Seswantšho se segolo – Letšatši la 7

Ge e sa le wa babja kudu, o kwešiša ka mo go pheleng gabotse ga gago go lego bohlokwa ka gona. Ge e ba o swere ke bolwetši bja letlalo, o kwešiša se bokaone kudu. Bolwetši bja letlalo ke bolwetši bjo, ka kakaretšo, bo sa diregego gantši. Le ge go le bjalo, bolwetši bjo bo kotsi ge motho a na le bjona.

Funda ke motsana wa magaeng ka leboa la Luanda, Angola. Sehlopha sa batho ba ba nago le bolwetši bja letlalo ba dula moo. Gape ke lefelo le le bolokegilego go batho ba ba amilwego le go gobošwa ke setšhaba ka moka. Badudi lefelong le la tlhokomelo ba dutše moo dinakong tše fapanego. Ba bangwe ba batho ba fihlile fao magareng ga mengwaga ya masomešupa.

Ke bile le monyetla ga go etela batho ba le go theeletša dikanegelo tša bona. Ke tšere diswantšho gomme go bile ka morago mantšiboeng ao mo ke lemogilego se ke se tšereng diswantšhong ka khamera ya ka. Ke tšere diswantšho tša batho ba ba phelago bophelo bjo bo tlwaelegilego lefelong la bona le le utegilego. Batho ba sega, ba lla, le go lora ditoro tša bona. Ke tšere diswantšho tša malapa le bana, le ge mma le papa ba ka ba ba kgaotšwe ditho tša mmela makga a mmalwa.

Ge re rapela, ke tšere seswantšho sa mosadi a swaragantše matsogo a gagwe ka tlhompho e kgolo kudu. O be a se na menwana ya gagwe ka moka. Ye e bego e šetše e be e tletše dikonotswana. Le ge go le bjalo, ga ke a mo thibela go swaragantšha matsogo a gagwe ge a rapela.

Ka morago ga ge re sepetše, ke hueditšwe kudu ke se batho ba ba bego ba itemogela sona le se ba bego ba lora ka sona. Tša maphelo e be e le ntlhoreng ya lenaneo la dilo tše di tlago pele maphelong a bona, eupša ke itemogetše gape selo se se fapanego. Ke itemogetše batho ba ba fodišitšwego go tswalano ya bona le Jesu Kriste. Semoyeng, ba phetše gabotse le go ba le khutšo. Ba kgotsofetše go Kriste le go kgotsofala gore kgaugelo ya gagwe e tla ba e lekanego letšatši le letšatši, le ka mehla.

Ge e ba o hlologela go fodišwa, anke o hwetše phodišo tswalanong ya gago le Jesu Kriste. Ake kgaugelo ya gagwe e be ye e lekanego go wena letšatši le letšatši. Mohlomongwe bolwetši bja gago bo ka no se timelele, eupša o ka fola semoyeng.