Matšatši a šupa a tutuetšo go tšwa go Kutullo - Letšatši la 4
Dula o botegela Modimo
(Di)temana ya Bibele
KUTOLLO 2
Molaetša wa go ya Tiatira
Ka mehla re tla ba le mehlala ya tumelo, tirelo le kgotlelelo. Gape ka nnete go na le dinako maphelong a rena moo re kgonago go botegela Modimo. Le ge go le bjalo, ka gobane setšhaba se na le batho, ka mehla go tla ba le go se botegele Modimo. Gape re itemogela seo tumelong ya rena moo re welago ka sebeng le go se obamele ka lebaka la mafokodi a rena.
Tšhupetšo go Isebele temaneng ye e re gopotša seo. Isebele o gokeditše Kgoši Ahaba go khunamela medingwana, le go tšea serapa sa merara sa Nabote ka maaka le polao. Go se botege mo go bjalo go ka tšwelela ka sebopego sa bodumedi. Se se a tiišetšwa temaneng ka go bontšha Isebele bjalo ka moprofeta wa mosadi. Ka dinako tše dingwe ke batho le ditiragalo ka kerekeng tše di re kwešago bohloko kudu. Ka letsogong le lengwe, re swanetše re hlokomele go se gogele ba bangwe fase ka ditiro tša rena.
Batho ka mehla ba ka retologela go Modimo ka kgaugelo ya Modimo. Ke tshepetšo ya bophelo ka moka gomme ka moka re ka hlatsetša ntwa ye e sa kgaotšego yeo e lego ka gare ga rena. Le ge e sa bake ke Modimo, a ka šomiša tlhophego go tliša batho morago go yena.
Ga go bonolo go dula o botega go Modimo lefaseng le sehlogo. Ka dinako tše dingwe, kgatelelo ya go ineela go meleko ya lefase e ka ba e kgolo kudu. Le ge go le bjalo, Modimo ga a lebelela gore re phethagatše mehuta ka moka ya ditlamego. Kgaugelo ya Modimo e lekane go rena gomme re ka swarelela go seo. Ka phenyo ya Jesu Kriste, gape re fihlelela phenyo go maatla a leswiswi. Ge naledi ya mesong e tsebiša letšatši morago ga bošego, seetša sa Jesu Kriste se phadima ka kereke ka leswiswing la nako ya rena.
Nagana ka:
- 1.Bobe bo iponagatša bjang bjalo ka selo se sebotse mehleng ye?
- 2. Seetša sa Modimo se tšwelela bjang lefaseng la rena la leswiswi?
