Nako e bohlokwa – Letšatši la 10

Seswantšhong sa mong wa ntlo yo a boago a sa letelwa, Jesu o be a laela barutiwa ba gagwe gore boitshwaro bja bona bo swanetše bo be bjang nakong e tlago. Tiragalo e kgolo yeo letšatši le lengwe e tlago direga, e tla ba go boa ga Morwa Motho ka letšatši le le sa letelwago le go se tsebje.

O swantšhitše tiragalo yeo le mong wa ntlo yo a yago monyanyeng wa lenyalo gomme a tlogela bahlanka ba gagwe gore ba mo letele gore a boe. Ba be ba sa tsebe gore o tla boa nako mang goba ge e ba o tla hloka dijo morago ga leeto la gagwe.

Ka ge e be e le bahlanka ba go botega, ga se ba ka ba ya go robala. Go e na le moo, ba ntšhitše ka ga tšhwene gomme ba thoma go šoma, gore go sa šetšwe gore o fihla nako mang, ba tla ba ba ikemišeditše go mo amogela.

Jesu o rile mong o bjalo o tla thabišwa ke boitshwaro bja bahlanka ba gagwe gomme o tla ba botša gore ba dule tafoleng gomme e tla ba yena a ba hlankelago.

Seswantšho se se šoma bjang go rena?

Re a tseba gore Jesu, Mong wa rena, o a tla gape: “Ge ke ile go le lokišetša madulo, ke tla boa ka tla ka le tšea gore le lena le yo ba mo ke lego gona” (Johanese 14:3).

Re swanetše re ikemišetše yena ka dinako ka moka ka gobane o tlo boa ge re sa mo letela. Seo se ra gore re swanetše re phele bophelo bja rena ka tetelo ya letšatši leo le legolo le lebotse gore ge Mong wa rena a boa, o tla hwetša re mo hlankela le go hlohleletšwa ke tumelo ya rena go yena.