Modimo ke Mang? – Letšatši la 10
Modiri wa Mehlolo
(Di)temana ya Bibele
1 SAMUELE 2
Thapelo ya Hanna
Lethabo ke boikwelo bjo bogolo bjo bo bago gona go motho gomme le ba gona ka lebaka la lethabo le legolo le tlhalalo ge selo se sebotse se direga bophelong. Ke boikwelo bjo bogolo moo motho a kago lla ge e le selo se bohlokwa kudu go yena, bjalo ka mohlomongwe, lenyalo la ngwana wa gagwe, goba ditaba tša gore o fodišitšwe kankere, goba morago ga go leta mengwaga e mentši mafelelong o na le ntlo.
Go Nehemia 8:10, Nehemia o botša Baisraele bao ba thopilwego gore ba se hloname ka gobane “go thabela Morena go tla le šireletša”, seo se bontšhago gore lethabo la Morena le tla go phediša dinakong tše boima.
Lethabo le legolo le le dirile gore Hanna a tumiše Modimo kudu bjalo ka ge re bona thapelong ya gagwe go 1 Samuele 2:1-2. Lethabo la gagwe ke la phenyo ka gobane Modimo o kwele dillo tša gagwe tša boopa bja gagwe gomme O mo file morwa; eupša ye ga se thapelo ya gagwe ge a ekwa la pele gore o imile, ka ge re nagana gore o tla thaba kudu. O rapela ge a tlišitše morwa wa gagwe o monyenyane, Samuele, go Modimo go phethagatša keno ya gagwe ka Eli moprista.
Lethabo la gagwe le tliša ke gore Modimo o mmone tlalelong ya gagwe, o kwele thapelo ya gagwe gomme a mo šegofatša, gomme ga bjale o thabile kudu go ba boemong bja boikgantšho bja go phethagatša kholofetšo ya gagwe go Modimo. Mogaditšong wa gagwe, Penina, a ka se sa mo kwera ka boopa bja gagwe, eupša ke lethabo la gagwe Moreng leo le tšwago go yena gape le gape gomme o mo tumiša ka pelo ya gagwe ka moka.
Ge o lemoga gore go na le Motho yo maatla yo a kgonago go dira dilo ka moka, le gaešita di bonala di sa kgonego maemong a gago, le gore O go hlokomela kudu go ka go abela ka dithapelo tša gago, ekaba seo se ka se dire gore pelo ya gago e tlale ka ditumišo tša lethabo?
