Modimo ke Mang? – Letšatši la 12

Bophelo bo ka bonwa bjalo ka leeto le motho a le tšeago ka palo ya matšatši ao a a filwego lefaseng. Ke leeto le le kgahlišago ka gobane o filwe tokologo ya go kgetha gomme o ka ipshina ka go tšea dipheto ge o phela, tša gore o ka ya kae le gore o ka fihla fao bjang, eupša e ka ba gape leeto le le lešago bodutu ka dinako tše dingwe le go tlala ka ditlhohlo.

Bjale re a tseba gore le ge re thoma leeto le bonolo, le ka atlega ge fela re kgetha tsela ya maleba gomme re sa timele leetong! Nagana ka fao lapa le le swerwego ke tlala le kago ikwa ka gona ge mme wa lapa a sepetše go yo reka dijo tša mantšiboa gomme a timela ka toropong, gomme a bowa e le bošego a sa swara selo. Goba go tla direga eng ge o be o na le kopano ya tšhoganetšo ya kgwebo kua London ye o bego o swanetše go ya go yona gomme sefofane sa go fološa China?

Ke a tseba gore bontši bja lena bo tla nagana ka fao ditiragalo tše tša ka godimo di tla bago ka gona, eupša o a lemoga gore ke ka lebaka la eng mohlomongwe di ka se direge? Ka gobane o tla letela gore batho ba maikarabelo gape bao ba nago le didirišwa go ka kgatha tema gomme ka ntle le seo, go na le ditekanyetšo tseleng. Go na le dilo tše di go thušago leetong la gago bjalo ka maswao a tsela le mebapa, le batho bao ba ka go hlahlago, bjalo ka maphodisa le balaodi ba sephetephete moyeng. Ge e le gabotse, re na le go tšeela fase tšeo re fiwago tšona.

Bjale ge re hloka tlhahlo gomme re ka tshepha infrastraktšha ya ditoropo tša rena le ditoropokgolo go ka di aba, ka nnete re hloka tlhahlo ya go swana ya semoya. Go Mateu 7:13 re a lemošwa gore: “Le tsene ka kgoro ye e pitlaganego, ka gobane kgoro ye e išago tahlegong e ahlame, le tsela ye e yago go yona ke ye kgolo, gomme ba ba sepelago ka yona ke ba bantši.” Batho ba hwetša kae tlhahlo go ka tseba fao kgoro ye e pitlaganego e lego gona le gore ba ka e tsena bjang? Ga se teko go ka hlokomologa karolo ye ya bophelo ka gobane e re dira gore re nagane gomme ekaba semoyeng ke selo se se tšeago nako go se hlagolela? Modimo O aba Lentšu la Gagwe le baruti ba bantši go re thuša.

Gape, re hloka go ipotšiša gore: “Re kwa lentšu la mang ge re fapogela go la go ja goba la nngele gomme re tlogela tsela ya maleba?” Ke mang yo a re hlokomelago kudu gore ge re ka theeletša gabotse lentšu la tlasana re tla kwa: “Tsela ke ye; sepela go yona”?