Nako e bohlokwa – Letšatši la 19

Morena wa rena Jesu Kriste o be a rera ka Thuto Thabeng go balatedi ba gagwe, ge a tsebatša gore: “Lena le seetša sa lefase.” Mathomong a boruti bja gagwe, Jesu o boletše gore: “Ge ke sa le mo lefaseng, ke nna seetša sa ba ba lego lefaseng” (Johanese 9:5).

Jesu o be a sa ikganetše ka se a se boletšego pele. Yena, yo a tlišitšego seetša sa ebangedi lefaseng, o be a botša balatedi ba gagwe gore bjale ba swanetše go iša ebangedi go bao ba sa phelago leswiswing.

Thuto Thabeng e tlama Bakriste ka moka. Ga bjale Jesu o re go nna le wena: “Le seetša sa lefase.”

Ke theto e botse go tšwa go Mophološi ka boyena gomme e ra gore ke nako ya gore re šome e sa le bjale. Ga re a swanela go ba Bakriste ba ba utago tumelo ya bona “ka tlase ga sebjana”. Re dietša tše di bonegetšago lerato la Kriste go bohle.

Ka boripana, rena ba re mo latelago re swanetše go phela maphelo ao batho ba bangwe ba a hlomphago le go nyaka go a ekiša. E se ka gobane re le ba re lego bona, eupša ka se re nago le sona bjalo ka balatedi ba Morena Jesu Kriste.

Go bohlokwa go ka ikemišetša go bolela ka bopaki bja rena bja Bokriste ge go swanela, eupša ditiro di bolela kudu go feta mantšu. Go phela tumelo ya rena ya Bokriste go tla ba le tutuetšo e kgolo kudu.

Morena o re botša go tliša seetša lefaseng. Na o tla ba morwadi wa seetša sa gagwe?