Bible Society of South Africa
Dithulaganyo tša go bala
Khomotšo go tšwa Lentšung
Khomotšo go tšwa Lentšung – Letšatši 22

Khomotšo go tšwa Lentšung – Letšatši 22

Thekgo

(Di)temana ya Bibele

Pesalome 46

Modimo o na le rena

Go tsebišwa moopediši gore ke kopelo ya Bakorage; e opelwe ka modumo wa kopelo “Dikgarebe”.

1Modimo ke setšhabelo sa rena le maatla a rena;

ke komana madulaabapile mabakeng a mathata.

2Ka gona,

le ge lefase le ka šikinyega,

le dithaba tša kgeregela ka garegare ga lewatle;

3le ge mawatle a ka rora a galefile,

le dithaba tša thothomedišwa ke kgalefo yeo, re ka se tšhoge. Sela

Pesalome 46:1-3NSO00Bula go Mmadi wa Bibele

Pesalome 46

7Morena Ramaatlaohle o na le rena;

Modimo wa Jakobo ke setšhabelo sa rena!

Pesalome 46:7NSO00Bula go Mmadi wa Bibele

Pesalome 46

10O re: “Lesang go lwa,

mme le tsebe gore ke nna Modimo.

Ke nna Kokamaditšhaba,

ke nna Kokamalefase.”

11Morena Ramaatlaohle o na le rena;

Modimo wa Jakobo ke setšhabelo sa rena!

Pesalome 46:10-11NSO00Bula go Mmadi wa Bibele

Pesalome 41

Thapelo ya molwetši

Go tsebišwa moopediši gore ke pesalome ya Dafida.

1Go lehlogonolo motho yo a hlokomelago bahlaki;

Morena o tla mo hlakodiša mohla a wetšego mathateng.

2Morena o tla mo šireletša a mo phediša;

o tla mo letla mo nageng ye;

a ka se mo lahletše manabeng.

3Ge a babja, Morena o tla mo thekga,

a mo fodišetša sa ruri.

Pesalome 41:1-3NSO00Bula go Mmadi wa Bibele

Pesalome 18

Go tsebišwa moopediši gore ke pesalome ya Dafida, mohlanka wa Morena, yo a ilego a opelela Morena kopelo ye mohla wola Morena a mo phološitše manabeng a gagwe ka moka, le go Saulo,

1mme a re: Ke go rata bjang, Morena, wena maatla a ka!

2Morena ke setšhabelo sa ka;

ke sebo sa ka le mophološi wa ka.

Ke Modimo wa ka le botšhabelo bjo ke tšhabelago go bjona.

Ke kotse ya ka,

ebile ke montlhabanedi,

ke bokhuto bja ka.

Pesalome 18:1-2NSO00Bula go Mmadi wa Bibele

Pesalome 18

28Wena, Morena,

o mphediša ka boiketlo;

wena, Modimo wa ka,

o ntlošetša mathata a ka ka moka.

29O mpha maatla a go hlasela manaba a ka,

le a go tshela morako wa motse wa bona.

30Ditiro tša Modimo yo di lokile kudu,

mantšu a gagwe a hlwekile.

O bjalo ka kotse go bohle bao ba nyakago a ba šireletša.

31Morena a le noši ke Modimo;

Modimo a nnoši ke setšhabelo sa rena.

Pesalome 18:28-31NSO00Bula go Mmadi wa Bibele

Ge motho a le mahlokong gomme a hloka maatla le khomotšo tša Modimo, gantši o na le go ikwa a palelwa go ka ithuša. Dikarolo tše tša Mangwalo a Makgethwa go tšwa go Dipesalome di kgobokantšwe ka tlase ga dihlogo go go thuša go humana ditemana tša Mangwalo a Makgethwa tša maleba maemong a gago.

Bible Society of South Africav.4.26.9
RE HWETŠE GO