Moya wo Mokgethwa – Letšatši la 7

Batho ba go fapana ba ka ba ba bile le dikarabelo tša go fapanafapana ge ba bewa molaleng wo o tletšego ka marapo a omilego, eupša gaešita le ngaka ya marago le mešifa e be e ka se kgone go dira selo se bohlokwa fao. Hesekiele, lega go le bjalo, a ikarabela ka tumelo ka pelo ya tlhompho le potego.

Hesekiele o be a ithutela boprista ge a išwa bothopša Babilonia le mathopša a mangwe a dikete tše lesome go tšwa Juda. Ge a na le mengwaga ye 30, Modimo a mmitša go ba moprofeta go batho ba Gagwe kua Babilonia go ba thuša go kwešiša gore ba bothopša, bja nako e telele, ka lebaka la sebe sa bona, eupša le go ba fa molaetša o moswa wa kholofelo. Hesekiele o kwešišitše gore go tlo ba boima, bjalo ka ge Modimo a mmoditše: “Eupša setšhaba sa Israele sona se ka se rate go go theeletša, ka gobane le nna ga ba nyake go ntheeletša. Ka moka ga bona ba na le kgang mme ba a nnyatša” (Hesekiele 3:7). Eupša a tshepha Modimo go mo fa maatla a mošomo wo.

Mantšu a Hesekiele a hlaloša gabotse seemo sa go phušolwa, sa lehu le sa go hloka kholofelo – poelo ya bopelothata go Modimo. Re gopola lefelo le le ka bago le tšweleditše mokgobo wo o mogolo wa marapo molaleng; lehu, le le hlatseditšego ke mašaledi a go oma, le go hloka kholofelo ge re lemoga gore bao ba hlokafetšego ba tlogetše moo ba hwilego, ba se bušetšwe magaeng ya bona bjalo ka Bajuda bao ba bego ba le bothopšeng, kgole kudu le naga ya bona, malapa le borapedi.

Re ka gopola seswantšho se morago se tliša bofelo, eupša Hesekiele o tseba gore ga go se se palelago Modimo gomme o a fetola, “Morena, Mong wa bohle, ke wena fela o tsebago!” Morena gomme o šoma ka Hesekiele go kgomaganya marapo, a bea nama le ditšhika go wona gomme a a khupetša ka letlalo. Sa mafelelo, A budulela moya go wona, gomme a phela bjalo ka madira a mantši. Gomme o botša Hesekiele go profeta gore o tla ba bušetša “morago nageng ya Israele” le gore “O tlo tsenya Moya wa Gagwe go wona gomme a tla phela” (Hesekiele 37:12-13). Se ke kholofelo!

E ka ba se ke kemedi ya boemo bja rena? E ka ba go na le mafelo maphelong a rena ao a llelago maatla a mpshafatšo a Moya wo Mokgethwa, bjalo ka tswalano ya rena le Modimo, goba manyalo a rena? Mohlomongwe re ka ahlaahla gape ditswalano tše dingwe lelapeng, goba mošomong, goba ditaba tša maphelo. Re ka se nyake dilo tše gore di ome ka bopelothatha, bonganga, tlhokomologo goba go se lebalele. A re išeng matshwenyego a rena go Modimo, gomme re mmogele a fetoša tumeleo ya rena le go re dira go ba ba ba feletšego gape.