Phela ka Lethabo … Lehono – Letšatši la 5

[BOKAMORAGO: Ge re kgetha go bea tshepo ya rena go Modimo ge re rapela, re ka itemogela mohlolo o re palelago ke go o bona. Mo ke bopaki go tšwa go babadi ba rena ba bararo bja maatla a Modimo.]

Mmadi wa 1, Johan: “Nakong e fetilego, ke be ke nametše sethuthuthu sa ka go etela mogwera kua Tshwane. Mo e ka bago dikilometara tše 3 go tšwa gae, mosadi yo a bego a otlela koloi e kgolo o hlokomologile go ema mokgotheng wa go ema gomme a nthula koloi e tsamaya ka lebelo le legolo. Ke ile ka idibala nakong ya ge a nthula.

Kua sepetlele, ke beilwe lefelong la balwetši bao ba nyakago tlhokomelo e kgolo. Leswafo la ka le tee le be le sa šome gomme ka bewa go motšhene ya go thuša go hema. Letšatši le le latelago, ngaka ya marapo le malokololo le ngaka ba lekile go bušetša leswa marapo a mmele wa ka ao a bego a robegile nakong ya opareišene, eupša ba botša batswadi ba ka gore ba letele tše mpe.

Re amogetše ditsebišo go tšwa go batho ba re ba tsebago le bao re sa ba tsebego gore ba a nthapelela. Diemeile di tsene e le tše ntši gomme maloko a Bakriste ba sehlopha sa dithuthuthu kua Tshwane ba tla go nketela le go rapela le nna. Le ge ke be ke sa bone se se bego se direga ka nako yeo, ga bjale ke a tseba gore Modimo o kwele dithapelo tša bona le go ntshwara ka gare ga seatla sa gagwe.

Matšatši a lesemonne morago ga kotsi, ke tšwile ka lefelong la balwetši bao ba nyakago tlhokomelo e kgolo. Dibeke tše pedi le seripa ka morago, ke be ke boetše mošomong. E bile mohlolo!

Nakong ya diketelo go ngaka ya marapo le malokololo le ngaka, bobedi ba nnetefaleditše gore phodišo ya ka e tšwa go Modimo. Ba be ba palela ke go e hlaloša. Gaešita lehono, mengwaga e mentši ka morago, ke sa hlompha maatla a Modimo. Pele ga kotsi, ke be ke aroga go Modimo, eupša a mpitša le go nthuša go bona bophelo ka tebogo e kgolo. Keletšo ya ka: se tlogele go rapela. Go na le maatla a mantši thapelong!”

Mmadi wa 2, André: “Mesong e mengwe ya Mokibelo, lepapagai la rena la Afrika le le Pududu le fofile la tloga gae. Ke befeletšwe le semeetseng mosadi wa ka le bana ka ge, nakong ya kgwedi, ke ba kgopetše go iša lepagagai gore le tlengwe maphego. Ke hweditše nonyana bjalo ka mpho go tšwa go morwedi wa ka mengwaga ye mene pejana gomme ke be ke le rata kudu.

Mokibelo ka moka, re nyaketše lepapagai gomme ra se le hwetše. Re founetše seyalemoyeng sa selegae gore ba re thuše go le hwetša, eupša ge le dikela, le be le sa boa gape. Bošegong bjoo, nna le mosadi wa ka re badile Bibele gomme ra rapela morago ga fao, eupša ke tsebile gore re bile le thapelo e tee ka dipelong tša rena: “Hle Modimo, buša lepapagai la rena gae gore re be le khutšo ka lapeng la rena gape.”

Matšatši a mararo morago ga fao, re amogetše mogala. Mosadi, yo a dulago mo e ka bago kilometara go rena, o re boditše gore o hweditše Lepapagai la rena le le Pududu. Le tlišitšwe go rena gomme re lebogile Modimo kudukudu. O kwele dithapelo tša rena gomme a re direla mohlolo.”

Mmadi wa 3, Cornelia: “Morwa wa ka yo mogolo o belegwe a palegile mega magalagapeng. Ge ngaka e mpotša, ke kwele bohloko kudu, ka ge ke sa tsebe gabotse gore seo se be se hlaloša eng! Ngwana wa ka o išitšwe sepetleleng se sengwe moo, lebaka le e ka bago kgwedi, ke dutšego mokgobeng wa sepetlele, ke rapela gore ngwana wa ka a nwe, ka ge a be a sa nyake. Ke be ke ekwa bohloko kudu go bona ngwana wa ka a le bjalo. Letšatši le lengwe, ke ikwele ke hloka thušo le go ba kgauswi le go felelwa ke kholofelo. Ke dutše mokgobeng wa sepetlele, ka tšea sephetho sa go nea Modimo boemo bja ka. Ke be ke se sa kgotlelela. Ka nako yeo, mooki a mpitša; ngwana wa ka a thoma go nwa go tšwa stadiamong! Matšatši a mararo ka morago, o lokolotšwe sepetlele gomme ra ya gae. Modimo o kwele dithapelo tša ka gomme lehono, mengwaga ka morago, ga ke emiše go mo leboga ka mohlolo woo.”

Johan, André le Cornelia ba nepile. Go na le maatla thapelong. Go Jakobose 5:16 re bala gore: “Thapelo ya moloki e na le maatla a magolo.” Se dikadike go ya go Modimo lehono. A ka dira gore tše di sa kgonegego di kgonege – gape le go wena. Modimo a go šegofatše.