Seswantšho se segolo – Letšatši la 17
Dithaba
(Di)temana ya Bibele
Pesalome 121
Morena ke Mošireletši wa rena
Nakong ya ketelo kua Mpumalanga, re bile le monyetla wa go bona Noka ya Maope ya Blyde. Ke lentšu le tee fela leo le ka hlalošago ponagalo yeo, kgahlišago!
Naga ya rena e šegofaditšwe ka dithaba tše botse, mawa a godimodimo, melapo ye e išago le meboto e mmotse. Ke mo go kgethegilego ka mehla go tšea diswantšho tša bobotse bjoo ka khamera. Karolo ya molokoloko o mmotse wa dithaba ke dithaba tša Drakensberg, tšeo gape di fihlago ka Lesotho.
Ge re eteše Mmušo wa Dithaba, re otletše go bapa le dithaba, re fetile batho ba ba bego ba apere diputsu tša raba le mapai magetleng a bona. Re tšwetše pele re otlela go fihla ge sekontiri se felela gomme re tsena tseleng ya lekgwara. Gateetee, motho o kgona go bona ka mo dithaba di fetogafetogago ka gona. Ka ponyo ya leihlo, re be re pipilwe ke kgodi gomme monna yo a bego a nametše pere a tšwelela go sa letelwa, mo go nyakilego go e ba sepoko. Khamera ya ka e tšere seswantšho sa atmosfere ya monna yo a lego a nnoši tseleng ya gagwe.
Re kopane le sehlopha sa batho mo tsela ya lekgwara e feletšego gona. Bontši bja bona e be e le badiši gomme ba bangwe e sa le baswa. Ke tšere diswantšho tše ntši. Re be re le fao go yo ba neela Senkgwa sa Bophelo. Ge ba amogela borotho bja nnete le dikenywa, ba thabile kudu. Ba be ba ikemišeditše go kgotsofatša tlala ka dimpeng tša bona gomme maikwelo a dirile gore dinepe e be tše botse kudu, eupša tša manyami kudu.
Le ge dithaba tše e le tše botse, di na le dikotsi tše ntši go badiši ba. Go na le diphoofolo tša lešoka gape le kotsi ya go ka kgakgela lehlweng goba go ratha ke legadima.
Mohlomongwe, batho ba ka nnete ba kwešiša se se hlalošwago ke go lebelela dithabeng le go ipotšiša fao thušo ya bona e tla tšwago gona dinakong tše bjalo tše hlohlago.
Naa ga go gabotse go tseba gore Modimo, yo a hlodilego lefase le bobotse bja lona bjo bo makatšago, o hlodile nna le wena ka seswantšho sa gagwe? Ka mehla o laola dilo. Gape o na le taolo go nna le wena. Ge re hloka thušo, re tseba moo re ka e nyakago. Ye ke kgopolo ye e khothatšago!
