Moya wo Mokgethwa – Letšatši la 12

Puku ya Jesaya ke puku ye e tletšego ka bohlatse bja Moya wo Mokgethwa ka diprofeto, direto, kahlolo ya sebe le tlhohleletšo go batho ba Modimo. Jesaya o itemogetše pono ye e sa lebalwego ya Modimo ye e mo tladitšego ka poifo gomme ya fetoša bophelo bja gagwe. O ikgafile ka go ithaopa le go botega go pitšo ya Modimo: “Ke moka ka kwa Morena a re: ‘Nka roma mang? Motseta wa rena e tla ba mang?’ Ka fetola ka re: ‘Nna nka ya! Roma nna’ ” (Jesaya 6:8). Modimo o šomišitše Jesaya bjalo ka moprofeta go bathopša bao ba bego ba boile go tšwa Babilonia, eupša o file gape ditshepišo tše ntši ka yena tšeo di phethagaditšwego go Jesu.

Temaneng ya lehono re bala ka tše dingwe tša ditemana tša go kgahliša go Jesaya tše di sepedišanago le ditemana tša seprofeto sa Mohlanka yo a Tlaišegago, le pono ya Jesaya ya Modimo. Ke ditemana tša seprofeto tšeo di dumelelago ditlhathollo tše pedi tše mabapi le dinako tša Jesaya, le ka bokamoso. Jesaya o bolela le mašaledi ao a tšwago bothopša go ya nageng ya bona ye e sentšwego, ba sa llela ditobo tša bona le go felelwa ke kholofelo ya bokamoso, eupša Moya wo Mokgethwa o bolela le bao go lešika la rena ba lekago tšhabela bothopša bjo bo lego boima go ka bo kwešiša, goba ba leka go aga bophelo bjo robegilego. Lega go le bjalo, bobotse bja mantšu a a seprofeto a nneteng ya gore ke mantšu a Jesu a a šomišago go tsebagatša morero wa Gagwe bjalo ka Mesia, mantšu a a tlišago kholofelo e kgolo – ka nnete ya gore Moya wo Mokgethwa o go Yena!

Lukase o ngwetše gore ge A bala ka sinagogeng go tšwa go puku ye ya Jesaya mathomong a boruti bja Gagwe, se ka nnete ga se sewelo. Wa Gagwe ke morero o mogolo: go nea mpho e kgolo ya lerato ye e ka akanywago go motho gomme O dumela gore e maatleng a Moya wo Mokgethwa gore O tla e dira. Ke ka lebaka la tlotšo ya Moya wo Mokgethwa gore go tloga ka matšatši a pele batho ba lemoge maatla a Gagwe a go ruta: “Ge Jesu a fetša go bolela mantšu ao, lešaba la makatšwa ke ka moo a bego a ruta batho ka gona, ka gobane o be a sa ba rute go swana le boramangwalo; o be a ba ruta e le yo a nago le maatla a go dira bjalo” (Mateu 7:28-29).

O tlo fihliša taba ye botse, gore Modimo o rata lefase le gore o tlo le phološa ka kgaugelo ya Gagwe le mogau go tlaišego ya lona ka gobane sebe, go bao ba diilago semoyeng le ba go diila: “Ba lehlogonolo ke ba ba humanegilego mo moyeng, gobane bonabao mmušo wa magodimo ke wa bona” (Mateu 5:3); go bao ba robegilego dipelo ba llela sebe sa bona le boikgogomošo, gammogo le manyami ka lebaka la tobo: “Ba lehlogonolo ke bao ba llago, gobane Modimo o tla ba homotša” (Mateu 5:4); gomme go bathopša le bagolegwa, bao ba lego ka kgolegong le bao ba lego ka ntle ga kgolego bao ba golegilwego ke kgethollo, boikaketši, lesebo, megabaru le lehloyo: “Ba lehlogonolo ke ba ba fišegelago gore lefaseng go dirwe tše di nyakwago ke Modimo, gobane ba tla kgotsofatšwa” (Mateu 5:6).