Kholofelo e mpsha – Letšatši la 9

Mo ke potšišo e nngwe go tšwa go mmadi mabapi le tebalelo.

Potšišo: “Ke swaragana bjang le pefolo ya ka le pefelo ya motho yo mongwe go nna? Ke lemoga gore e re šitiša go gatela pele?”

Karobo: O ka se laole pefelo ya motho yo mongwe, eupša o ka tšea sephetho sa gore o tla swaragana bjang le ya gago. Go Mateu 5:9 Jesu o re: “ Ba lehlogonolo ke badirakhutšo, gobane ba tla bitšwa bana ba Modimo.” Potšišo ke gore: naa o modirakhutšo goba motho yo a bolokago direkhote tša diphošo? Naa o ikemišeditše go beela thoko boikgogomošo bja gago gomme o thome pele, go kgopela tshwarelo (le ge o na le tokelo ya go befela) goba o leta motho yo mongwe go go bolediša pele, ka go tseba gore e ka se direge gape?

Mohlala o mmotse wa motho yo a tsebilego bohlokwa bja modirakhutšo e bile mopresidente wa maloba wa U.S Abraham Lincoln. Ge go be go le molaleng nakong ya Ntwa ya Bana ba Thari ye Bathekgi ba Lincoln ba e fentšego, mmegi wa ditaba o mmotšišitše ka fao a tlago swara ka gona marabele a ditoropo tša ka borwa. O fetotše ka gore: “Bjalo ka ge eka ga se ya ba marabele.” Mmegi wa ditaba o maketše kudu! “Eupša Morena Presidente, ga go a bolekega go fediša lenaba la gago? Lincoln a myemyela, “Eupša ke tiišitše. O fediša manaba a gago ge o ba dira bagwera ba gago.”

Go ba modirakhutšo ga go hlaloše gore o dumelela ba bangwe ba go namela hlogo, goba o efoga thulano ka lebaka la go ba le khutšo bophelong bja gago. Go hlaloša motho yo a nago le bokgoni bja go lebelela boemo ka bohlale, go naganišiša ka dikgetho ka moka, gomme wa dira se sekaone go batho ka moka ba ba akaretšwago. Go ba modirakhutšo gape go go nea monyetla wa go bontšha semelo sa Modimo, lerato le mogau go batho ba o phelago le bona. Se, re se dira re le gare re latela molao wa gagwe. Go Baroma 12:18 re bala gore: Le dire ka mo le ka kgonago ka gona go phedišana le batho ka moka. Gomme go Baheberu 12:14: Le phegeleleng go phedišana le bohle ka khutšo, le lekeng le go phela bophelo bjo bokgethwa, ka gobane ga go yo a tlago bona Morena a sa phele ka mokgwa woo.

Ge o ikhwetša o le boemong bjo thata lefelong la mošomo, ka gae, lenyalong la gago goba go segwera, go e na le go omana le semeetseng, tšea kgato o boele morago gomme o kgopele Moya wo Mokgethwa go go nea bohlale. O ka efoga mathata a mantši. Ke ra gore, go tla direga eng go rena ge Modimo a ka se re kgotlelele le go re rata, ge re dira selo se se mmefedišago? Modimo a go šegofatše.