Re bolokegile go Jesu Kriste – Letšatši la 13
Go ya Gae – Karolo ya II
(Di)temana ya Bibele
DITIRO 1
Molaetša wo o sa re ama le rena lehono. Jesu o a boa. Barutiwa ba lemogile gore go na le mošomo wo o swanetšego go dirwa. Bibele e re botša gore ba boetše Jerusalema gomme ba namelela ka phapošing ya ka godimo ye ba bego ba dula go yona (Ditiro 1:12-13).
Bibele ga e bolele ge e ba ye ke phapoši ya ka godimo moo ba jeleng selalelo sa mafelelo ka go yona le moo barutiwa ba itswaleletšego ka ge ba boifa Bajuda, morago ga lehu la Jesu. Ge e le gore e be e le phapoši yeo, e ka ba e tlišitše dikelelo tše di botse. Ka gobane ke fao Jesu yo a tsogilego bahung a rilego: “Khutšo a e be le lena” le moo Thomase yo a belaelago a phopholeditšego dintho tša Jesu gomme a re, “Morena wa ka le Modimo wa ka!”
Lefelo ga le bohlokwa. Seo se lego bohlokwa ke se barutiwa ba se dirilego. Ba rapetše ka khutšo ka mehla, gammogo le basadi, Maria, mmago Jesu le bomorragwe, gore ba maatlafatšwe ke Moya wo Mookgethwa.
Go bohlokwa gore re latele mohlala wa bona le go rapela gore le rena re amogele mpho ya Modimo, go maatlafatšwa ke Moya wo Mokgethwa go ba dihlatse go Morena wa rena Jesu Kriste. Jesu o tsogile bahung gomme o tla boa lefaseng. Ga bjale, balatedi ba gagwe, nna le wena, ba na le mošomo wo ba swanetšego go o dira.
