Tema ya mehlare ka Bibeleng – Letšatši la 17

Ge o ipshina ka go šoma ka serapeng, o tla tseba ka bohlokwa bja go kgotha. Ge go e tla go mehlare ya merara, go kgotha go bohlokwa kudu. Mobjadi wa merara o tla go botša gore ke fela mahlogedi a maswa morareng ao a tla go tšweletša diterebe; le gore go kgotha go bohlokwa go tšweletša diterebe tša khwaliti ya godimo.

Bjalo ka ge mobjadi wa diterebe a swanetše go kgotha morara, Tate wa rena wa legodimong o swanetše a re hlwekiše gore re kgone go tšweletša dikenywa tša khwaliti. O hwetša lekala le le tšweletšago dikenywa gomme a thoma go le ripela morago gore le tšweletše tše ntši tša go swana le tša Kriste. Modimo o ripa legong le le hwilego, dikarolo tše di hwilego le tše di bodilego tša maphelo a rena.

Lentšu la Modimo ke thipa ye a e šomišago go re kgotha. Re bala go le gontši ka se go Baheberu 4:12: “Lentšu la Modimo le a phela, le mafolofolo ebile le bogale go feta tšhoša ya magale a mabedi. Le sega go hlaphola la ba la kgaoganya pelo le moya, la kgaoganya le malokologo le moko. Le fetleka dikakanyo le menagano ya ka pelong.” Go kgotha ga se selo se se dirwago gatee fela – e tšwela pele, ngwaga le ngwaga.

E ka ba o tshepetšong ye e kwešago bohloko ya go kgothiwa moragorago? O šoma ka go kgotha se sengwe le se sengwe maphelong a rena seo se lego kgahlanong le Kriste. Ka go nepa o ripa lehloyo, kgalefo, pefelo, bojato, boithati le makoko, a tlogela sekgoba sa lerato, lethabo, khutšo, boloki, potego le boitshwaro gore di gole le go atlega.