Mo tumiše – Letšatši la 21

Motho o na le bokgoni bja go hlama ge a nagana ka ditsela tša go hlompha batho gomme go na le ditshenyagalelo tša go dira bjalo. Dipolelo, maemo, diplinti tše di tlokilwego maina a baamogedi ba ba swanelwago, maina a mekgotha ye e bitšwago ka maina a batho ba go tuma le gaešita Nobel Prize, ke tše dingwe tša ditsela tša go fapanafapana tša ka fao motho a kago hlompšhwa.

Lega go le bjalo re katana le go hlompha mofihleledi yo a se nago thaka, modirakhutšo le monei – Modimo a le noši – ka mokgwa o bonolo wa ekononi bjalo ka ge o boletšwe Lentšung. Diema 3:9-10 e ruta gore: “O hlomphe Morena ka go mo fa kabelo ya tše o nago natšo, le ya tšohle tše kaonekaone tše o di bunago tšhemong ya gago.”

Kaine le Abele ba tlišitše meneelo go Modimo. Go bolelwa ka dikarolo tša lesome morago ga phenyo ya Abramo ya go lokolla Loto. Morago ga phenyo, Melkitsedeke, kgoši ya Saleme le moprista wa Modimo, o kopane le Abramo, a mo šegofatša le go mo nea senkgwa le beine. A tseba gabotse gore o bolela le motho yo mogolo go feta yena, Abramo a hlompha kgoši ka go mo fa karolo ya lesome ya dithoto ka moka tše a di hweditšego ka phenyo ya gagwe (Genese 14:18-20). Ga a nea ka gobane go be go na le molao wo o rego a dire bjalo, eupša ka go hlompha kgoši ya Saleme yo e bego “e le moprista wa Modimo Yogodimodimo” (Genese 14:18).

Tumelo ya Abrahama go le go hlompheng Modimo gape ke tutuetšo ya go dumela go dira sehlabelo ka ngwana wa gagwe yo a holofeditšwego go Modimo (Genese 22). Mohlologadi wa modiidi o neela ka tšohle tše a nago le tšona go hlompha Modimo (Lukase 21:1-4) gomme molekgetho wa mohumi o fetoga kudu ka go kopana le Jesu, gomme ka go leboga o neela le go lefa se a se tšerego ka boradia (Lukase 19:1-10).

Nna le wena re swanetše go hlompha Modimo ka yo a lego yena. Ke Modimo wa seetša, Modimo wa lerato. Monei wa dineo tše botse le moabedi wa rena. Tumišo ya rena e swanetše e be ditlamorago tša tebogo ya rena ya gore o gona ka gare ga maphelo a rena. Ge re sa tsebe gore re ka dira bjang seo, Doiteronomio 26:10-11 e re hlalošetša seo. Sa pele, “Bjale šemo, ke tliša go Morena dithakangwaga tše dingwe tša puno ye a mphilego yona”; sa bobedi, “bee seroto fase pele ga Morena”; gomme sa boraro, “mme a mo obamele fao.” Boitshwaro bjo re swanetšego go dira seo, bo a hlalošwa: “A thabele dilo tše botse tše Morena Modimo wa gagwe a filego yena le lapa la gagwe.”