Kgonthišetšo e šegofaditšwego – Letšatši la 16

Eba mošireletši wa ka yo ke tšhabelago go yena ka mehla. O ikemišeditše go mphološa, gobane o mošireletši wa ka le sebo sa ka. Pesalome 71:3

Ka 1763, Moruti Augustus Toplady o ikhweditše ka gare ga ledimo. O tšhabetše ka tlase ga leswika la kalaka la dimethara tše e ka bago tše 30 ka botelele. Kanegelo e re Toplady o ntšhitše karata ya go raloka gomme a ngwala mantšu “Leswika la mengwaga” ka morago ga yona. Lehono, ge o etela Burrington Combe kua Engelane, o tlo bona plaka ye e neetšwego go sefela sa Toplady.

Ke nagana ka Toplady a lebeletše leswika le legolo, le le phatlogilego gare go hlola lefelo la go utama go ledimo le go gopotšwa ka leswika le lengwe. Jesu ke leswika leo le phatlogilego ka lebaka la rena. “Se ke mmele wa ka wo ke le neago wona,” Jesu o boditše barutiwa ba gagwe selalelong, ge a tšea senkgwa gomme a ba nea sona. Mmele wa Jesu o filwe rena – wo o phatlogilego ge a bapolwa. Ga se fela matsogo le maoto ao a phuntšwego, eupša gape le lehlakore la gagwe.

Jesu o phuntšwe ka lebaka la dibe tša rena gomme ka dintho tša ggawe re fodišitšwe. Re swanetše go ya go yena fela, gore re phološwe sebeng. Ke sona seo Toplady a bolelago ka sona temaneng ya pele ya sefela sa gagwe:

Leswika la mengwaga, le le phatlogetšego nna.

E re ke iphihle ka go lona;

E re meetse le madi,

Go tšwa lehlakoreng moo a eletšego,

E be a sebe phodišo gabedi,

Ntlhwekiše go tšwa molatong wa sona le maatla.

Pefelo ya Modimo, ka tshwanelo, e tšhollelwa go badiradibe. Ke rena ka moka. Eupša madi a Jesu, a tšholletšwego go bao ba sokologilego ba llelago mogau le phološo, a hlwekiša pefelo ya Modimo Tate. E se seo fela, eupša re hlwekiša go go se loke, ka lebaka leo “phodišo gabedi”. Ke nnete e ntši yeo e lego ka gare ga mantšu a mmalwa!

Naa Jesu ke lweswika la gago, phološo le botšhabelo?