Modimo bjalo ka mothopo wa kholofelo – Letšatši la 11

Kgarebe ye e sa tšogo nyalwa e hweditšwe e na le kankere ye e sa alafegego gomme e be e tla hlokafala nakong ya dikgwedi tše mmalwa. A retologela go mogwera wa gagwe wa moruti gomme a botšiša: “Ke Mokriste, ke ka lebaka la eng se se direga go nna?”

Ga go selo se se bakago gore re botšiše ka tumelo ya rena kudu go e na le tlhophego ye e sa re swanelago gomme go boima go ka e kwešiša. Ge e le gabotse, re ka se arabe potšišo ka mo go kgotsofatšago.

Go hlophega ka lebaka la ditlamorago tše di bakilego ke phošo ya motho o mongwe, go bonolo go ka di amogela go e na le go ba ka gare ga tlhophego ye o ka se e laolege.

Morena wa rena Jesu Kriste ke mohlala wa maleba wa tlhophego e e sa swanelago. Bakriste ba bantši lehono ba kgotlelela tlhophego le tlaišo ka lebaka la gagwe. Petrose o na le lentšu la go ikgetha la tlhohleletšo go bona: “Barategi, le se ke la makatšwa ke moleko wo bohloko woo le hlokofatšwago ka wona boka ge le hlagetšwe ke se le sego la se tlwaela. Le ka upše le thabele ge le hlokofatšwa le Kriste, gore le tle le hlabe mekgolokwane mohla letago la gagwe le utollwa” (1 Petrose 4:12-13).

Tlhophego ye e sa swanelago e na le sebaki sa modu wa yona Serapeng sa Edene ge Adamo le Efa ba ineela go teko ye e tlišitšego sebe, tlhophego le lehu di e ba karolo ya go phela ga motho. Ga go selo goba motho yo a sa akaretšwego go se. Dilo tše mpe di direga go badumedi le bao ba sa dumelogo ka go swana.

Eupša bjalo ka badumedi, bajalefa-mmogo ba Morwa, re na le kholofelo go lerato la Modimo go rena: “Nna ke bona gore tše re tlaišwago ka tšona mehleng yeno di ka se bapetšwe le letago le Modimo a tlago re utollela lona. Tlholo ka moka e fišegela go tlo utollelwa ba e lego bana ba Modimo. Gobane Modimo o beakantše gore tlholo yohle e se be ye e dulelago sa ruri. Ga se tlholo ye e ratilego gore go be bjalo, eupša ke Modimo yo a beakantšego ka mokgwa woo. Fela yena o e holofeditše gore tšatši le lengwe e tla lokollwa dinaleng tša lehu, ya abelwa tokologo ya letago la bana ba Modimo” (Baroma 8:18-21).

Ka tlhophego re ka batametšwa kgauswi le Modimo gomme go bao letšatši le lengwe ba yago go ba karolo ya letago la gagwe, ga gona lefelo le le kaone go e na le le.