Lokologa – Letšatši la 5

Babadi ba bantši ba pakile, mo mengwageng, ka bokgoni bja Modimo go ka rarolla boemo bofe goba bofe bjo bo hlohlago ka mo go ba thabišago. Lehono, ke aba bopaki bjo bo hlatsetšago gore ka nnete Modimo o laola dilo ka moka.

Ka lethabo, Ockie le bontši bja baithuti ba ngwaga wa pele ba fihlile Stadiamong sa Ellis Park Stadium kua Johannesburg. E be e e le Makgaolakgang a Currie Cup gomme leano la gagwe e be e le go rekiša disangwetšhi gore yena le mmeeletšwa wa gagwe, Idene, ba kgone go ya maikhutšong a ka morago ga letšatši la lenyalo morago ga lenyalo.

Ka babogedi ba 60 000 bao ba bego ba tlo bogela makgaolakgang, ba be ba lebeletše go ka rekiša disangwetšhi tše e ka bago 10 000 letšatši leo. Seo e be e le tekanyo ya setoko se ba bego ba na le sona. Go ka boloka nako, Mokibelo woo ba tšea sephetho sa go ka ka ruthetša disosetše e sa le pele.

Dilo ka moka dibe di lokišitšwe. Seo se bego se hlokega e be e le babogedi bao ba bego ba tla ema ka methaladi go reka disangwetšhi. Ka 16:00 mathapama a Mokibelo woo, ge papadi e thoma, ba be ba rekišitše fela disangwetšhi tše 20 (go e na le tše ba ba bego ba di lebeletše tše 5 000). Ka nako ya go ikhutša, dilo di be di sa sepele gabotse gomme moraga ga papadi batho ba tšwile ka pela ka stadiamong, ba ba tlogela ka mokgobo wa dijo gomme go se na yo a ka di rekago.

Ka go makala le go se kgolwe, Ockie le sehlopha sa gagwe ba lebeletšana. Go be go se na wa bona yo a kgolwago se se diregilego.

Go be go le setu ka koloing ge Ockie le Idene ba tloga stadiamong. Ba be ba tlo dira eng ka dijo tšeo ka moka? Ba be ba ka se lokele disosetši ka setšidifatšing le go di rekiša gape ka ge ba be ba šetše ba di rutheditše.

Morago ga poledišano le moruti wa bona go ka hwetša ditšhišinyo ka mafelo a a kago hloka dijo, ba tšere sepheto sa go founela POPUP, mokgatlo kua Tshwane wo o thušago batho ba ba se nago mafelo a go dula ka Sontaga ye nngwe le ye nngwe. Gomme molaodi kua POPUP o nyakile a lla ge a araba. Ge Ockie le Idene ba iša dijo kua POPUP, ba hweditše gore mothekgi yo a bego a swanetše go tliša dijo ka Sontaga ya go latela, o ikgogetše morago thapameng yeo, gomme sehlopha sa POPUP ba be ba sa tsebe gore ba dire eng. Ba tšea sephetho ba tlaletše sa go ya go Modimo le go rapelela katlego. Morago ga thapelo, ba amogetše mogala wa gore dijo di tseleng. Modimo o abetše.

Ockie le Idene ba bile le maikhutšo a ka morago ga lenyalo a ditoro tša bona gomme ge ba anega kanegelo ya bona ya Ellis Park lehono, ba lemoga gore disangwetšhi e be e se tša bona. E be e le tša Modimo. Ba bile fela le monyetla go ka ba kgokaganyo go leano le legolo la Modimo.

Go Pesalome 24:1 re bala gore: “Lefase ke la Morena le tšohle tše di lego go lona; lefase ke la gagwe le tšohle tše di phelago go lona.” Go Jesaya 55:8-9 Modimo o re: “Megopolo ya ka ga e swane le ya lena, le ditsela tša ka di fapana le tša lena.” Gomme go Bafilipi 4:19 re bala gore: “Gomme Modimo wa ka o tlo tlatša mo lena le kago hloka, ka ge e le yena mohumi wa letago ka Kriste Jesu.”

Na o na le tlhoko ye Modimo fela a kago go fa yona lehono, goba o palela ke go ka kwešiša boemo bjo bo makatšago bophelong bja gago? Gopola, dilo ka moka lefaseng ke tša Modimo. Ke moabedi wa rena gomme a ka šomiša selo sefe goba sefe go phethagatša merero ya gagwe. Potšišo ke gore: Na o gona go ba sedirišwa leanong la gagwe le legolo lehono? Modimo a go šegofatše.