Tema ya mehlare ka Bibeleng – Letšatši la 8

Kota ya mesedere ya Lebanone e be e tiile, e otlologile thwii le go nkgišwa gabotse gomme e tura kudu dinakong tša bogologolo. E be e dula e le kgetho ya pele ya tempele goba mošate ofe goba ofe, gomme boleng bja godimo kgwebong bo be bo lefelwa. Mehlare ye e thušitše go fa Bafenikia lefelo la godimo go ditšhaba tše dingwe, gomme ya ba sešupo seo ka sona bona le ditlogolo tša bona ba tumilego. Lehono mosedere o sa hwetšwa folageng ya Lebanone.

Boleng bja mohlare wa mosedere bo molaleng ka Bibeleng – ga o bolelwe ka tlase ga makga a 75. Ka gare ga polokelo ya mosedere, ba be ba bea dilo tše bohlokwa kudu. Dintlo nakong ya Dafida di be di dirilwe ka leswika la go tia, eupša di be di na le mokgwa o mobe wa go mona monola ka dinako ka moka. Badiidi ba be ba dula dintlong tše bjalo gomme ba kgotlelela monola, eupša ba go huma ba be ba tswalela dintlo tša bona ka dikota tša mosedere gore di be le tšhireletšo e botse bjalo ka dintlo tša sebjalebjale tše re nago le tšona lehono.

Leo ke lebaka leo Dafida, ka gare ga katlego ya gagwe, a dula fase letšatši le lengwe gomme a re: “Nnaena šefa ke dutše ka ngwakong wo o agilwego ka dikota tša mosedere, eupša Polokelo ya Kgwerano ya Modimo yona e beilwe ka tenteng!” O be a e ra ntlo ya gagwe ye e bego e tswaletše ka mosedere. Se a bego a se bolela ge e le gabotse e be e le gore, “Ntlo ya Modimo ga e botse bjalo ka ntlo ya ka. Ga ken a kgahlego ya go fa Modimo tše botse tše bjalo ka tše nna ke nago le tšona.”

Nagana ka bophelo bja gago. E ka ba o fa Modimo tše kaonekane tša gago?