Tema ya mehlare ka Bibeleng – Letšatši la 6
Mohlare wa mogo (karolo ya 2) — Phafoga!
(Di)temana ya Bibele
MARKOSE 13
Jesu o swantšha ka mogo
Ga go yo a tsebago letšatši le nako
Bjalo ka ge mohlare wa mogo o re gopotša gore selemo se e tla, gomme Jesu o gopoditše barutwana ba gagwe (le rena) gore o tla boa gape. Kereke ya pele, lega go le bjalo, e be e letetše Jesu go boa mehleng ya bona.
Temana ye go Markose e ba netefaleditše, le rena, gore ga go yo a tsebago nako ya maleba ya go boa ga gagwe. Ka 2011 Harold Camping a profeta gore go boa ga Jesu la bobedi ke di-21 Mosegamanye — go ba gona, ga go a direga. Batho ba bantšintši ba lekile go laetša gore Jesu o boa neng, eupša ka moka ba be ba fošitše.
Boradihistori ba re botša gore bakgethwa ba pele ba be ba dumedišana ka mantšu a, “O tsogile bahung”, gomme ge ba laelana ba tla re: “Morena o a boa.” Ka go dira se ba be ka mehla ba hlohleletšana tumelong ya bona le go gopotšana ka mehla ka phološo ya bona go Kriste le kgonthe ya go boa ga gagwe. Ge re bona mehlare e thoma go hloga, re a hlohleletšwa gobane re a tseba gore selemo se kgauswi le go fihla gomme marega a go tonya, a leswiswi a kgauswi le go fela. Re a tseba gore Jesu o tlo boa gapa – ka gona a re hlohleletšaneng lehono ge re lebelela pele go letšatši leo ge Jesu a boa gomme a dira dilo ka moka go ba tše mpsha, go no swana le mohlare ole wa mogo.
