Tema ya mehlare ka Bibeleng – Letšatši la 7
Mohlare wa mogo (karolo ya 3) — mohlare fela wa go se be le mago
(Di)temana ya Bibele
MARKOSE 11
Jesu o rogaka sehlare sa mogo
Se se bonala se se gabotse. Jesu o rogaka bjang mohlare wa mogo wa go se be le mago ge e be e se sehla sa mago? Go kwešiša se, re hloka go tseba gannyane ka mago le kamano ya kanegelo.
Ge matlakala a thoma go tšwelela mohlareng wa mogo mathomong a seruthwane, dimela tša dikgolokwane tše nnyane tše di bitšwago mago a pele (matata) gape di a tšwelela. Tše ga se mago a nnete eupša matata a mago a nnete ao a tlago tšwelela dibeke tše e ka bago tše tshela morago. Eupša ge matlakala a tšwelela a se na matata, ke sešupo sa gore go ka se be le mago. Ka ge Jesu a sa hwetša selo eupša matlakala, wo e be e le mohlare wa mogo wa go se be le kholofelo, wa go se enye dikenywa.
Selo se sengwe se bohlokwa seswantšhong ke lefoko la mafelelo: “Gomme barutwana ba gagwe ba mo kwa a bolela seo.” Barutwana ba ka be ba be ba tseba Testamente ye Tala gomme ba ka be ba kwešišitše lego bjalo ka sešupo sa bobedi kahlolo ya Modimo le setšhaba sa Israele.
Barutwana ba tsebile gore Jesu o be a sa befediša ke sebjalo ka gobane o be a swere ke tlala – o be a befeletše Israele ka go se tšweletše dikenywa tša moya. Israele e be e le bjalo ka mogo wo wa go se tšweletše dikenywa. Ba bile le dišupo ka moka tša bophelo bja moya, eupša ba se na dikenywa. Ba be ba bolokile lengwalo la Molao. Ba be ba dira meletlo ya Tempeleng. Ba dira menyanya ya bogologolo le dihlabelo. E be e le badumedi ka mo go feletšego, eupša ba se na dikenywa tša moya.
Bjalo ka ge o ka akanya, go na le molaetša go rena mo. Ge Morena a hlahloba maphelo a rena, gomme o a dira, o bona eng? E ka ba o bona rena re enya dikenywa go letago la Modimo. Goba, e ka ba o mohlare fela gomme ga o na mago?
