Tlaišego, tsogo le lerato la Bakriste – letšatši la 8

Ge moruti wa kereke, Polycarp, a be a bofilwe koteng kua Middle Ages, o holofeditšwe gore o tla lokolla ge a ka latola gore Jesu o a phela. Go se, a araba, “Modimo o ntoketše. Ke ka lebaka la eng ke swanetše go mo latola! O be a ikemišeditše go hlokafala ka lebaka la ka!”

Kholofelo ke go swarelela go Jesu ka gare ga maemo a gago a kotsi le dinakong tša kgateletšego, ka gobane o a tseba gore ka tsogo, Jesu o fihleletše phenyo e kgolo kudu. Jesu o file nna le wena bophelo bjo boswa. O fentše lehu le go phela nakwana. Phenyo ye e re kgontšha go fenya diteko tše ntši, dibe le mekgwa. E go kgontšha go phela ka lerato le toko ya Jesu ka ntle le poifo – ga go motho yo a ka go tšeelago yona. Ke boitshwaro bjo bjo bo kgontšhitšego Polycarp go ema a tia le go tseba gore lehu le fentšwe – o be a sa boife. O tsebile gore ga go motho yo a ka tšeago bophelo bja gagwe bja go sa felego le lerato la Jesu.

Ka dinako tše dingwe, Bakriste ba itemogela dikwero tše ntši le lehloyo, ka gobane bopaki bja bona bja lerato le toko bo ba dira bao ba fapanego go lefase. Phenyo ya Jesu go lehu e hlaloša gore ga re a swanela go boifa lefase. Re ka ema ka ntle le poifo le go tsebagatša lerato le toko ya Jesu go bohle. Ge o phela bjalo ka Jesu, selo se sebe se se kago direga go wena lefaseng ke lehu. Gomme Jesu o šetše a le fentše!

Jesu o tsogile ka nnete! Tše ke ditaba tša phenyo e makatšago tša kholofelo tše ke nyakago go le botša tšona gape!