Modimo bjalo ka mothopo wa kholofelo – Letšatši la 14

Ga go se se oketšago kgateletšego ya rena kudu go e na le go lemoga gore ga re hlomphiwe gomme ka mehla re a nyatšwa.

Batho ba ikarabela ka mo go fapanego ka tlase ga kgatelelo e bjalo. Ba bangwe ba ipušeletša ka bogale bjalo ka noga e e befetšego, gantši ba ipakela mathata. Ba bangwe, ka go boifa kgonagalo ya ditlamorago, ba itumelela go ka gatelelwa. Go sa šetšwe boikarabelo bja bona bja pele, batšwasehlabelo ba tlaišo e bjalo ba ka ba le mabadi le bohloko bja maikwelo bja boitemogelo bja bona ka bophelo bja bona.

Go padi ka Arthur Conan Doyle, A Study in Scarlet, Sherlock Holmes o re: “Ke nagana gore bjoko bja motho mathomong, bo bjalo ka bobolokelo. O swanetše go bo tlatša ka finetšhara ye o e kgethago.” Thutamahlale ya tša kalafo e ka no se dumele, eupša papišo ke ya maleba.

Se re se naganago se huetša ditiro tša rena. Ka gona re swanetše ka mehla go fetleka boitshwaro bja rena le go ntšha dikgopolo tše mpe mogopolong wa rena tše di re thibelago bjalo ka Bakriste.

Re hloka go theeletša se Paulose a se bolelago lengwalong la gagwe go Bakolose: “Ke lena ba ba kgethilwego ke Modimo, ba le lego ba bakgethwa ba a le ratago. Ka gona, le apare kwelobohloko le botho le boikokobetšo le boleta le bopelotelele. Le se felelaneng pelo, gomme ge le fošetšane le swarelaneng. Le swarelaneng go etša ge Morena le yena a le swaretše. Godimo ga tšeo ka moka le be le lerato, lona le le tlemaganyago ka mo go phethilego” (Bakolose 3:12-14).

Johanese o ngwala ka nako ya kgateletšego bophelong bja Jesu. O lebeletšane le lehu. Judase o kgauswi le go mo eka. O letetše ke kgobošo le tlhophego sefapanong. Jesu o reng go barutiwa ba gagwe? “Le se ferekane; le dumele go Modimo, le nna le dumele go nna” (Johanese 14:1).

Ke ge fela molaetša wa Kriste go feleleng ga wona o phela dipelong le megopolong ya rena, mo maemo a kgateletšego a tlago okobala gomme re tla ba le khutšo ya nnete le kgotsofalo.