Mathomo a maswa – Letšatši la 12

365 – Ye ke palo ya matšatši a ngwaga. Gape ke makga a re balago ka Bibeleng mantšu: “Le se ke la boifa” goba “se boifeng”.

Naa o lebeletšane le poifo ga bjale bophelong bja gago ye e tšhošetšago go go fenya? Naa o boifa gore lenyalo la gago le ka fela ka lebaka la tlhalo, goba o tla rakwa mošomong goba o tla palela ke go lefa dikoloto tša gago mafelelo a kgwedi? Ge go le bjalo, theeletša gape go tše hlano tša ditemana tše 365 tše di tlago go phediša lenyaga:

• Pesalome 27:1: “Morena ke seetša sa ka le Mophološi wa ka – nka se boife motho. Morena ke botšhabelo bja ka – nka se tšhoge motho?”
• Jesaya 35:4: “Botšang ba dipelo tše dinyenyane le re: ‘Ebang le sebete, le se ke la boifa! Modimo o tlilo le hlakodiša, o tlilo le lefeletša manabeng a lena.’ ”
• Jesaya 41:10: “Le se ke la boifa – ke na le lena! Le se ke la lealea – ke nna Modimo wa lena! Ke a le tiiša, ke a le thuša, ke a le šireletša, ke le hlakodiša ka maatla a ka.” 
• Mateu 10:31: “Ka gona, le se ke la boifa – lena le ba bohlokwa go feta diphorogohlo tše dintši.”
• Johanese 14:27: “Ke le tlogelela khutšo; ke khutšo ya ka ye ke le fago yona. Ga ke le tlogelele yona bjalo ka batho ba lefase. Le se ke la ferekana, le se ke la boifa.”

Modimo o gona letšatšing le lengwe le le lengwe la ngwaga go go fetiša ka gare ga boemo bofe goba bofe bjo boima. O na le ditharollo go ditlhohlo tše o se bego wa lebeletšana le tšona. Tshepha Yena go dira tsela mo go bonalago go sa kgonege. Gopola, “Se boife.” Modimo a go šegofatše.