Kholofelo e mpsha – Letšatši la 11

Naa o lora ka go dira phapano lefaseng le o dulago go lona? Ge o ka hlokafala lehono, naa otla ikgantšha ka bohwa bja gago?

Kua Westminster Abbey kua London, mopišopo wa Anglican o bolokilwe ka mantšu a a go tuma a tlokilwego go leswika la gagwe la segopotšo: “Ge ke be ke sa le yo monnyane gomme go akanya go se na magomo, ke lorile ka go fetoša lefase. Ge ke gola gomme ke e ba bohlale, ke utolotše gore lefase le ka se fetoge. Toro ya ka ya fetoga gannyane go ya moo ke tšerego sephetho sa gore ke tla fetoša fela naga ya gešo. Ga ke a atlega ka seo. Megwageng ya ka ya lehlabula, ke bile le teko ya mafelelo ya go fetoša dilo. Ke lemogilego gore ke be ke swanetše ke kgotsofale ka go fetoša fela kereke ya ka goba gaešita fela le lapa la ka. Ba be ba sa nyake go tseba ka seo. Bjale, ge ke robetše bolaong bja ka bja lehu, ke a kwešiša gore, selemo ke ngwagola. Ge fela ke be ke thomile ka nna, nkabe ke kgonne go fetoša lapa la ka le bakereki ba mmalwa. Ka tutuetšo ya bona le tlhohleletšo, re ka ba re fetošitše naga ya rena. Gomme ke mang a tsebago, gaešita le go dira se sengwe ka lefase”.

Ka dinako tše dingwe, re laola ke toro ye re nago le yona dipelong tša rena, moo re lahlegelwago ke menyetla ya bjale. Go Sakaria 4:10, Serubabele o swaragane le go aga motheo wa tempele. Se se bonala bjalo ka mošomo o tlwaelegilego. Le ge go le bjalo, theetša mantšu a Modimo mabapi le mošomo wa gagwe: “Ka gobane le e a nyaditšego mehla yeno ya dilo tše nyenyane o tlo thaba …”

Ge re lemoga gore Modimo o tseba ditoro tša rena, eupša gape le bokamoso bjo a re rulagantšheditšego bjona, re tla itemogela kgateletšogo e nnyane ya monagano maphelong a rena gomme ra thoma go šomiša menyetla ye a re neago yona. Ka gona, se lahlegelwe ke menyetla ye o e hwetšago beke ye. Ka go dira seo, re ka fetoša setšhaba sa rena, naga ya rena gomme go tseba mang, mafelelong gaešita le lefase! Modimo a go šegofatše.