Seswantšho se segolo – Letšatši la 6

Ngwaga ka ngwaga, ka 9 Phato, re keteka Letšatši la Basadi. Gantši ke ipotšiša ge e ba letšatši le bjalo le bohlokwa. Naa ga go a swanela gore letšatši le letšatši go be Letšatši le Basadi?

Ge ke nagana ka basadi ka moka bao ke kopanego le bona mo mengwageng, ke a makala gore ke basadi ba ba kae bao ba nago le bokgoni. Basadi ba mohuta wo mmago Lemuele a boletšego ka bona, mohuta wa basadi ba a bego a duma go ba bona kgauswi le morwa wa gagwe.

Ka moka re lomoga seswantšho se sebotse se gantši se tšwewago sa monna le mosadi. Seswantšho se gantši se tšewa meletlong ya lenyalo goba ge yo mongwe a kgopela seswantšho se se tlwalegilego. Monna o dula setulong gomme mosadi a ema ka morago ga gagwe gomme a matsogo a gagwe a le magetleng a monna wa gagwe, go bontšha seriti gape go tlwaelegile.

Re ka bolela gabonolo gore ke tsela ya kgale ya bogologolo, le ge go le bjalo, dinako di fetogile. Mehleng ye, re balekani. Ga go yo a lego bohlokwa go feta yo mongwe – se ke nnete. Le ge go le bjalo, mosadi o kgatha tema e bohlokwa.

Bjalo ka mosadi go monna wa gagwe, ke yena yo a mo thekgago, le ge a le maemong a tlase go e na le mosadi mošomong wa gagwe. Ke mma wa bana ba gagwe gomme o tla ba mma go ya go ile, go sa šetšwe maemo a gagwe. O hlokomela le go hlola legae le le bolokegilego go lapa la gagwe, o a kgothatša ge kgothatšo e nyakega. O dira tše ka moka go sa šetšwe maemo a gagwe mošomong wa gagwe goba ka gae. Ke mosadi wa dimpho tša go ikgetha le ditalente tše banna ba se nago tšona.

Jannie du Toit le Christa Steyn ba hlamilwe sengwalwa se go tšwa go Diema go CD Deel die Woord. Nako le nako ge ke bala sengwalwa se le go theeletša mmino, ke hlompha kudu ka mo mmino o kgwathago tema ya mosadi yo a nago le bokgoni.

Lehono ke rata go bolela gore go basadi ka moka ba ba nago le bokgoni, “Le bohlokwa kudu mmušong wa Modimo mo lefaseng. Ke a leboga ka se le se direlago le go ba sona go banna ba lena, bana le bagwera.”