Nako e bohlokwa – Letšatši la 9
Go boa la bobedi ga Morena wa rena
(Di)temana ya Bibele
MATEU 24
Ga go yo a tsebago letšatši le nako
Mo mengwageng batho ba rile ba tseba letšatši la go boa la bobedi ga Morena wa rena Jesu Kriste – ba bangwe ka kgodišego ya potego, ba bangwe ka maikemišetšo ao a belaetšago.
Jesu ka nnete o tlo boa gape. Go tla ga gagwe la bobedi ke tabataba e bohlokwa kudu ka Bibeleng gomme Morena wa rena Jesu Kriste ka boyena o pakile gore o tla boa le bakgethwa ba gagwe go tlo buša. Modimo, ka Lentšu la gagwe, o re nea dikgonthišetšo tše ntši mabapi le go boa ga Kriste ka ntle le go re botša gore seo se tlo direga neng.
Letšatši leo leo utilwe ditayong tša Modimo.
Jesu o bone pele gore go ka se hloke batho ba ba forago batho ba ba forwago gabonolo ka dipolelo tša bona. Motho mang le mang, go sa šetšwe gore ke bomang, yo a rego o tseba letšatši le ngwaga wa go boa la bobedi ga Morena wa rena Jesu Kriste ke moprofeta wa maaka. Re ka bolela seo maatleng a Morena wa rena Jesu Kriste ka boyena.
Lebaka le tee la gore ke ka lebaka la eng Bakriste ba bangwe ba tshwenyega ka mo go feteletšego go tseba letšatši la go boa la bobedi ke ka lebaka la go fela pelo ga bona. O dula bjang o phafogile gape o letetše ge morago ga mengwaga ye dikete tše pedi, a se be a boa?
Karabo e ka gare ga bokgoni bja rena go fapanya magareng ga bogona bja Morena wa rena Jesu Kriste le go boa ga gagwe la bobedi. Go tloga ka nako ye re mmulelago dipelo tša rena, o ba le rena. Bophelong bja rena ka moka re tla itemogela bogona bja gagwe ditumišong tša rena, lentšung la gagwe tlhokomelong ya gagwe ya letšatši le letšatši go rena la ka ditsela tše dingwe gape tše ntši.
Ga re hloke go tseba letšatši la go boa la bobedi. Ka nako ye e beilwego ke Modimo o tla tla ka letago la gagwe ka moka. Seo se tla be se lekane go re kgodiša go phela maphelo a a boifago Modimo ka tetelo ya letšatši leo le lebotse.
