Nako e bohlokwa – Letšatši la 3

O ka gopola ka fao nako e bego e nanya ge re be re sa le bana ba sekolo? Mafelo a beke a be a diega kudu go fihla, go sa bolelwe ka maikhutšo a dikolo, Krisemose, letšatši la matswalo le mekete. Re be re nyaka gore nako e kitime kudu ka ge re be re duma go gola.

Gomme re gotše lebelo la oketšega. Gateetee re na le nako e nnyane ya go dira dilo tše ntši tše di lego bohlokwa go rena.

Ge re gola ke mo re bago le šedi ya nako. Gateetee re lemogile gore ge re be re senya nako ya rena, gape re be re senya menyetla, dikholofelo tša rena le ditoro. Bjalo ka ge Victor Hugo, mongwadi wa go tuma wa Fora yo a ngwetšego Les Misérables, a boletše: “Bjalo ka ge bophelo e le bjo bo kopana, re bo dira gore e be bjo bo kopana kudu ka go senya nako bošaedi.”

Na re ka šomiša bjang nako gabotse? Morena wa rena Jesu o re botša gore re swanetše re tsepelele go dilo tše di lego bohlokwa: “Lena sa pele le šomele mmušo wa Modimo le tše Modimo a nyakago gore le di phethe, gomme tše dingwe tšeo ka moka o tla le okeletša ka tšona. Ka gona le se ke la tshwenyega ka tša ka moswane, ka gobane la ka moswane le na le a lona mathata. Letšatši le lengwe le le lengwe le na le mathata a a le lekanego” (Mateu 6:33-34).

Re hloka go beakanya dilo tše di tlago pela maphelong a rena le gore ke nako e kae ye re swanetšego go ba le yona go dilo tšeo. Gomme re swanetše re ikgale go ka latela tšhupamabaka ya reka ka thulaganyo ya kelohloko.

Modimo o re fa ditalente tša go fapanafapana, eupša ka moka re amogetše mpho ya go swana – mpho ya nako.

Jesu o be a lemoga ka fao re swanetšego re šomiše nako ya rena: “Gape ge e sa le mosegare re swanetše go dira mediro ya yo a nthomilego. Bošego bo etla bjo go bjona motho a ka se kgonego go šoma” (Johanese 9:4).

Re swanetše go diriša mpho ya rena ye re filwego ke Modimo go mo tumiša. Modimo a re fe kgaugelo ya go dira seo.