Kgonthišetšo e šegofaditšwego – Letšatši la 2

Ya re ge ba batamela motsana wo ba bego ba eya go wona, Jesu a dira tše nkego o fetela pele; eupša bona ba mo tutuetša ba re: “Lala le rena; tšatši le šetše le diketše, leswiswi le lona le šetše le swara.” Ka gona a tsena le bona gore a dule nabo. Lukase 24:28-29

“Dula le nna” ke sefela se o ka se lemogago go tšwa meletlong ya poloko goba, ge o le molatedi wa kgwele ya maoto, go tšwa go Makgaolakganag a Mogopo wa FA moo ditemana tša pele le tša boraro di opelwago go tloga ka 1927.

Ke kgetho ye e lego molaleng go ba sefela sa poloko; e bolela ka go fifala, go sobela ga letšatši le letago le le fifalago. Go ketša moo, e ngwetšwe ke Henry Francis Lyte ge a be a hlokafala ka bolwetši bja mafahla. O ngwetše sereto se bjalo ka thapelo go Kriste, a bolela mantšu a barutiwa go Lukase 24 ge ba be ba sepela le Kriste yo a tsogilego bahung tseleng go ya Emause.

Eupša kgopelo ya barutiwa go Jesu, ye e booeletšwago go sefela sa Lyte’s hymn, ga se fela mantšu a ba ba hlokafalago, ke mantšu go rena. Ye nngwe ya ditemana tša “Dula le nna” e re:

“Ke hloka bogona bja Gago ka mehla.

Ke eng eupša kgaugelo ya Gago e ka palediša maatla a moleki?

Ke mang, bjalo ka Wena, a ka bago mohlahli le bodulo bja ka?

Ka leswiswi le le mahlasedi, Morena, dula le nna.”

Sefela se se re gopotša gore re phophothele Morena wa rena go dula le rena. Go ba gona, a sa fetoge, ge dilo tšohle kgauswi le rena di fetoga. Go dula le rena ka leswiswi le mahlasedi, ka mathabo le manyami. Ge re nyaka bogona bja Modimo, o tla itšweletša go rena, bjalo ka ge a dirile go barutiwa tseleng ya go ya Emause. O tla re netefaletša ka ge a ba netefaleditšego Mateu 28:20, “Tsebang gore ke tla ba le lena ka mehla go fihla mohla lefase le fela.”