Tlaišego, tsogo le lerato la Bakriste – letšatši la 9
Bakriste ba swanetše go thoma go phela ka kholofelo ga bjale
(Di)temana ya Bibele
MARKOSE 1
Jesu o fodiša monna yo mongwe
Filimi ye e nkgahlilego kudu ke The Shawshank Redemption. Kanegelo e mabapi le lesogana le le bitšwago Andy, motho yo a tlwaelegilego bjalo ka nna le wena, le le ka kgolegong le ge a se na molato. Le ge go le bjalo, a se lahlegelwe ke kholofelo ya gagwe ya tokologo – le ge rakgolego a bolaile hlatse e tee fela ye e bego e tla hlatsetša gore ga a na molato. Morago ga mengwaga ye 20, o kgonne go tšhaba gomme a hwetša tokologo ya gagwe! Le ge go le bjalo, go kgahliša ga kanegelo ga go go kholofelo ya Andy mafelelong e e ba nnete, e go kholofelo yeo a e neilego bagolegwa ba bangwe nakong ya ge a le kgolegong.
Go sa šetšwe maemo a boifišago kgolegong, o file bagolegwa ba bangwe pono e mpsha ya bophelo. O ba thušitše go ba le bokgobapuku. O thušitše monna go bala le go mo thuša go go ingwadišetša tiploma. O thušitše borakgolego go šomiša ditšhelete tša bona gabotse. O bontšhitše bagolegwa-gotee gore ka dinako ka moka go na le kholofelo. Filimi e fela ka monna, yo a bego a le kgolegong mengwaga ye 40 gomme ka mehla a belaela kholofelo ya Andy, mafelelong a lokollwa gomme a hwetša tlhalošo e mpsha bophelong. Seo se diregile ka gobane Andy o mo rutile go ba le kholofelo!
Temaneng ya lehono, Jesu o ba le seabe bophelong bja monna yo a swerego ke bolwetši bja letlalo le go mo fa kholofelo. E tee ya dineo tše kgolo tše re di neago motho ke go mo ruta go ba le kholofelo. Kholofelo ga se selo fela sa nakong e tlago; o swanetše go phela ka yona letšatši le letšatši la bophelo bja gago. Re swanetše go thuša ba bangwe go phela ka kholofelo.
Ka dinako tše dingwe, re hloka go thuša batho go fetoša ka tsela ye ba naganago ka yona gore, ka gare ga maemo a thata, ba tla ba ba sa na le kholofelo. O ruta batho go ba le kholofelo ka go ba karolo ya bohloko bja bona le tlaišego. Ke ge fela ba bangwe ba itemogela lerato, tlhokomelo le boikgafo, diatleng tša rena, moo ba tsebago gore go a kgonega go ba le kholofelo.
Jesu o re rutile gore re phele ka kholofelo lehono le go e abelana le ba bangwe.
