Kholofelo e mpsha – Letšatši la 7

Kgwele ya kolofo le Bibele. Naa dilo tše di swana bjang?

Kgwe ya kolofo: Monna wa ka ke sebapadi se hlwahlwa sa kolofo, gomme nako le nako, ke hwetša dikgwele tša kolofo ka ntlong. Ke be ke sa nagene gore dikgwele tše di bohlokwa. Ge ke be ke le moimana wa dikgwedi tše 8, ke bile di dihlabi ka mokokotlong le go hunyela ga mešifa. Bohloko le go se iketle di be di gakala kudu bošego ge ke fetoša boemo bja ka bja go robala. Bohloko bo be bo dira gore ke tsoge nakwana pele ke robala gape. Monna wa ka o logile leano: bea kgwele ya kolofo mokokotlong wa gago go mešifa ye e hunyetšego gomme o sepediše kgwele fao. Le šomme! Gateetee, ke be ke lemoga kgwele e nngwe le e nngwe ya kolofo ka ntlong gomme ke robala gabotse ka ntle le bohloko!

Bibele: Bontši bja rena re na le diBibele tše mmalwa ka magaeng a rena. Potšišo ke gore: naa e sa le selo se bohlokwa go wena goba e fetogile dikgwele tša kolofo tše di palakanego ka ntlong, ka gobane o e bala ka sewelo? Ge re palela ke go ba le nako bogoneng bja Modimo le go bala go tšwa lentšung la gagwe, re thoma go dula go ditlhohlo maphelong a rena, ka go se iketle moyeng wa rena, e ka ba ditšhelete, lenyalong la rena, lefelong la mošomo goba ka tša maphelo a rena. Se, le ge e le lentšu la Modimo, re nago le sona, se tletše ka dikholofetso tše ntši go re homotša le go re hlahla, le go re nea kholofelo e mpsha go boemo bofe goba bofe bjo boima. Ge re dira nako ya go bala lentšu la Modimo le go hwetša bohlokwa bja dikholofetšo tše maphelong a rena, go ba bjalo ka kgwele ya kolofo – e bohlokwa kudu.

Lentšu la Modimo le a phela, le mafolofolo. Go Baheberu 4:12 re bala gore: Lentšu la Modimo le a phela, le mafolofolo ebile le bogale go feta tšhoša ya magale a mabedi. Le sega go hlaphola la ba la kgaoganya pelo le moya, la kgaoganya le malokologo le moko. Le fetleka dikakanyo le menagano ya ka pelong. Gomme go 2 Timotheose 3:16-17 re bala gore: Mangwalo a Makgethwa ka moka a ngwadilwe ka go huetšwa ke Modimo, gomme a hola go ruta therešo, go kgala ba ba fošago, go sokolla batho, le go laya batho gore ba phele ka tshwanelo, gore motho yo a ineetšego Modimo e be yo a kgonago gape a loketšego go dira mediro yohle ye mebotse.

Dikholofetšo tša Modimo ga di fetoge. Go Diema 30:5 go ngwetšwe gore: “Modimo o tshephagala go tšohle tše a di bolelago. Ke kotse ya ba ba tšhabelago go yena.” Gomme go Mateu 24:35, Jesu o re: “Legodimo le lefase di tla fela, eupša tše ke di boletšego tšona e tla no fela e le nnete.”

Ka gona, ge o itemogela go se iketle le bohloko moyeng wa gago gape, bala lentšu la Modimo gomme o kgopele Moya wo Mokgethwa go go hlahla go temana ya maleba. O ka makatša ke ka fao “mešifa ye e hunyetšego” ka sebopego sa ditlhohlo e nyamelelago bophelong bja gago le ka fao o swaraganago bokaone le maemo a itšego ge o tseba se Modimo a se bolelago lentšung la gagwe! Modimo a go šegofatše.