Nako e bohlokwa – Letšatši la 16

Pesalome 90:10 ke thapelo ya Moshe. O be a tseba gore re na le nako e nnyane lefaseng le ka fao e felago ka pela. Moshe o rapetše thapelo ye mengwageng ya morago ya Bajuda ge ba phapharega leganateng, ka ge moloko wa kgale wo o tlogilego Egepeta le yena o be o hlokafala (Numeri 14:21-23).

Ka moka re ka dumelelana le Moshe. Bophelo lefaseng ke bjo bo kopana gomme ge bo bapetšwa le go sa felego – ke bjo bo kopana kudukudu. Moshe o rumile thapelo ya gagwe ka mantšu a mabotse: “Morena, Modimo wa rena, re lebelele ka botho; re atle go tše re di dirago; hle, go tše re di dirago re atle!”

Ga go o tee wa rena yo a tsebago gore o tlo phela nako e kae. Seo se diatleng tša Modimo yo e lego wa go sa felego. Se re swanetšego go se dira ke go netefatša gore re šomiša nako ye Modimo a re filego yona go mo tumiša.

Ge re dikadika go dira se re swanetšego go mo direla sona, re ka no felelwa ke nako ya go ba badiredi ba ba botegago. Go bonolo gore maphelo a rena a tlale mo re palelago ke go ba le nako ya dilo tše dingwe.

Aristotle Onassis (1906-1975), radibilione wa khuetšo wa go sepetša dithoto ka dikepe, o be a na le fomula ya go ba le nako e oketšegilego: “O se robale kudu ka gobane o tla tsoga o le mopaledi. Ge o ka fokotša go robala ka diiri tše tharo ngwaga ka moka, o tla ba le kgwedi e nngwe le seripa gore o atlege.”

Go latela fomula ya Onassis ka nnete go tla dira gore re be le diiri tše ntši re sa robala eupša e tla ba sephetho sa rena ge e ba re šomiša diiri tšeo gabotse go hlankela Modimo.

Nako ye e sentšwego e lahlegelwa sa ruri. O ka se hwetšwe gape.

“Bophelo bo fela ka pela, ya ba gona ge re ile,” gwa rapele Moshe. Ga re a swanela go lebala gore re a tseba gore re ya kae le go re re ikarabela go mang.

Gopola: Letšatši le lengwe kgauswinyana, re ikarabela go Mophološi wa rena ka tšhomišo ya nako ye a re filego yona.