Nako e bohlokwa – Letšatši la 2

Nako ya setu letšatši le letšatši, o nyaka Morena lentšung la gagwe le go batamela kgauswi le yena ka thapelo ke nako e botse ya go ba le nnete le wena.

Nako e a feta. Lehono ke wena o mogolo kudu, gape o yo monnyane kudu. Seo ke kgonthe ya go phela nako ya bjale go e na le go nagana ka tša nako ya go feta goba go nagana ka tše di tlago hlaga. Go sa šetšwe gore re tlo phela nako e kae, re a tseba gore re ka se phele go ya go ile.

Temana ya rena ya letšatši e mabapi le ka fao re swanetšego go phela maphelo a rena.

Re karolo ya tlholo ye e welego eupša ditaba tše botse ke gore re batee le Kriste gomme ka kopanelo le Moya wo Mokgethwa, re ka ba le monagano wo o swango le maitshwaro bjalo ka Morena wa rena Jesu. O na le tlhago ya Modimo eupša ka go ithaopa a ba motho. O be a ikokobeditše le go obamela thato ya Modimo le go mo hlankela go fihlela a hlokafala. Bibele e re mema go dira ka mo go swango.

Re swanetše go ikokobetša le go ineela go thato ya Modimo. Re swanetše go mo tumiša ka go thuša ka lerato ba ba hlokago, bjalo ka ge a dirile. Re swanetše go dumelela lerato la Modimo ka gare go rena go itlhagiša.

Go ka se be bonolo gomme go ka tura. Bakriste ba a tlaišega ka lebaka la ditumelo tša bona; Bakriste ba bantši ba hwela tumelo ngwaga ka ngwaga, ba ananya sefapano ka mphapahlogo, bjalo ka ge Mophološi a dirile.

Ba bantši (mohlomongwe o ka ba palong yeo) ba kwerwa ka ditumelo tša bona.

Ga gona nako e kaone go feta bjale go bula pelo ya gago go Moya wo Mokgethwa. Ake a go tšee a go bope go ba seswantšho sa Kriste. O tla go matlafatša go phela bophelo bjo bo swanago le bja Kriste gomme mphapahlogo e tla ba moputso wa gago ka go sa felego.