Nako e bohlokwa – Letšatši la 14

Letšatši la Ditokelo tša Botho ka Afrika Borwa ke nako ya maleba ya go ka naganišiša ka tlhophego ya bana ka nageng ya rena le lefaseng ka bophara.

Re phela lefaseng le le nago le sebe le le nago le bana ba bantši ba ba hlophegago go feta mengwagakgolo. Ngwana Jesu ka boyena o phološitšwe go lehu le sehlogo ka gobane Josefa, a lemošitšwe pele ke morongwa, o tšere Maria le ngwana gomme ba tšhabela Kgoši Heroda go ya Egepeta.

Tlhorišo le go bolawa ga bana go tšwela pele. Re bala ka go bolawa ga bana dintweng tša bana ba thari, mašole a bana, digweba-ka-mmele tša bana le go gweba ka bana. Lenaneo la dilo tše mpe tše di dirwago bana ke le letelele kudukudu.

Ka Afrika Borwa, profenseng e tee fela, direkhoto tša maphodisa go tšwa go mengwaga e mmalwa di utolotše gore diphesente tše 40 tša batšwasehlabelo ba go katwa ba be ba le ka tlase ga mengwaga ye 17.

Setšhabeng seo se eteletšwego pele ke banna, basadi ba obamela banna gomme bana ba boemong bja tlase. Tumelo ya gore bana ba swanetše go bonwa gomme ba sa theeletšwe, e na le mengwagakgolo e le gona gomme e sa le gona. Maitshwaro go bana a swanetše go fetoga.

Tiragalo ya go thabiša ka Bibeleng e utolla lerato le legolo la Mophološi wa rena go bana.

Batho ba bangwe ba tliša bana gomme ba mo kgopela gore a ba šegofatše le go ba rapelela. Barutiwa ba ba kgalema, mohlomongwe ka gobane ba be ba tshwenyegile ka mošomo o boima wa Jesu.

Jesu, lega go le bjalo, a ba kgala – “Lesang bana bao ba tle go nna, le se ke la ba thibela, gobane mmušo wa Modimo ke wa ba babjalo.”

Batho ba bagolo ba na le boikarabelo go pheleng gabotse ga bana, kudukudu bao re dulago le bona. Ke monyetla o mogolo eupša boikarabelo bjo bogolo.

Re ka thoma ka go ba rapediša letšatši le letšatši le go kgopela Tatewešo wa Magodimong go ba šegofatša le go ba šireletša gore ba se kwešwe bohloko. Rapela ka tsebo ya gore lerato la Modimo ga le na magomo gomme ke la go sa felego.