Tema ya mehlare ka Bibeleng – Letšatši la 19

Kgaolong ya bone ya Daniele, Nebukadnesare o ba le toro ya mohlare o mogolo wo o rengwago go fihla thitong (Daniele 4:13-17). Daniele o hlatholla toro, a hlaloša gore Nebukadnesare ka boyena ke mohlare. Kgoši e tla lahlegelwa ke kgopolo le go rakwa bathong ge fela a ka fetoga (Daniele 4:19-27).

Kgoši Nebukadnesare e be le o mongwe wa dikgoši tše maatla tšeo lefase le sa kago la di bona. O bušitše mengwaga ye 40 gomme ge a hlokafala ka 561 BC, motse wa Babilonia e be e le sešupo letago le pušo ya lefase. Eupša go bjalo ka batho ba bantši, o ile a forwa ke dilo tše di felago tša lefase. O be a tlogetše Modimo gomme a ikgogomoša kudu. Toro ya Nebukadnesaree be e anega mohlare o mogologolo. Taelo ya fiwa: “Remang sehlare seo mme le se ripe makala” (Daniele 4:13-14). Molaetša o be o kwešišega – ka bjako mahumo a mantši le katlego e kgolo tša kgoši di tla be di fedile. Dilo ka moka tše Nebukadnesare a bego a na le tšona di be di tla fela le semeetseng! Tšeo ka moka a bego a tshepetše go tšona di be di tla timelela! Ka 538 BC, nakong e ka tlase ga kotara ya ngwagakgolo Nebukadnesare a hlokafala. Motse o mogolo wa Babilonia wa buša ke Korese, kgoši ya Persia.

Jesu a tiišetša kotsi ya go tsepela go mahumo ge a anega seswantšho sa mohumi wa lešilo (Lukase 12:13-21). O lemoša lešaba gore “motho ga a swanela go tshepela go mahumo a gagwe”. Gantši, re swarega kudu mererong ya lefase mo re lebalago gore ke ya nakwana. Re beeletša nako le ditalente tša rena kudu go dilo tše di felago gomme ra hlokomologa Jesu, mothopo wa lethabo la go ya go ile le bophelo bjo bo sa felego.