Khomotšo go tšwa Lentšung – Letšatši 27

₁₇Ge nkabe ke se thušwe ke Morena,

nkabe ke tšhwile ka ikela nageng ya setu.

₁₈Ge ke be ke ekwa gore ke a thedimoga,

o be o nthekga ka leratorato la gago, Morena.

₁₉Ge ke be ke balabala kudu ka pelo,

o be o nkhomotša.

₂₀Na o ka šomišana le baahlodi ba babe, ba ba fetolago bobe molao?

₂₁Ba lakana go bolaya moloki,

mohlokamolato ba mo ahlolela lehu.

₂₂Nnaena botšhabelo bja ka ke Morena;

Modimo wa ka ke sona sebo sa ka.

₁₃₇Wena o lokile, Morena,

le dikahlolo tša gago ke tšona.

₁₃₈Ditaelo tša gago di lokile,

di tshephagala e le ruri.

₉Ga a dule a kgalemela motho;

ga a befelwe go ya go ile.

₁₀Ga a re otle go ya ka moo re sentšego ka gona,

goba a itefeletša ka lebaka la dibe tša rena le makgopo a rena.

₁₁Bjalo ka ge legodimo le katologile lefase kudu,

ba ba mmoifago le bona o ba rata kudu.