selelago le barwedi ba ba selelago, eupša bomorwarragwe ba be ba se na le bana ba bantši, gomme kgoro ya Simeone ya se ke ya gola bjalo ka ya Juda.

₂₈Go ba go fihla mehleng ya Kgoši Dafida ditlogolo tša Simeone di be di dula metseng ye e latelago: Beresheba, Molada, Hatsare-Shuale, ₂₉Bilha, Etseme, Eltolade, ₃₀Bethuele, Horma, Tsikelage, ₃₁Bethe-Markabote, Hatsare-Susime, Bethe-Biri le Shaharaime. ₃₂Ba be ba dula le metseng ye mengwe ye mehlano: Ethamo, Aine, Rimone, Togene le Ashane, ₃₃le metseng ye e bapilego le yona, go ba go yo fihla motseng wa Baale. Ao ke mananeo a ba a ngwadilego a malapa a bona le a mafelo ao ba ilego ba dula go ona.

_34-38Banna ba ba latelago e be e le mantona a dikgorwana tša bona:

Ka gobane malapa a bona a ile a gola kudu, ₃₉ba ile ba ikala ba ba ba nyaka go fihla Gerare, mme ba fudiša dihuswane tša bona ka thoko ya bohlabela bja moedi wo motse woo o lego ka go wona. ₄₀Ba hwetša mafulo a mabotse a go nona moo nageng yeo e bego e ikadile, e letše. Batho bao ba bego ba kile ba dula moo e be e le Bahamo.

₄₁Mehleng ya Kgoši Hiskia wa Juda banna ba go bolelwago ka bona fa ba ile ba ya Gerare mme moo ba hlasela mešaša ya Bahamo, ba hlasela le Bameune ba ba bego ba dula moo. Ba ba fediša taa, mme ba dulela moo sa ruri ka gobane go be go na le phulo ya dihuswane tša bona. ₄₂Ba bangwe ba makgolo a a fetšago seatla ba kgoro ya Simeone ba ile ba ya nageng ya dithaba ya Edomo. Ba be ba etilwe pele ke Pelatia, Nearia, Refaya le Usiele, barwa ba Jishi. ₄₃Moo ba bolaya mašaledi a Baamaleke, gomme ba dula ntshe go tloga ka nako yeo.

₁Tše ke ditlogolo tša Rubene, yena wa mathomo go barwa ba Jakobo. Ka ge a be a kile a robala le yo mongwe wa metlabo ya tatagwe, o ile a se ke a ngwadišwa gore ke morwa wa mathomo, gomme ditokelo tša morwa wa leitšibolo tša fiwa barwa ba Josefa. ₂Le ge go le bjalo e bile kgoro ya Juda ye e ilego ya ba le maatla go feta tše dingwe mme ya tswala mmuši wa dikgoro ka moka, eupša ditokelo tša morwa wa leitšibolo tšona ya ba tša Josefa. ₃Rubene, yena yo mogolo go barwa ba Jakobo, o bile le barwa ba: Enoko, Palu, Hetserone le Karmi.

_4-6Šedi ditlogolo tša Joele go tloga molokong wo mongwe go iša go ye mengwe ye e o latelago: Shemaya, Gogo, Shimi, Mika, Reaya, Baale le Beera. Kgoši ya Asiria, Tiglate-Pilesere, o ile a iša Beera, moetapele wa kgoro, bothopša.

₇Mananeo ao a ngwadilwego a malapa a lokologanya mantona a dikgorwana mo kgorong ya Rubene ka tsela ye: Jeiele, Sakaria ₈le Bela, morwa wa Asase. Asase yo e be e le morwa wa Shema, wa kgorwana ya Joele. Ba kgorwana ye ba be ba dula Aroere le go tloga moo go fihla Nebo le Baale-Meone. ₉Ba be ba na le mehlape ye mentši nageng ya Gileade, ka gona ba dula seleteng sa go ya ka bohlabela go fihla mathomong a lešoka le le yago nokeng ya Yufratese.

₁₀Mehleng ya Kgoši Saulo kgoro ya Rubene e ile ya hlasela Bahagare, ya ba fenya, gomme ya thopa karolo ya ka bohlabela ka moka ya naga ya bona kua Gileade.

₁₁Kgoro ya Gade e be e dula ka leboa la kgoro ya Rubene, nageng ya Bashane. Naga ya bona e be e fihla le Salka. ₁₂Joele e bile yena mohlodi wa kgorwana ya ntshe ye kgolo, gomme Shafamo a hlola ye e e latelago. Janai le Shafate e bile bahlodi ba dikgorwana tše dingwe kua Bashane. ₁₃Ba bangwe ba kgoro ye e be e le ba dikgorwana tše di šupago tše: Mikaele, Meshulamo, Sheba, Jorai, Jakane, Sia le Ebere. ₁₄E be e le ditlogolo tša Abihaile, morwa wa Huri, yoo borakgolokhukhu ba gagwe ba bego ba latelana ka mokgwa wo: Jaroage, Gileade, Mikaele, Jeshishai, Jagdo, Buse. ₁₅Ahi, morwa wa Abdiele, e be e le setlogolo sa Guni, gomme e le ntona ya dikgorwana tšeo. ₁₆Ba be ba dula nageng ya Gileade le ya Bashane, le metseng ya Bashane, le nageng ka moka ya mafulo ya Sharone. ₁₇Ditaba tše ka moka di ngwadilwe mehleng ya Kgoši Jotamo wa Juda le ya Kgoši Jerobeamo wa Israele.

₁₈Kgorong ya Rubene le ya Gade le seripakgorong sa Manase sa ka bohlabela go be go na le bahlabani ba 44 760 ba ba hlahlilwego gabotse go šomiša dikotse, ditšhoša le mesebe, mme ba loketše ntwa. ₁₉Ba ile ba tšwa dira go yo lwa le kgoro ya Bahagare le ya Jeture le ya Nafishe le ya Nodaba. ₂₀Ba bota Modimo mme ba mo rapela gore a ba thuše, gomme a kwa dithapelo tša bona mme a gafela Bahagare le ba seboka sa bona diatleng tša bona. ₂₁Ba ba thopela dikamela tše dikete tše masome a mahlano, le dihuswane tše makgolo a mabedi le tše masome a mahlano, le dipokolo tše dikete tše pedi, le mathopša a dikete tše lekgolo. ₂₂Ba bolaya manaba a mantši ka gobane ntwa yeo e be e lwewa ka thato ya Modimo. Gomme ba dula nageng yeo go ba go fihla ka nako ya bothopša.

₂₃Batho ba seripakgoro sa Manase sa ka bohlabela ba ile ba dula nageng ya Bashane go yo fihla Baale-Hermone le Senire le thabeng ya Hermone, gomme setšhaba sa bona sa oketšega. ₂₄Ba ba latelago e be e le mantona a dikgorwana tša bona: Efere, Jishi, Eliele, Asriele, Jeremia, Hodabia le Jagdiele. Ka moka ga bona e be e le bahlabani ba bogale, baetapele ba go tuma ba dikgorwana tša bona.

₂₅Eupša batho bao ba ile ba se ke ba botegela Modimo wa borakgolokhukhu ba bona, gomme ba mo furalela ba khunamela medimo ya ditšhaba tše Modimo a di lelekilego nageng ge bona ba goroga. ₂₆Ka gona Modimo a hlohleletša Kgoši Pule wa Asiria, yo a bego a tsebja le ka la Tiglate-Pilesere, gore a hlasele naga ya bona. A iša ba kgoro ya Rubene le ya Gade le ba seripakgoro sa Manase sa ka bohlabela bothopša, gomme a ba dudišetša sa ruri kua Halage, Habore le Hara, le nokeng ya Gosane.