Tema ya mehlare ka Bibeleng – Letšatši la 18

Pesalome 45 e na le mantšu a ketapele, mongwalo wo o okeditšwego go pesalome go fa tshedimošo e ntši, kudu go swana le dithaetlele goba dihlogo bjalo ka dinoto tše di gatišitšwego tša mmino lehono. Mantšu a ketapele a re botša gore se ke kopelo ya lerato, kopelo ya lenyalo ya kgoši. Ga re botšwe gore ke kgoši efe, eupša setšo se re ke Solomone. Eupša ge re bala pesalome, ka pela re lemoga gore e anega ka go feta Solomone go yo fihla ka kgoši ya mafelelo – Kgoši Jesu.

Mira e be e le senoko se bohlokwa kudu nakong ya Bibele. Makhura a a go tura a be a ntšhwa go tšwa mohlareng wa mira ka go ripa lekwati. Borekhu bo be bo ntšha seela sa mmala o serolwana o sehlefetšego se se omelelago go ba makwate a mmala o phefadu wo o nago le bokhubedu a bogolo bja dithamane moo makhura a hlotlwago.Nakong ya Estere, motho yo mongwe le yo mongwe yo a bego a tlo ba mohumagadi o be a swanetše go tše ngwaga ba ithkga ka ditlolo pele ba bewa mohumagadi (Estere 2:12) tše wo o akaretšago dikgwedi tše tshela ba tlola ka makhura a mira.

Ba Bohlale ba Bohlabela ba tlišetša Jesu mira (Mateu 2:11) ge a belegwa. Sefapanong, Jesu a fiwa beine ye e bego e tswakilwe ka mira (Markose 15:23-24). Diaparo tše a bolokilwego ka tšona e be e le diripa tša lešela le le tloditšwego ka motswako wa mira le meetse a sekgopha (Johanese 19:39-40).

Ge re eleletša ka dilo tše, re thoma go bona seswantšho se sebotse sa Kgoši ya rena Jesu bjalo ka monyadi a e tla go monyadiwa wa gagwe. Diaparo tša gagwe di nkga mira, sekhopha le kasia – segopotšo sa matswalo a gagwe, lehu le poloko tšeo di bilego diphihlelelo tše bohlokwa pele ga phenyo e kgolo go Sathane. Gomme rena, Kereke, re monyadiwa wa Kgoši ye e halalelago! Sekgotse sa gagwe se ra gore polokego ya go ya go ile, phenyo ya go ya go ile. Terone ya gagwe ke ya go sa felego. Bjalo ka diphedi tša lerato la gagwe, ga re a swanela go tšhoga. Ke mang a kago gana monyadi o bjalo?