Modimo bjalo ka mothopo wa kholofelo – Letšatši la 13

Le ge sebe se re arogantše le Modimo, O sa re rata. Kudukudu, ka gore Modimo o re nea tebalelo ka tumelo go Morwa wa gagwe yo a hwetšego dibe tša rena.

Bibele e bolela gabotse gore ka moka re badiradibe: “Ka moka re be re swana le dinku tše di timelago, mongwe le mongwe a eya mo a ratago gona. Eupša Morena a mo rweša makgopo a rena bohle” (Jesaya 53:6).

Kutollo ya ebangedi ke gore Modimo o tloga a nyaka go lebalela dibe gomme tebalelo ya gagwe ke e e feletšego, ya mahala le ya go sa felego. Ga go šetšwe gore o dirile eng. Morena o re: “Bjale etlang re sekišaneng molato wa lena. Le ge le hwibitše perr ka dibe tša lena, le tla šweufala twaa! Le ge le re hwibii, le tla šweufala pšoo!” (Jesaya 1:18).

Lega go le bjalo, Ramaatlaohle, Modimo wa maatla ka moka ga a lebalele badiradibe ba ba sa fetogego. Go fetoga go ra gore go itshola ka dibe tša gago mo o tlogelago go dira dibe le go bulela pelo ya gago go Moya wo Mokgethwa. Go gana Moya wo Mokgethwa ke sebe se se sa lebalelwego.

Banna ba babedi ba ya tempeleng go rapela. Mofarisei wa go ikgogomoša a ikgogomoša ka se a se dirilego. Molekgetho a rapela ka boikokobetšo: “ ‘Hle, Modimo, nkgaugele, nna, modiradibe!’ Ke a le botša, yena o boetše gae a boelane le Modimo, e sego Mofarisei yola” (Lukase 18:9-14).

“O re lebalele melato ya rena bjalo ka ge le rena re lebalela ba ba nago le melato go rena” (Mateu 6:12). Ge a re ruta go rapela, melao ya Morena e kwagala gabotse. Modimo a ka se re lebalele ge re sa lebalele bao ba re fošeditšego. Re swanetše go dira bjalo re direla rena.

Go hloya bao ba go fošeditšego go a kwešišega, eupša o swanetše go e fetiša, o ba lebalele, gomme o gatele pele – go seng bjalo o tla ba motšwasehlabelo.