Mo tumiše – Letšatši la 4

Dafida o nagana ka tsela ya bohlale le go tšwa go pono ye e fapanego ge a bolela le Modimo le go mpotšiša dipotšišo tše pedi go Pesalome 139:7. Ga a nyake dikarabo; o šetše a tseba dikarabo: Go ikhuta, go tšhaba goba go tšhabela bogona bja Modimo ga se kgetho. O tseba dilo ka moka gape o gona mo gohle!

Tsebo ye e tliša polokego go Dafida, gobane o a tseba gore: ga go se se kago mo hlagela, ga go moo a kago ya, se tlago direga ka ntle ga tsebo le bogona bja Modimo. Dafida o kgahlwa kudu ke tsebo ya Modimo ya dilo tše nnyane tša bophelo bja motho, gaešita pele di direga. O tseba ge re dula, re emelela, ge re etšwa le ge re robala, kgopolo ye nngwe le ye nngwe le gaešita mantšu a rena a re sa a bolelego. Ee, o a re bona, o re tseba gabotse. Le pele re belegwa, letšatši le letšatši la maphelo a rena le be le šetše le ngwetšwe ka pukung ya gagwe (Pesalome 139:1-4,16). O be a le gona, o gona gomme o tla ba gona ka mehla!

Eupša go feta mo, o a re šireletša, o re dikologa go tšwa ka mathoko ka moka – bohlabatšatši, bodikelatšatši, legodimong goba diheleng. O re swara ka letsogo la gagwe gomme a re hlahla ka Moya wa gagwe. Gaešita le leswiswi le a tšhaba ge a batamela ka gobane ke Seetša (Pesalome 139:8-12). Maiteko afe goba afe ka batho go uta dibe tša bona goba go khuta ke lefeela. O gona mo gohle – ditseleng tša rena tša go lelera le leswiswing la rena gomme mafelelong tšohle di tla utollwa Seetšeng!

O re dirile gomme o tseba gabotse ka mo re naganago ka gona, gore ke ka lebaka la eng re dira ka tsela ye e itšego gomme gantši re sa nyake go obamela pušo ya gagwe. Seo ga se dire gore a se be karolo ya maphelo a rena, ka gobane kwelobohloko ya gagwe, ye e hlohleletšwago ke lerato, e mo thibela gore a re furalele. Bjalo ka ge mongwadi wa Mmoledi a hlaloša gabotse ditiro tša rena go Ramaatlaohle, Modimo o tlo se re tsebe gabotse bjang? “Tšohle tše di lego gona di šetše di theilwe maina, le gona go a tsebja gore motho ke motho, mme a ka se sekišane le yo a mo fetago ka maatla” (Mmoledi 6:10).

O gona … gape le ka gare ga go ipona ga rena go ba ba bagolo gomme o nyaka go re fetoša!