Na o a leboga? – Letšatši la 4

Ke leboga ka tetelo. Re šomiša mantšu a mafelelong a mangwalo a semmušo goba emeile morago ga go dira kgopelo ka kholofelo ya gore moamogedi o tla phethagatša kgopelo. Gape re a leboga pele re ka tseba poelo.

Go Bafilipi 4:6-7, Paulose o re re swanetše go dira ka mo go swanago bophelong bja rena bja sedumedi: “Le se balabale ka selo; sengwe le sengwe se le se nyakago le se kgopele go Modimo ka moya wa thapelo le tebogo. Ke mo Modimo a tlago le phefiša go ja pelo le go tshwenyega le le ba Kriste Jesu, mo e lego gore ga go motho yo a kago kwešiša.”

Go 2 Dikronika 20, Kgoši Joshafate o dirišitše molawana wo nakong e boima ya histori. Madira a mararo ba Moaba, ba Amone le ba Edomo ba kopana go hlasela Juda. Kgoši Joshafate a lemoga gore ba tla fediša setšhaba sa gagwe ka moka, gomme a thoma go boifa. A bea letšatši la go ikona dijo le thapelo nageng ka moka ba eme pele ga Modimo. Go 2 Dikronika 20:12 o a rapela: “Modimo wa rena, nke o ba otle, ka gobane rena ga re na maatla pele ga madira a mantši a a re hlaselago a. Ga re tsebe se re kago se dira, eupša re lebeletše wena gore o re thuše.”

Gomme Moya wa Morena wa bolela ka o tee wa banna kopanong yeo: “Wena kgoši le lena batho ka moka ba Juda le ba Jerusalema, ntheetšeng! Morena o re le se ke la boifa goba la nolega moko ka lebaka la madira a mantši a, ka gobane ntwa ye e laolwa ke Modimo, e sego lena … Ntwa ye le ka se e lwe. Lena le no ema maemong a lena le letele; le tla bona manaba a lena Morena a le fenyeditše ona … gomme Morena o tla ba le lena!” Joshafate le batho ba obama pele ga Modimo, ba leboga e sa le pele.

Mosong wa go latela, Joshafate le madira a gagwe ba ya lefelong la ntwa. E se ka madira a maatla a le ka pele, eupša ka baopedi ba opela le go tumiša, ba opelela Modimo: “Retang Morena! Lerato la gagwe ke la neng le neng.” Nako ye nngwe ya go leboga e sa le pele ka se Modimo a kago se dira.

Dipoelo? Ge madira a Juda a fihla lefelong la ntwa, ba hweditše fela ditopo di rapaletše fase. Modimo o lokišitše ditlhaselo tše di bego di sa letelwa gomme ga go o tee wa madira a lenaba yo a phologilego.

Ke eng kgopelo ya thapelo ya gago ga bjale. Na o hlologela katlego ya ditšhelete, mošomo, molekani, phodišo go bolwetši goba e ka ba go na le senatla se se nyakago go go fediša? Na o tlišitše kgopelo ya gago ka thapelo le boikokobetšo, o le gare o leboga Modimo e sa le pele ka se a kago se dira? A re yeng ntweng ka tsebo ya gore ntwa ga se ya rena, eupša ke ya Modimo. Wena ema maemong gomme o mo dumelele a lwe legatong la gago. Modimo a go šegofatše.