Nako e bohlokwa – Letšatši la 15

Go Diema 6:16-19, godimo ga lenaneo la dilo tše Modimo a di hloilego, go sa makatše, ke “boikgogomošo” goba ge go hlalošwa ka tsela e nngwe, “boikgodišo”.

Batho ba na le molato wa Boikgodišo ge ba ikgantšha ka mabokgoni gomme ba bontšha Modimo tlhompho e nnyane le go se hlomphe batho ba bangwe. Lefase la bona le mabapi le boithati bja bona. Boikgodišo ke sebe se se ahlolelwago leboelela ka Bibeleng ka moka.

Go epistola ya gagwa ya pele Petrose o ngwetše gore: “Le lena bafsa, le ikokobetše go bagolo; gomme bohle le apare boikokobetšo, gore le direlaneng; gobane Mangwalo a Makgethwa a re: ‘Modimo o gana baikgogomoši, eupša baikokobetši ba a mo kgahla.’ Ka gona le ikokobetše go Modimo yo maatla, gore a tle a le phagamiše ka nako ye e lebanego” (1 Petrose 5:5-6).

Petrose o be a bolela ka maitemogelo a gagwe. O be a tseba gore “boikgodišo bo iša motho tahlegong; boikgodišo bo feleletša ka go wiša motho” (Diema 16:18). Ge Jesu a le kgauswi le go swarwa, Petrose o ile a ikgogomoša: “Le ge bohle ba ka go tlogela, nna nka se tsoge ke go tlogetše!” (Mateu 26:23).

Morago o ile a latola gore o tseba Jesu makga a mararo ka go rogana le go ikana (Mateu 26:73).

Go bonolo go ahlola Petrose ka ditiro tša gagwe, ka nako yeo, goba ka morago ga fao. Petrose, lega go le bjalo, o ile a itshola kudukudu ka gore ga a tsebe Morena wa rena gomme a lla gabohloko ka se a se dirilego.

Bibele e re botša gore ge Petrose a kgonthišetša Jesu yo a tsogilego bahung ka lerato la gagwe, Modiša wa go Loka a araba, a re Petrose a diše dinku tša gagwe (Johanese 21:15-17).

Boikgodišo bo feleletša bo wiša motho eupša bao ka nnete ba itsholago kudu ka ditiro tša bona, ga go na kahlolo … ke fela lerato le go phagamišwa.