Mo tumiše – Letšatši la 11

Bjalo ka batho ba bagolo, ga re tshephane bonolo, ka lebaka le le kwagalago. Re a nyamišana, re diriša potego gampe ka mabaka a go ikhola gape ga re tshephege; ka gona re tshepha dipono tša rena, temogo le tsebo.

Ka mo go swanetšego, re hwetša go le boima go tshepha Modimo ka dilo tše kgolo le tše nnyane maphelong a rena. Re swanetše go kwešiša gore mmušo wa Modimo o tloga mafelelong o ya mathomong: bontšha lerato, se hloye; hlankela, se buše; neela, o se kgobele, hlokafala gore o phele. Se se ra gore o swanetše o tshephe Modimo ka bophelo bja gago ka moka gomme ka ntle le dihlong o dire se Diema 3:5-6 e se rutago: “O tshephe Morena ka pelo ya gago ka moka. O se ke wa tshepha kwešišo ya gago. O gopole Morena dilong tšohle tše o di dirago, gomme yena o tla go lokišetša ditsela.”

Ke ka lebaka la eng o swanetše go tshepha Modimo? Ka gobane “… Modimo wa rena ke yena Morena a nnoši (Markose 12:29) le “… ‘Ke nna yo ke lego yena’ ” (Eksodose 3:14).

Ge badumedi ba tshepha Modimo ka nnete, polokego ya rena e go tshepheng yena le maatla a gagwe. Gomme re nyaka gore Modimo a tsebe gore sepheto se sengwe le se sengwe ka gobane o tla re hlahla tseleng ya maleba. O tla re lokišetša tsela.

Tlhalošo ya Seheberu ya ditsela e bontšha tsela, taetšo goba mokgwa wa go dira dilo. Se se šišinya menyetla ye e itšego ye e tlago go wena gantši. O tee wa menyetla yeo ke tokelo ya go phela letšatši le lengwe le le lengwe ka mo go feletšego. Ke ge o ka re karolo ye e nyaka go re hlohleletša go amogela Modimo letšatši le letšatši, nakong ka moka ya maphelo a rena.

Re “tseba” bjang Modimo ka ditsela tša rena ka moka? Go ya ka NKJV Spirit-Filled Life Bible, go “tseba le go lemoga” mo go akaretša: “temogo, nyakišišo, le ponagatšo ya maitemogelo a rena”. Boemo bjo tseneletšego bja “go tseba”, lega go le bjalo ke tswalano ya go lebanya gape ya kgauswi le yena – tswalano ya kgauswi ye e neago bophelo boemong bja semoya moo rena, ka thapelo ya letšatši le letšatši, re bolelago le yena. Ke ka nako ye mo re tlišago lenaneo la rena la letšatši le letšatši pele ga Modimo le go tshepha yena go dira diphetogo tše di tlago tšweletša thato ya gagwe, ditšhegofatšo le diphenyo mapahelong a rena le a ba bangwe.