Khomotšo go tšwa Lentšung – Letšatši 23

₁Go Modimo fela ke mo ke hwetšago khutšo;

ke yena yo a mphološago.

₂Ke yena fela sebo sa ka le Mophološi,

ke yena setšhabelo sa ka,

nka se tsoge ke thetšitšwe.

₅Nna khutšo ke e hwetša go Modimo fela,

ke yena yo ke mo tshephilego.

₆Ke yena fela sebo sa ka le Mophološi,

ke yena setšhabelo sa ka,

mme nka se thetšwe.

₇Modimo ke Mophološi wa ka yo a mphago seriti;

ke yena sebo sa ka se se tiilego,

ke setšhabelo sa ka.

₈Mo tshepheng ka mehla,

lena setšhaba;

mo aleleng mathata ohle a lena;

ke yena setšhabelo sa rena.

₁Ke lelalela kua dithabeng;

ke botile go thušwa ke mang?

₂Ke botile go thušwa ke Morena,

Mohlodi wa legodimo le lefase.

₃A ka se go lese o kgopša;

Mošireletši wa gago ga a potume.

₄Ee, Mošireletši wa Israele ga a potume,

le gona ga a robale.

₅Morena ke Mošireletši wa gago;

o šika le wena go go leta.

₆Letšatši le ka se go dire selo mosegare,

le ge e le wona ngwedi bošego.

₇Morena o tla go šireletša kotsing tšohle,

o tla šireletša bowena bja gago ka moka.

₈O tla go šireletša mayong le maboong a gago,

gonabjale le go ya go ile.

₁Ke lelalela go wena o bušago o le legodimong.

₂Rena re lebeletše Morena

Modimo wa rena,

re letetše gore a re gaugele.

Re etša bahlanka ge ba lebeletše seatla sa mong wa bona,

goba modiredi wa ngwanenyana ge a lebeletše seatla sa mong wa gagwe wa mosadi.

₃Re gaugele, Morena, re gaugele,

gobane re gobošitšwe go feta tekanyo.

₄Re segilwe go feta tekanyo ke ba ba nago le sa bona,

ra gobošwa go feta tekanyo ke ba ba ikgantšhago.